ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

ಓ ಮೆಣಸೇ...

 ಬಡವರಿಗೆ ವಿತರಿಸುತ್ತಿರುವ ಆಹಾರ ಚೀಲಗಳ ಮೇಲೆ ಶಿಷ್ಟಾಚಾರದ ಭಾಗವಾಗಿ ನನ್ನ ಭಾವಚಿತ್ರ ಬಳಸಿದ್ದಾರೆ
-ಅರವಿಂದ ಲಿಂಬಾವಳಿ, ಶಾಸಕ

ಕೊರೋನ ಕುರಿತಂತೆ ಜಾಗೃತಿ ಮೂಡಿಸಲು ವೈರಸ್ ಚಿತ್ರ ಸಿಕ್ಕಿರಲಿಲ್ಲ ಎಂದು ಕಾಣುತ್ತದೆ.


ನಾನು ಮುಸ್ಲಿಮ್ ವಿರೋಧಿಯಲ್ಲ - ರೇಣುಕಾಚಾರ್ಯ, ಶಾಸ

ಮನುಷ್ಯರಿಗಷ್ಟೇ ನೀವು ವಿರೋಧಿ. ಗೊತ್ತಿದೆ.


ಹೆದರಬೇಡಿ, ಕೊರೋನ ಚಿಕಿತ್ಸೆಗೆ 1ಲಕ್ಷ ಹಾಸಿಗೆಗಳು ತಯಾರಿವೆ
 -ಲವ ಅಗರ್ವಾಲ್, ಆರೋಗ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ
 ಯಾವಾಗ ಆಸ್ಪತ್ರೆಗೆ ಸಾಗಿಸುತ್ತೀರಿ, ಕೊರೋನ ಭಾರತದಿಂದ ತೊಲಗಿದ ಬಳಿಕವೆ?


ಜಗತ್ತು ತತ್ತರಿಸಿದರೂ ಪ್ರಧಾನಿ ಮೋದಿಯವರ ಕಟ್ಟುನಿಟ್ಟಿನ ಕ್ರಮದಿಂದ ಕೊರೋನ ನಿಯಂತ್ರಣದಲ್ಲಿದೆ

-ನಳಿನ್‌ಕುಮಾರ್ ಕಟೀಲು, ಸಂಸದ
  ಕಟ್ಟು ಮತ್ತು ನಿಟ್ಟು ಯಾವ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ?


ಯಾವುದೇ ಕಾರಣಕ್ಕೂ ಮದ್ಯವ್ಯಸನಿಗಳು ಆತ್ಮಹತ್ಯೆ ಮಾಡಿಕೊಳ್ಳಬಾರದು

-ಎಚ್.ನಾಗೇಶ್, ಸಚಿವ
 ವಲಸೆ ಕಾರ್ಮಿಕರು, ರೈತರು ಆತ್ಮಹತ್ಯೆ ಮಾಡಿಕೊಳ್ಳಬಹುದೆ?


ರಾಜಕಾರಣ ಮಾಡುವ ಸಮಯ ಇದಲ್ಲ -ಗೋವಿಂದ ಕಾರಜೋಳ, ಉಪಮುಖ್ಯಮಂತ್ರಿ

 ರಾಜಕಾರಣ ಮಾಡುವುದಕ್ಕೆ ಬೇಕಾಗುವಷ್ಟು ಹಣ ಖಜಾನೆಯಲ್ಲಿಲ್ಲ ಎಂದು ಕಾಣುತ್ತದೆ.


ದೇಶದಲ್ಲಿ ಅಗತ್ಯ ವಸ್ತುಗಳ ದಾಸ್ತಾನು ಸಾಕಷ್ಟಿದೆ
- ಅಮಿತ್ ಶಾ, ಕೇಂದ್ರ ಸಚಿವ
ಆದರೂ ಹಸಿದ ಜನ ಸಾಮಾನ್ಯರಿಗೆ ನೀಡುವುದಿಲ್ಲ ಎನ್ನುವ ಹಟ.


ಕೊರೋನ ಬಗ್ಗೆ ಸುಳ್ಳು ಮಾಹಿತಿ ನೀಡಿ ಅಮೆರಿಕವನ್ನು ಅಪಾಯಕ್ಕೆ ದೂಡಿರುವುದಕ್ಕೆ ಚೀನಾ ಮುಂದೆ ತಕ್ಕಶಾಸ್ತಿ ಅನುಭವಿಸಲಿದೆ

-ಡೊನಾಲ್ಡ್ ಟ್ರಂಪ್, ಅಮೆರಿಕ ಅಧ್ಯಕ್ಷ
 ಅದಕ್ಕೆ ಮೊದಲು ಅಪಾಯದಿಂದ ಪಾರಾಗಿ.


