ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

ಓ ಮೆಣಸೇ...

ಎಲ್ಲರನ್ನೂ ಒಳಗೊಂಡ ಅಭಿವೃದ್ಧಿಯೇ ಸರಕಾರದ ಗುರಿ - ಸ್ಮತಿ ಇರಾನಿ, ಕೇಂದ್ರ ಸಚಿವೆ.

ಎಲ್ಲರೂ ಎಂದರೆ ಅಮೆರಿಕ, ಅನಿಲ್ ಅಂಬಾನಿ, ಅದಾನಿಗಳಿರಬೇಕು.


ಹಲವು ಸೋಂಕುಗಳಿಂದ ತಮ್ಮನ್ನು ಕಾಪಾಡಿಕೊಳ್ಳುವುದು ಹೇಗೆ ಎನ್ನುವುದನ್ನು ಕಲಿಸಲು ಚೀನಾಕ್ಕೆ ತೆರಳಲು ಸಿದ್ಧನಿದ್ದೇನೆ - ಬಾಬಾರಾಮ್‌ದೇವ್, ಯೋಗ ಗುರು.

ದಯವಿಟ್ಟು ಅದನ್ನು ತಕ್ಷಣ ಮಾಡಿ. ಭಾರತದ ವೈದ್ಯಕೀಯ ಕ್ಷೇತ್ರವನ್ನು ಕಾಪಾಡಿ. ಮಾಸ್ಕ್ ಹಾಕದೇ ಹೋದರೆ ಇನ್ನೂ ಉತ್ತಮ.


ಬಿಜೆಪಿ ಅಧಿಕಾರಕ್ಕೆ ಬರಲು ನಾನೂ ಕಾರಣಕರ್ತ. ಅದಕ್ಕೆ ಯಡಿಯೂರಪ್ಪ ಜೂನ್ ನಂತರ ನನಗೆ ಸಚಿವ ಸ್ಥಾನ ನೀಡುವ ಭರವಸೆ ಕೊಟ್ಟಿದ್ದಾರೆ - ಆರ್. ಶಂಕರ್, ಮಾಜಿ ಸಚಿವ.
ಅಧಿಕಾರಕ್ಕೆ ಬರಲು ಮತದಾರರ ಪಾತ್ರವೇ ಇಲ್ಲ ಎಂದಾಯಿತು.


ಮಾಜಿ ಸ್ಪೀಕರ್ ಕೆ.ಆರ್.ರಮೇಶ್ ಕುಮಾರ್‌ರ ನಡೆ ‘ಮಾಡುವುದೆಲ್ಲ ಅನಾಚಾರ, ಮನೆ ಮುಂದೆ ಬೃಂದಾವನ’ ಎಂಬಂತಿದೆ - ಆರ್. ವಿಶ್ವನಾಥ, ಮಾಜಿ ಸಚಿವ.

ನಿಮ್ಮ ಗ್ರಹಚಾರದ ಮುಂದೆ ಅದೇನೂ ಅಲ್ಲ ಬಿಡಿ.


ಸಂವಿಧಾನ ಇರುವ ತನಕ ಭಾರತವನ್ನು ಹಿಂದೂ ದೇಶ ಮಾಡಲು ಸಾಧ್ಯವಿಲ್ಲ

- ಸ್ವಾಮಿ ಅಗ್ನಿವೇಶ್, ಹರ್ಯಾಣ ಮಾಜಿ ಶಾಸಕ.
ಅದಕ್ಕೇ ಸಂವಿಧಾನವನ್ನು ಇಲ್ಲವಾಗಿಸಲು ಹೊರಟಿರುವುದು.


ಸಂವಿಧಾನಕ್ಕೆ ಟೈಂ ಬಾಂಬ್ ಫಿಕ್ಸ್ ಆಗಿದೆ - ಸಿ.ಟಿ. ರವಿ, ಸಚಿವ.

ಶೃಂಗೇರಿಯಲ್ಲಿ ಪೆಟ್ರೋಲ್ ಬಾಂಬ್ ಬೆದರಿಕೆ ಒಡ್ಡಿದವರ ಕೈವಾಡವಿದೆಯಂತೆ.


ಮಾಜಿ ಪ್ರಧಾನಿ ವಾಜಪೇಯಿ ಕಾಲದ ಬಿಜೆಪಿ ಈಗ ಉಳಿದಿಲ್ಲ - ಸಿ.ಎಂ. ಇಬ್ರಾಹೀಂ, ಕಾಂಗ್ರೆಸ್ ಮುಖಂಡ.

ನೆಹರೂ ಕಾಲದ ಕಾಂಗ್ರೆಸ್ ಈಗ ಉಳಿದಿದೆಯೇ?


