13 ಸಾವಿರ ಅಡಿ ಎತ್ತರದಿಂದ ವಿಮಾನದ ಹೊರಗೆ ಹಾರಿದ ವಿಟ್ಲದ ಸಫ್ವಾನ್ ಶಾ ! | Vartha Bharati- ವಾರ್ತಾ ಭಾರತಿ

---

13 ಸಾವಿರ ಅಡಿ ಎತ್ತರದಿಂದ ವಿಮಾನದ ಹೊರಗೆ ಹಾರಿದ ವಿಟ್ಲದ ಸಫ್ವಾನ್ ಶಾ !

ವಿಟ್ಲ ಸಮೀಪದ ಕೋಡಪದವು ನಿವಾಸಿ ಸಫ್ವಾನ್ ಶಾ ಅವರು ದುಬೈಯ ಪಾಮ್ ಜುಮೈರಾ ಡ್ರೋಪ್ ಝೋನ್ ನಲ್ಲಿ 13,000 ಅಡಿ ಎತ್ತರದಿಂದ ವಿಮಾನದ ಹೊರಗೆ ಹಾರುವ ಮೂಲಕ ಸಾಹಸ ಪ್ರದರ್ಶಿಸಿದ ಅಪರೂಪದ ಘಟನೆ ಸೆಪ್ಟಂಬರ್ 7ರಂದು ನಡೆದಿದೆ.

ವಿಟ್ಲದ ಸಫ್ವಾನ್ ಶಾ ಅವರು ಬಹರೈನ್ ನಲ್ಲಿ ಉದ್ಯೋಗಿ. ಸಾಹಸಮಯ ಪ್ರದರ್ಶನ ಇವರ ಹವ್ಯಾಸ. ಬಹರೈನ್ ನ ಕಡಲಲ್ಲಿ ಬೋಟ್ ಗಳಲ್ಲಿ ಹಲವಾರು ಸಾಹಸ ಪ್ರದರ್ಶನ ಮಾಡಿದ್ದಾರೆ. ಸ್ವಾತಂತ್ರ್ಯ ದಿನ ಭಾರತದ ತ್ರಿವರ್ಣ ಧ್ವಜ ಹಿಡಿದು ಡೈವ್ ಬೋಟ್ ಪ್ರದರ್ಶನ ಮಾಡಿದ್ದ ವೀಡಿಯೊ ವೈರಲ್ ಆಗಿತ್ತು. ಪ್ರಸ್ತುತ ಜಗತ್ತಿನ ಅತಿ ದೊಡ್ಡ ದುಬೈಯ "ಸ್ಕೈ ಡೈವ್" ಮಾಡುವ ಮೂಲಕ ಸುದ್ದಿಯಾಗಿದ್ದಾರೆ.

ಐಪಿಎಸ್ ಅಧಿಕಾರಿ ಅಣ್ಣಾಮಲೈ ಅವರ ಅಭಿಮಾನಿಯಾಗಿರುವ ಸಫ್ವಾನ್ ಶಾ ಸ್ಕೈ ಡೈವ್ ಗಾಗಿ ಬಹರೈನ್ ನಿಂದ ದುಬೈಗೆ ತೆರಳಿ ಈ ಸಾಹಸವನ್ನು ಪ್ರದರ್ಶಿಸಿದ್ದಾರೆ. ಜಗತ್ಪ್ರಸಿದ್ಧ ದುಬೈ ಸ್ಕೈ ಡೈವ್ ದುಬೈಯಿಂದ 35 ಕಿ.ಮೀ. ದೂರದ ಪಾಮ್ ಜುಮೈರಾದಲ್ಲಿದೆ.