ಕೊರೋನ ವಿರುದ್ಧ ಜಯ ಸಾಧಿಸಲು ಜಾತಿ, ಧರ್ಮ, ವರ್ಗರಹಿತ, ಪಕ್ಷಾತೀತ ಹೋರಾಟ ಅಗತ್ಯ - ಲಕ್ಷ್ಮಣ ಸವದಿ, ಉಪಮುಖ್ಯಮಂತ್ರಿ
 ಕೇಂದ್ರದಿಂದ ರಾಜ್ಯಕ್ಕೆ ಬರಬೇಕಾದ ಹಣ ವಸೂಲಿ ಮಾಡುವುದರಿಂದಲೇ ಆ ಹೋರಾಟ ಆರಂಭವಾಗಲಿ.


‘ಸಾಮಾಜಿಕ ಅಂತರ’ದ ಪರಿಕಲ್ಪನೆಯನ್ನು ನಮ್ಮಲ್ಲಿ ಪ್ರಚಲಿತವಾಗಿರುವ ಮಡಿ-ಮೈಲಿಗೆಗಳ ಪರಿಕಲ್ಪನೆಯೊಂದಿಗೆ ಹೋಲಿಸಬಾರದು

 - ಡಾ.ಎಸ್.ಎಲ್.ಭೈರಪ್ಪ, ಸಾಹಿತಿ
 ಮಡಿ, ಮೈಲಿಗೆಗಳನ್ನು ಕೊರೋನದ ಜೊತೆಗೆ ಹೋಲಿಸಬಹುದೆ?


 ಬಿಡಿಎ ಸೈಟ್‌ಗಳನ್ನು ಮಾರುವಷ್ಟು ರಾಜ್ಯದ ಆರ್ಥಿಕ ಸ್ಥಿತಿ ದಿವಾಳಿಯಾಗಿದೆ -ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
ಬಿಜೆಪಿಗೆ ಮಾರಾಟವಾಗಿರುವ ಶಾಸಕರನ್ನು ಮಾರುವ ಯೋಜನೆಯಿದೆಯಂತೆ. ಕೊಳ್ಳುವವರಿಲ್ಲ ಅಷ್ಟೇ.


ಎಲ್ಲರನ್ನು ಸೇರಿಸಿಕೊಂಡು ಮಗನ ಮದುವೆ ಮಾಡಲು ಆಗಲಿಲ್ಲ ಎಂಬ ನೋವು ನನ್ನನ್ನು ಕಾಡುತ್ತಿದೆ -ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ

 ಅಂದರೆ ಕೊರೋನವನ್ನೂ ಜೊತೆಗೆ ಸೇರಿಸಿಕೊಂಡು ಮದುವೆ ಮಾಡುವ ಕನಸಿತ್ತೆ?


 ಕೊರೋನ ವಿಚಾರದಲ್ಲಿ ಕೆಲವರು ಸುಸೈಡ್ ಬಾಂಬರ್‌ಗಳಂತೆ ವರ್ತಿಸುತ್ತಿದ್ದಾರೆ -ಈಶ್ವರಪ್ಪ, ಸಚಿವ
 ಭಾರತಕ್ಕೆ ಆಗಮಿಸಿದ ಟ್ರಂಪ್‌ನ ಬಗ್ಗೆ ಹಾಗೊಂದು ವದಂತಿಯಿದೆ.


ಜಾತಿ, ಧರ್ಮ, ವಯಸ್ಸು ಕೊರೋನ ವಿರುದ್ಧ ಹೋರಾಟಕ್ಕೆ ಅಡ್ಡಿಯಾಗಬಾರದು -ರಾಹುಲ್ ಗಾಂಧಿ, ಕಾಂಗ್ರೆಸ್ ಮುಖಂಡ

ಕೊರೋನ ಮೂಲಕವೇ ಜಾತಿ, ಧರ್ಮದ ನಡುವೆ ಗೋಡೆ ಬಿತ್ತುವ ಹೋರಾಟಕ್ಕೆ ಜಯ ಸಿಗುತ್ತಿದೆ.


