ಚೀನಾದಲ್ಲಿ ಎಲ್ಲವೂ ಗಜಗಾತ್ರ | Vartha Bharati- ವಾರ್ತಾ ಭಾರತಿ

---

ರಸ್ತೆ, ಸೇತುವೆ, ವಿಮಾನ, ರೈಲು, ನಗರಗಳು

ಚೀನಾದಲ್ಲಿ ಎಲ್ಲವೂ ಗಜಗಾತ್ರ

ಕೆಲವು ತಿಂಗಳ ಹಿಂದೆ ಚೀನಾ ಪ್ರಕಟಿಸಿದ ತನ್ನ ಹೊಸ ಸಿಟಿಗಳ ನಿರ್ಮಾಣದ ಪರಿಕಲ್ಪನೆಯು ದಿಗ್ಭ್ರಮೆ ಹುಟ್ಟಿಸುವಂತಿದೆ. ವಿಸ್ತೀರ್ಣದಲ್ಲಿ ಇಂಗ್ಲೆಂಡ್‌ಗಿಂತ ದೊಡ್ಡದಾಗಿರುವ ಹೊಸ ನಗರಗಳನ್ನೇ ನಿರ್ಮಿಸುವುದಾಗಿ ಈಗ ಚೀನಾ ಪಣ ತೊಟ್ಟಿದೆ. 

ವಿಶ್ವದ ಅತೀ ದೊಡ್ಡ ಜನಸಂಖ್ಯೆಯ ಹಾಗೂ ಅತಿ ವಿಶಾಲ ದೇಶ ಗಳಲ್ಲಿ ಒಂದಾಗಿರುವ ಚೀನಾವು ಒಂದಲ್ಲಾ ಒಂದು ಬೃಹತ್ ನಿರ್ಮಾಣಗಳನ್ನು ಪ್ರದರ್ಶಿಸುತ್ತಲೇ ಇದೆ. ಈಗ ವಿಶ್ವದ ಅತೀ ಉದ್ದನೆಯ ಸಮುದ್ರ ಸೇತುವೆಯ ಸರದಿ.

ಹಾಂಕಾಂಗ್-ಜುವಾಯ್-ಮಕಾವ್ ದ್ವೀಪಗಳ ನಡುವಿನ ಈ ಹೊಸ ಸಮುದ್ರ ಸೇತುವೆಯು ಉದ್ದ 34.2 ಕಿ.ಮೀ. ಆಗಿದ್ದು, ಇದರಲ್ಲಿ ಸಂಚರಿಸುವ ವಾಹನಗಳು ಸಮುದ್ರದೊಳಗೆ ಸುಮಾರು ಆರು ಕಿ.ಮೀ.ನಷ್ಟು ದೂರ ಮುಳುಗೀಜು ಹೊಡೆಯುವಂತೆ ನೀರಿನೊಳಗಿನ ಸುರಂಗದೊಳಗೆ ಹಾದು ಮತ್ತೆ ಮೇಲೆದ್ದು ಸೇತುವೆ ಮೇಲೆ ಚಲಿಸಿ ದಡ ಸೇರುತ್ತವೆ. ವಿಶ್ವದ ಎಲ್ಲಾ ಭೂ ಖಂಡಗಳನ್ನು ಬೆಸೆಯುವ ‘ಒನ್ ಬೆಲ್ಟ್, ಒನ್ ರೋಡ್’ ಎಂಬ ಯೋಜನೆಗೆ ಚಾಲನೆ ನೀಡಿ ಪಶ್ಚಿಮದ ಅಭಿವೃದ್ಧಿ ಹೊಂದಿದ ಬಂಡವಾಳಶಾಹಿ ದೇಶಗಳು ಕಂಗಾಲಾಗುವಂತೆ ಚೀನಾ ಮಾಡುತ್ತಿದೆ.