ಸುಮಾರು ಎರಡು ತಾಸುಗಳ ಪ್ರಕ್ರಿಯೆಯಲ್ಲಿ ಸುಮಾರು 20 ರಿಂದ 25 ನಿಮಿಷಗಳ ಕಾಲ ಸಫ್ವಾನ್ ಶಾ ಅವರು ಆಕಾಶದಲ್ಲಿ ವಿಹರಿಸಿದ್ದಾರೆ. ಕೈಯ್ಯಲ್ಲಿ "ಐ ಲವ್ ಇಂಡಿಯಾ" ಎಂದು ಬರೆದು ಎದೆಯಲ್ಲಿ ಭಾರತದ ತ್ರಿವರ್ಣ ಧ್ವಜವನ್ನು ಅಳವಡಿಸಿ ಸಾಹಸ ಪ್ರದರ್ಶನ ಮಾಡಿದ್ದಾರೆ. ಕೆಳಗೆ ಇಳಿದ ತಕ್ಷಣ "ನನ್ನ ಈ ಸಾಹಸಕ್ಕೆ ಅಣ್ಣಾಮಲೈ ಸರ್ ಅವರೇ ಪ್ರೇರಣೆ..." ಎಂದು ಘೋಷಿಸಿದ್ದಾರಲ್ಲದೇ ನನಗೆ ಇದು ಜೀವಮಾನದ ಅತ್ಯದ್ಬುತ, ಮೈನವಿರೇಳಿಸುವ ಸನ್ನಿವೇಶ ಎಂದು ಬಣ್ಣಿಸಿದ್ದಾರೆ.

ಸ್ಕೈ ಡೈವ್ ಮಾಡುವಾಗ ಪ್ರಾರಂಭದಲ್ಲಿ ಕೇವಲ ಮಸುಕು ಮಸುಕಾಗಿ ಕಾಣುತ್ತಿತ್ತು. ನಂತರ ಜಗತ್ತಿನ ಅತೀ ಎತ್ತರದ ಕಟ್ಟಡ ಬುರ್ಜ್ ಖಲೀಫಾದ ತುದಿ ಗೋಚರಿಸಿತು. ಕ್ರಮೇಣ ಖರ್ಜೂರ ಮರ ಆಕಾರದ ಪಾಮ್ ಜುಮೈರಾ ಕಟ್ಟಡಗಳು, ಸಮುದ್ರ ಕಂಡವು ಎಂದು ಸಫ್ವಾನ್ ಶಾ ವಿವರಿಸಿದರು.

ಸ್ಕೈಡೈವ್ ಪ್ರಾರಂಭಿಸುವ ಮುನ್ನ ಅಣ್ಣಾಮಲೈ ಸಫ್ವಾನ್ ಶಾರಿಗೆ ಫೋನ್ ಮಾಡಿ ಶುಭ ಹಾರೈಸಿದ್ದಾರೆ. ಸ್ಕೈ ಡೈವ್ ಮುಗಿದು ಭೂ ಸ್ಪರ್ಶವಾದ ಬಳಿಕವೂ ಅಣ್ಣಾಮಲೈ ಜೊತೆಗೆ ಅದ್ಭುತ ಅನುಭವವನ್ನು ಹಂಚಿಕೊಂಡಿದ್ದಾರೆ.

25 ನಿಮಿಷದ ದುಬೈ ಸ್ಕೈಡೈವ್ ಗೆ 2,300 ದಿರ್ಹಮ್ (50,000/- ರೂ.) ವೆಚ್ಚ ತಗುಲುತ್ತದೆ. 13,000 ಅಡಿ ಮೇಲೆ ವಿಮಾನದಲ್ಲಿ ತೆರಳಿ ಅಲ್ಲಿಂದ ಪ್ಯಾರಾಚೂಟ್ ಆಧಾರದಲ್ಲಿ ಸಾಹಸಮಯವಾಗಿ ಕೆಳಗೆ ಹಾರುವುದೇ ಈ ಸ್ಕೈಡೈವ್ ನ ವಿಶೇಷತೆ. ಸಫ್ವಾನ್ ಶಾ ಅವರು ಮುಂದಿನ ಸಾಹಸವನ್ನು ಯೂರೋಪ್ ರಾಷ್ಟ್ರದಲ್ಲಿ ಮಾಡುವ ಇಂಗಿತವನ್ನು ವ್ಯಕ್ತಪಡಿಸಿದ್ದಾರೆ. ಅವರ ಸಾಹಸ ಯಾತ್ರೆಗೆ ಶುಭವಾಗಲಿ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top