ಉಯಿಘರ್ ಮುಸ್ಲಿಮರ ಗೋರಿಗಳನ್ನೂ ಬಿಡುತ್ತಿಲ್ಲ ಚೀನಾ ಸರಕಾರ | Vartha Bharati- ವಾರ್ತಾ ಭಾರತಿ

---

ಅಧಿಕಾರಿಗಳಿಂದ ನಿರಂತರ ಕಿರುಕುಳ, ಮೂಲಭೂತ ಹಕ್ಕುಗಳಿಗೂ ಅವಕಾಶವಿಲ್ಲ

ಉಯಿಘರ್ ಮುಸ್ಲಿಮರ ಗೋರಿಗಳನ್ನೂ ಬಿಡುತ್ತಿಲ್ಲ ಚೀನಾ ಸರಕಾರ

ಚೀನಾದ ಝಿಂಜಿಯಾಂಗ್ ಪ್ರಾಂತ್ಯದಲ್ಲಿ ಹೆಚ್ಚಾಗಿ ನೆಲೆಸಿರುವ ಅಲ್ಪಸಂಖ್ಯಾತ ಉಯಿಘರ್ ಮುಸ್ಲಿಮರ ಮೇಲೆ ಸರಕಾರವು ವರ್ಷಗಳಿಂದಲೂ ಎಸಗುತ್ತಿರುವ ದೌರ್ಜನ್ಯಗಳು ಗುಟ್ಟಾಗಿ ಉಳಿದಿಲ್ಲ. ಈ ಅಲ್ಪಸಂಖ್ಯಾತ ಸಮುದಾಯವನ್ನು ಚೀನಿ ಸರಕಾರವು ದಮನಿಸುತ್ತಲೇ ಬಂದಿದೆ. ಬದುಕಿದ್ದಾಗ ದೌರ್ಜನ್ಯಗಳನ್ನು ಅನುಭವಿಸಿದ ಉಯಿಘರ್ ಮುಸ್ಲಿಮರ ಗೋರಿಗಳನ್ನೂ ಸರಕಾರವು ಬಿಡುತ್ತಿಲ್ಲ ಎಂದು ಎಎಫ್ ಪಿಯನ್ನು ಉಲ್ಲೇಖಿಸಿ economictimes.com ವರದಿ ಮಾಡಿದೆ.

ಚೀನಾ ಸರಕಾರವು ಉಯಿಘರ್ ಕುಟುಂಬಗಳ ಹಲವಾರು ತಲೆಮಾರುಗಳ ಗೋರಿಗಳನ್ನು ಧ್ವಂಸಗೊಳಿಸುತ್ತಿದೆ. ಈಗ ಖಬರಸ್ತಾನ್‌ ಗಳಲ್ಲಿ ಕಂಡು ಬರುತ್ತಿರುವುದು ಅಲ್ಲಲ್ಲಿ ಹರಡಿ ಬಿದ್ದಿರುವ ಮೂಳೆಗಳು ಮತ್ತು ಮುರಿದು ಬಿದ್ದಿರುವ ಗೋರಿಗಳು ಮಾತ್ರ. ಇದು ಝಿಂಜಿಯಾಂಗ್ ಪ್ರಾಂತ್ಯದಲ್ಲಿ ಈ ಜನಾಂಗೀಯ ಸಮುದಾಯದ ಅನನ್ಯತೆಯನ್ನೇ ಅಳಿಸುವ ಪ್ರಯತ್ನವಾಗಿದೆ ಎಂದು ಮಾನವ ಹಕ್ಕುಗಳ ಹೋರಾಟಗಾರರು ಆರೋಪಿಸಿದ್ದಾರೆ.

ಕೇವಲ ಎರಡು ವರ್ಷಗಳಲ್ಲಿ ಈ ಪ್ರಾಂತ್ಯದಲ್ಲಿಯ ಡಝನ್‌ ಗಟ್ಟಲೆ ಖಬರಸ್ತಾನ್‌ ಗಳನ್ನು ಧ್ವಂಸಗೊಳಿಸಿಲಾಗಿದೆ ಎನ್ನುವುದನ್ನು ಉಪಗ್ರಹ ಚಿತ್ರಗಳ ವಿಶ್ಲೇಷಕ ಸಂಸ್ಥೆ ಅರ್ತ್‌ರೈಸ್ ಅಲಯನ್ಸ್ ಜೊತೆ ಸುದ್ದಿಸಂಸ್ಥೆ ಎಎಫ್‌ಪಿ ನಡೆಸಿದ ತನಿಖೆಯು ಬಯಲಿಗೆಳೆದಿದೆ ಎಂದು economictimes.com ವರದಿ ಮಾಡಿದೆ.