ತೀರಾ ಇತ್ತೀಚೆಗೆ ನೆಲ-ಜಲ ಎರಡರಲ್ಲೂ ಬಳಸಬಹುದಾದ GGO600 ಆ್ಯಂಫಿಬಿಯನ್ ವಿಮಾನ ತಯಾರಿಸಿ ಸೈ ಅನಿಸಿಕೊಂಡಿದೆ. ಕೆಲವು ತಿಂಗಳ ಹಿಂದೆ ಚೀನಾ ಪ್ರಕಟಿಸಿದ ತನ್ನ ಹೊಸ ಸಿಟಿಗಳ ನಿರ್ಮಾಣದ ಪರಿಕಲ್ಪನೆಯು ದಿಗ್ಭ್ರಮೆ ಹುಟ್ಟಿಸುವಂತಿದೆ. ವಿಸ್ತೀರ್ಣದಲ್ಲಿ ಇಂಗ್ಲೆಂಡ್‌ಗಿಂತ ದೊಡ್ಡದಾಗಿರುವ ಹೊಸ ನಗರಗಳನ್ನೇ ನಿರ್ಮಿಸುವುದಾಗಿ ಈಗ ಚೀನಾ ಪಣ ತೊಟ್ಟಿದೆ. ಅಂತಹ ವಿಶಾಲ ಭೂ ಪ್ರದೇಶದಲ್ಲಿ ಈಗಾಗಲೇ ಇರುವ ಜನವಸತಿ ಪ್ರದೇಶಗಳನ್ನು ಒಳಗೊಂಡಂತೆಯೇ ಆ ಹೊಸ ನಗರಗಳು ತಲೆ ಎತ್ತಲಿವೆ. ಮುಂದಿನ ಒಂದೆರಡು ದಶಕಗಳಲ್ಲಿ ಚೀನಾದ 25 ಕೋಟಿ ಜನರನ್ನು ಇಂತಹ ಮೆಗಾಸಿಟಿಗಳಲ್ಲಿ ತಂದು ನೆಲೆಯೂರಿಸಿ, ಉತ್ಪಾದನಾ ಚಟುವಟಿಕೆಗಳಲ್ಲಿ ತೊಡಗಿಸಲು ಚೀನಾ ಬಯಸಿದೆ.

ಹಾಗಾಗಿ ಇಷ್ಟು ಜನರಿಗೆ ಬೇಕಾದ ಉದ್ಯೋಗ ಸೃಷ್ಟಿಸಲು ಉತ್ಪಾದನಾ ಕೈಗಾರಿಕಾ ಚಟುವಟಿಕೆಗೆ ಪೂರಕ ವಾತಾವರಣ ನಿರ್ಮಿಸಲು ಈಗ ಬೃಹತ್ ರಸ್ತೆ, ಸೇತುವೆ, ನಗರಗಳು, ರೈಲು ಸಂಪರ್ಕಗಳನ್ನು ಯುದ್ಧೋಪಾದಿಯಲ್ಲಿ ನಿರ್ಮಿಸಲಾಗುತ್ತಿದೆ.