ಯಡಿಯೂರಪ್ಪ ಇಲ್ಲದಿದ್ದರೆ ಕರ್ನಾಟಕದಲ್ಲಿ ಬಿಜೆಪಿ ಝೀರೋ - ಎಸ್.ಆರ್. ಪಾಟೀಲ್, ವಿ.ಪ. ವಿರೋಧ ಪಕ್ಷದ ನಾಯಕ.
ಕಾಂಗ್ರೆಸ್ ಝೀರೋ ಆಗಿರುವುದಕ್ಕೆ ಯಾರು ಕಾರಣ ಎನ್ನುವುದನ್ನು ಮೊದಲು ಕಂಡುಕೊಳ್ಳಿ.


ಮಾತಿಗೆ ನಿಲುಕದ ಸಂದರ್ಭಗಳು ನನಗೆ ತುಂಬಾ ಇಷ್ಟ - ಅಮಿತಾಬಚ್ಚನ್, ನಟ.

ಬಹುಶಃ ಮೂಕ ಚಿತ್ರಗಳ ಬಗ್ಗೆ ಮಾತನಾಡುತ್ತಿರಬೇಕು.


ಮಹಾತ್ಮಾ ಗಾಂಧಿ ಚುನಾವಣೆಗೆ ನಿಂತರೂ ಸೋಲುವಂತಹ ಸ್ಥಿತಿಯಲ್ಲಿದ್ದೇವೆ - ಸಿ.ಟಿ. ರವಿ, ಸಚಿವ.

ಕೊಂದವರಿಗೆ ಸೋಲಿಸುವುದು ಕಷ್ಟವೇ?


ಚುನಾವಣೆ ನೀತಿ ಸಂಹಿತೆ ಜಾರಿಯಲ್ಲಿದ್ದಾಗ ಟಾಯ್ಲೆಟ್‌ಗೆ ಹೋಗಲೂ ಅಡ್ಡಿಯಾಗುತ್ತದೆ - ಜಗದೀಶ್ ಶೆಟ್ಟರ್, ಸಚಿವ.
ಚುನಾವಣಾ ಭಾಷಣದ ಹೆಸರಿನಲ್ಲಿ ವಿಸರ್ಜಿಸಿದರೆ ಸಾಕಾಗುವುದಿಲ್ಲವೇ?


ಕಾಂಗ್ರೆಸ್‌ನಲ್ಲಿದ್ದು ದೇಶ ಸೇವೆ ಮಾಡಲು ಅಸಾಧ್ಯ - ಜ್ಯೊೀತಿರಾದಿತ್ಯ ಸಿಂಧಿಯಾ, ಮಧ್ಯಪ್ರದೇಶ ಕಾಂಗ್ರೆಸ್‌ನಿಂದ ಹೊರಬಂದ ನಾಯಕ.

ಬಿಜೆಪಿಯಲ್ಲಿದ್ದು ಆರೆಸ್ಸೆಸ್ ಸೇವೆಯೇ ವಾಸಿಯಂತೆ.


ನಮ್ಮಲ್ಲಿ ಬಿಸಿಲು ಹೆಚ್ಚಿರುವುದರಿಂದ ಕೊರೋನ ಸೋಂಕು ಹರಡುವ ಸಾಧ್ಯತೆ ಕಡಿಮೆ - ಶ್ರೀರಾಮುಲು, ಸಚಿವ.

ಆದರೆ ನೀವು ಹರಡುತ್ತಿರುವ ಸೋಂಕನ್ನು ತಡೆಯಲು ಯಾವ ಬಿಸಿಲಿಗೂ ಸಾಧ್ಯವಿಲ್ಲ.


ಮುಂದಿನ ಮೂರು ವರ್ಷ ಯಡಿಯೂರಪ್ಪರೇ ಮುಖ್ಯಮಂತ್ರಿಯಾಗಿ ಮುಂದುವರಿಯುತ್ತಾರೆ - ವಿಜಯೇಂದ್ರ, ಬಿಜೆಪಿ ಯುವ ನಾಯಕ.

ಆ ಬಳಿಕ ಆ ಸ್ಥಾನವನ್ನು ತಮಗೆ ವಹಿಸಿಕೊಡುತ್ತಾರೆ ಎಂದು ಹೇಳುತ್ತಿದ್ದೀರಿ.


ದಿಲ್ಲಿ ಗಲಭೆ ಆರೋಪಿಗಳು ಯಾವುದೇ ಪಕ್ಷ, ಜಾತಿ, ಧರ್ಮದವರಾಗಿದ್ದರೂ ತಕ್ಕ ಶಾಸ್ತಿ ಮಾಡಲಾಗುವುದು - ಅಮಿತ್ ಶಾ, ಕೇಂದ್ರ ಸಚಿವ.