ಇನ್ನು ಮುಂದೆ ಡ್ರಿಂಕ್ಸ್ ಮುಟ್ಟುವುದಿಲ್ಲ ಎಂದು ಪ್ರತಿಜ್ಞೆ ಮಾಡಿದ್ದೇನೆ -ಶ್ರುತಿ ಹಾಸನ್, ನಟಿ
 ಬರೇ ಡ್ರಿಂಕ್ಸ್ ತುಂಬಿರುವ ಬಾಟಲಿಯನ್ನಷ್ಟೇ ಎತ್ತುವ ಪ್ರತಿಜ್ಞೆಯಿರಬೇಕು.


ಚೀನಾ ಸದಾ ಜವಾಬ್ದಾರಿಯುತ ಧೋರಣೆ ಅನುಸರಿಸುತ್ತಿರುವ ದೇಶ -ಝಾವೊ ಲಿಜನ್, ಚೀನಾ ವಿದೇಶಾಂಗ ಖಾತೆಯ ವಕ್ತಾರ

ಕೊರೋನ ವೈರಸ್ ಮೂಲಕ ವಿಶ್ವದ ಜವಾಬ್ದಾರಿಯನ್ನು ಹೆಚ್ಚಿಸಿದ್ದು ಇದಕ್ಕೆ ಇರಬೇಕು.


ಭಾರತ ವಿಶ್ವಕ್ಕೆ ಕೊರೋನ ಔಷಧ ಕಳುಹಿಸಿದರೆ ಪಾಕ್ ಉಗ್ರರನ್ನು ಕಳುಹಿಸುತ್ತದೆ -ಎಂ.ಎಂ.ನರವಾನೆ, ಭಾರತದ ಸೇನಾ ಮುಖ್ಯಸ್ಥ

 ಕೊರೋನ ಮೂಲಕವೇ ಒಂದು ಹೊಸ ಸರ್ಜಿಕಲ್ ಸ್ಟ್ರೈಕ್ ಹಮ್ಮಿಕೊಂಡರೆ ಹೇಗೆ?


  ಕೊರೋನ ಮುಗಿದ ಬಳಿಕವೂ ಅದರ ಜೊತೆಗೆ ಬದುಕಿನ ಬಂಡಿ ತಳ್ಳುವುದು ಅನಿವಾರ್ಯವಾಗಲಿದೆ
 -ಡಾ.ಅಶ್ವತ್ಥ ನಾರಾಯಣ, ಉಪ ಮುಖ್ಯಮಂತ್ರಿ
 ಚಕ್ರಗಳೆಲ್ಲ ಕಳಚಿಕೊಂಡ ಮೇಲೆ ತಳ್ಳುವುದೇ ಗತಿ.


ಲಾಕ್‌ಡೌನ್ ಇರುವಾಗ ಮೋಜು -ಮಸ್ತಿಯಲ್ಲಿ ತೊಡಗಿದವರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಲಾಗುವುದು -ಶ್ರೀರಾಮುಲು, ಸಚಿವ
  ಈಜುಕೊಳದಲ್ಲಿ ಮಸ್ತಿ ಮಾಡಿದವರೂ ಈ ವ್ಯಾಪ್ತಿಯಲ್ಲಿ ಬರುತ್ತಾರೆಯೆ?


 ಮದ್ಯಕ್ಕಿಂತ ಜನರ ಪ್ರಾಣ ಮುಖ್ಯ -ಎಚ್.ನಾಗೇಶ್, ಸಚಿವ
ತುಳಸಿ ನೀರಿನ ಬದಲು ಮದ್ಯವನ್ನೇ ಸುರಿಯಿರಿ ಎನ್ನುವುದು ಕುಡುಕರ ಪ್ರಾರ್ಥನೆ.


ಅಧಿಕಾರ ಇರಲಿ, ಇಲ್ಲದಿರಲಿ ದೇಶಾದ್ಯಂತ ಕಾಂಗ್ರೆಸ್ ಜನರ ನಡುವೆ ನಿಂತು ಕೊರೋನ ವಿರುದ್ಧ ಹೋರಾಟ ನಡೆಸಲಿದೆ -ಸೋನಿಯಾ ಗಾಂಧಿ, ಕಾಂಗ್ರೆಸ್ ಅಧ್ಯಕ್ಷೆ

 ಇಡೀ ಕಾಂಗ್ರೆಸ್‌ನ್ನು ಕ್ವಾರಂಟೈನ್‌ನಲ್ಲಿ ಇಡಬೇಕಾಗುತ್ತದೆ 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top