ಮಕಾವ್-ಹಾಂಕಾಂಗ್ ನಡುವಿನ ಈ ಅತೀ ಉದ್ದನೆಯ ಸಮುದ್ರ ಸೇತುವೆ ಅಂತಹದರಲ್ಲಿ ಒಂದಾಗಿದೆ. 1983ರ ವೇಳೆಗೆ ಹಾಂಕಾಂಗ್‌ನ ಉದ್ಯಮಿ ಗಾರ್ಡನ್ ವೂ ಎಂಬಾತ ಈ ಸಮುದ್ರ ಸೇತುವೆಯ ಕನಸನ್ನು ಚೀನಾ ಮತ್ತು ಹಾಂಕಾಂಗ್ ಸರಕಾರಕ್ಕೆ ವಿವರಿಸಿದ್ದ. ನಂತರ ಹಲವು ಬೇಕು ಬೇಡಗಳ ನಡುವೆ ಈ ಯೋಜನೆ ತೇಲಿ ಮುಳುಗುತ್ತಾ ಕೊನೆಗೆ ಈಜಲಾರಂಭಿಸಿದ್ದು 2003ರಲ್ಲಿ. ಒಂದೂಕಾಲು ಲಕ್ಷ ಕೋಟಿ ರೂ.ಗಳ ಖರ್ಚಿನಲ್ಲಿ ಮೊನ್ನೆ ಇದು ಉದ್ಘಾಟನೆಯಾದಾಗ ನಿಗದಿತ ಅವಧಿಗಿಂತ ಕೇವಲ 2 ವರ್ಷ ತಡವಾಗಿತ್ತಷ್ಟೆ. ಅಲ್ಲಿನ ಸಮುದ್ರದ ಪಿಂಕ್ ಡಾಲ್ಫಿನ್‌ಗಳಿಗೆ ತೊಂದರೆಯಾಗುತ್ತಿದೆ. 16 ಜನ ಕಾರ್ಮಿಕರ ಸಾವಾಯಿತು. ಪರಿಸರ ಹಾಳಾಗುತ್ತಿದೆ. ಭ್ರಷ್ಟಾಚಾರ ನಡೆದಿದೆಯೆಂಬ ಹಲವು ಆಕ್ಷೇಪಗಳ ನಡುವೆ ಮೊನ್ನೆ ಈ ಸಮುದ್ರ ಸೇತುವೆಯ ಬಾಗಿಲು ಜಗತ್ತಿನ ಮುಂದೆ ತೆರೆದುಕೊಂಡಾಗ ನಿಬ್ಬೆರಗಾಗದವರೇ ಇಲ್ಲವೆನ್ನಬಹುದು. ಸೈಕಲ್, ಬೈಕು, ಗೌರ್ಮೆಂಟ್ ಬಸ್ಸುಗಳ ಓಡಾಟಕ್ಕೆ ಅವಕಾಶ ನೀಡದ ಈ ಸೇತುವೆಯನ್ನು ಈ ತಕ್ಷಣದಲ್ಲಿ ದಿನಕ್ಕೆ 30 ಸಾವಿರ ಗಾಡಿಗಳು ಹಾದು ಹೋಗಬಹುದೆಂದು ಅಂದಾಜಿಸಲಾಗಿದೆ. ಜೊತೆಗೆ ಟೂರಿಸಂ, ಸರಕು ಸಾಗಣೆ ಕೆಲಸಕ್ಕಾಗಿ ಓಡಾಡಲಿರುವ ಜನರು... ಹೀಗೆ ಸೇತುವೆ ಬಹುಪಯೋಗಿ ಆಗಲಿರುವುದು ಖಾತ್ರಿಯಾಗಿದೆ.

ಸಮುದ್ರದ ನೀರಿನ ಚಾಲನೆಯ ಒತ್ತಡ ಭರಿಸುತ್ತಾ, ಗಂಟೆಗೆ ಮುನ್ನೂರೈವತ್ತು ಕಿ.ಮೀ. ವೇಗದಲ್ಲಿ ಗಾಳಿ ಬೀಸಿದರೂ ಈ ಪಿಲ್ಲರ್ ಆಧಾರಿತ ಸೇತುವೆ ಅಲ್ಲಾಡುವುದಿಲ್ಲವೆಂದು ನಿರ್ಮಾಣದ ಇಂಜಿನಿಯರ್‌ಗಳು ಧೈರ್ಯವಾಗಿ ಹೇಳಿದ್ದಾರೆ.

ಇತಿಹಾಸದಲ್ಲಿ ‘ಗ್ರೇಟ್ ವಾಲ್ ಆಫ್ ಚೈನಾ’ ನಿರ್ಮಿಸಿ ಜಗತ್ತನ್ನೇ ನಿಬ್ಬೆರಗುಗೊಳಿಸಿದ್ದ ಚೀನಾ ಈಗಲೂ ಜಗತ್ತಿಗೆ ಹೊಸ ಹೊಸದು ಬೃಹತ್ತಾದ ರಸ್ತೆ, ಸೇತುವೆ, ವಿಮಾನಗಳನ್ನೇ ನೀಡುತ್ತಿದೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top