ಅಂದರೆ ಯಾವ ಪಕ್ಷದವರು, ಯಾವ ಧರ್ಮದವರು ಎನ್ನುವುದನ್ನೂ ಗುರುತಿಸಿ ಆಗಿರಬೇಕು.

‘ಮಧ್ಯಪ್ರದೇಶದ ವೈರಸ್’ ಮಹಾರಾಷ್ಟ್ರಕ್ಕೆ ಪ್ರವೇಶಿಸುವುದಿಲ್ಲ - ಸಂಜಯ್‌ರಾವತ್, ಶಿವಸೇನೆ ನಾಯಕ.

ದಿಲ್ಲಿಯ ವೈರಸ್ ಆಗಮಿಸದಂತೆ ನೋಡಿಕೊಳ್ಳಿ.


ನಮ್ಮಲ್ಲಿರುವುದು ಒಂದೇ ಗುಂಪು. ಅದು ಸೋನಿಯಾ ಗಾಂಧಿ ನೇತೃತ್ವದ ಗುಂಪು - ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ಮುಖಂಡ.

ಬಿಜೆಪಿ ಗುಂಪು, ಆರೆಸ್ಸೆಸ್ ಗುಂಪುಗಳು ಕೂಡ ಇವೆ. ಸರಿಯಾಗಿ ತಪಾಸಣೆ ಮಾಡಿ.


ಡಿಕೆಶಿ ಅವರನ್ನು ಕೆಪಿಸಿಸಿ ಅಧ್ಯಕ್ಷರನ್ನಾಗಿ ನೇಮಿಸಲಾಗಿದೆ ಎಂಬ ವಿಷಯ ತಿಳಿದು ಆಶ್ಚರ್ಯವಾಯಿತು- ಕೆ.ಎಸ್. ಈಶ್ವರಪ್ಪ, ಸಚಿವ.

ನಿಮ್ಮನ್ನು ಮಾಡಬೇಕಾಗಿತ್ತೇ?


ಮಾಜಿ ಸ್ಪೀಕರ್ ರಮೇಶ್ ಕುಮಾರ್ ಎಷ್ಟು ಕೊಲೆ ಮಾಡಿಸಿದ್ದಾರೆ ಎಂಬ ಬಗ್ಗೆ ನನ್ನಲ್ಲಿ ಸಾಕ್ಷಿಗಳಿವೆ - ಎಂ.ಪಿ. ರೇಣುಕಾಚಾರ್ಯ, ಮಾಜಿ ಸಚಿವ.
 ಮತ್ತೇಕೆ ಆ ಸಾಕ್ಷಿಗಳನ್ನು ನ್ಯಾಯಾಲಯಕ್ಕೆ ಒಪ್ಪಿಸಬಾರದು.


ನನಗೆ ತಮಿಳುನಾಡು ಮುಖ್ಯಮಂತ್ರಿಯಾಗುವ ಮಹತ್ವಾಕಾಂಕ್ಷೆ ಇಲ್ಲ - ರಜನಿಕಾಂತ್, ನಟ.

ಯಾವುದಾದರೂ ಸಿನೆಮಾದಲ್ಲಿ ಮುಖ್ಯಮಂತ್ರಿಯಾಗಿ ಆಸೆ ತೀರಿಸಿಕೊಂಡರೆ ಆಯಿತು.


ನಾನು ಸಂಡೇ, ಮಂಡೇ ಲಾಯರ್ - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ.

ಉಳಿದ ಸಮಯದಲ್ಲಿ ಲಯರ್.


ಐತಿಹಾಸಿಕ ಪ್ರಮಾದಗಳನ್ನು ಸರಿಪಡಿಸುವ ಮೂಲಕ ಭಾರತ ಬದಲಾಗುತ್ತಿದೆ - ಜೆ.ಪಿ.ನಡ್ಡಾ, ಬಿಜೆಪಿ ಅಧ್ಯಕ್ಷ.

ಸಂವಿಧಾನವನ್ನು ಮನುಸ್ಮತಿಯಾಗಿ ಬದಲಾಯಿಸುವ ಮೂಲಕ.


ಕೊರೋನ ವೈರಸ್ ಭೀತಿ ಇರುವುದರಿಂದ ರಾಜ್ಯ ಸರಕಾರ ಸದನ ನಡೆಸುವ ಬಗ್ಗೆಯೂ ಯೋಚಿಸಬೇಕು - ಪ್ರಕಾಶ್ ರಾಥೋಡ್, ಶಾಸಕ.

ರಾಜಕಾರಣಿಗಳ ವೈರಸ್‌ಗಳಿಗೆ ಹೆದರಿ ಸದನದೊಳಗೆ ಕಾಲಿಡಲು ಕೊರೋನ ವೈರಸ್ ಹೆದರುತ್ತಿದೆಯಂತೆ 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top