ಕೆಲವು ಸಮಾಧಿಗಳನ್ನು ಕೊಂಚ ಕಾಳಜಿಯೊಂದಿಗೆ ತೆರವುಗೊಳಿಸಲಾಗಿದೆ. ಮೂರು ಕಡೆಗಳಲ್ಲಿ ಗೋರಿಗಳಿಂದ ಹೊರತೆಗೆದ ಮೂಳೆಗಳು ಹರಡಿ ಬಿದ್ದಿವೆ. ಇತರ ಕಡೆಗಳಲ್ಲಿ ಗೋರಿಗಳನ್ನು ಒಡೆಯಲಾಗಿದ್ದು,ಅವುಗಳ ಜಾಗದಲ್ಲಿ ಈಗ ಇಟ್ಟಿಗೆಯ ರಾಶಿಗಳಿವೆ. ಖಬರಸ್ತಾನ್‌ಗಳ ಧ್ವಂಸಕ್ಕೆ ನಗರಗಳ ಅಭಿವೃದ್ಧಿಯಂತಹ ಕಾರಣಗಳನ್ನು ಅಧಿಕಾರಿಗಳು ನೀಡುತ್ತಿದ್ದರೆ, ಈ ಧ್ವಂಸ ಕಾರ್ಯಾಚರಣೆಯು ತಮ್ಮ ಬದುಕಿನ ಪ್ರತಿಯೊಂದೂ ಮಗ್ಗುಲಿನ ಮೇಲೆ ನಿಯಂತ್ರಣ ಸಾಧಿಸುವ ಸರಕಾರಿ ದಾಳಿಯ ಭಾಗವಾಗಿದೆ ಎನ್ನುತ್ತಾರೆ ಉಯಿಘರ್‌ಗಳು.

"ನಾವು ಏನಾಗಿದ್ದೆವು ಎನ್ನ್ನುವುದರ ಯಾವುದೇ ಸಾಕ್ಯ್ಷಾಧಾರಗಳನ್ನು ಅಳಿಸಿಹಾಕುವುದು ಮತ್ತು ನಮ್ಮ ಅಸ್ಮಿತೆಯಿಂದ ಬೇರ್ಪಡಿಸಿ ನಮ್ಮನ್ನು ಹ್ಯಾನ್ ಚೀನಿಯರಂತೆ ಮಾಡುವುದು ಚೀನಾ ಸರಕಾರದ ಉದ್ದೇಶವಾಗಿದೆ. ನಮ್ಮ ಪೂರ್ವಜರನ್ನು ದಫನ ಮಾಡಿದ್ದ ಖಬರ್ ಸ್ತಾನಗಳನ್ನು ಧ್ವಂಸಗೊಳಿಸಲಾಗಿದೆ. ನಮ್ಮ ಇತಿಹಾಸ, ನಮ್ಮ ಹೆತ್ತವರು ಮತ್ತು ನಮ್ಮ ಪೂರ್ವಜರ ನೆನಪುಗಳಿಂದ ನಮ್ಮನ್ನು ಪ್ರತ್ಯೇಕಿಸಲು ಈ ಎಲ್ಲ ಐತಿಹಾಸಿಕ ಸ್ಥಳಗಳನ್ನು ಅವರು ಧ್ವಂಸಗೊಳಿಸುತ್ತಿದ್ದಾರೆ" ಎನ್ನುವುದು ಸ್ಥಳೀಯ ಉಯಿಘರ್‌ ಗಳ ಅಳಲು.

ಧಾರ್ಮಿಕ ಉಗ್ರವಾದ ಮತ್ತು ಪ್ರತ್ಯೇಕತಾವಾದವನ್ನು ಹತ್ತಿಕ್ಕುವ ನೆಪದಲ್ಲಿ ಸುಮಾರು 10 ಲಕ್ಷ ಉಯಿಘರ್ ಮುಸ್ಲಿಮರನ್ನು ಝಿಂಜಿಯಾಂಗ್‌ ನ ಪುನರ್‌ ಶಿಕ್ಷಣ ಶಿಬಿರಗಳಲ್ಲಿ ಕೂಡಿ ಹಾಕಲಾಗಿದೆ. ಹೊರಗಿದ್ದವರ ಮೇಲೆ ಕಟ್ಟುನಿಟ್ಟಿನ ನಿಗಾಯಿರಿಸಲಾಗಿದ್ದು, ಅಧಿಕಾರಿಗಳು ಅವರ ಮನೆಗಳಿಗೆ ತೆರಳಿ ಕಿರುಕುಳಗಳನ್ನು ನೀಡುತ್ತಿದ್ದಾರೆ ಎಂದು ಆರೋಪಿಸಲಾಗುತ್ತಿದೆ. ಹಲವಾರು ನಿರ್ಬಂಧಗಳ ಜೊತೆಗೆ ಉಯಿಘರ್ ಮುಸ್ಲಿಮರು ಗಡ್ಡ ಬಿಡುವುದನ್ನು ಮತ್ತು ಮಹಿಳೆಯರು ಪರ್ದಾ ಧರಿಸುವುದನ್ನು ನಿಷೇಧಿಸಲಾಗಿದೆ.

ಉಯಿಘರ್‌ ಗಳನ್ನು ತಾನು ನಡೆಸಿಕೊಳ್ಳುತ್ತಿರುವ ರೀತಿಯ ಬಗ್ಗೆ ಜಾಗತಿಕ ಟೀಕೆಗಳು ಹೆಚ್ಚುತ್ತಿದ್ದರೂ ಚೀನಾ ಉದ್ಧಟತನವನ್ನು ಮೆರೆಯುತ್ತಿದೆ. ಈ ವಾರ ಅಮೆರಿಕವು ಉಯಿಘರ್‌ ಗಳ ಮಾನವ ಹಕ್ಕುಗಳ ಉಲ್ಲಂಘನೆಗಾಗಿ 28 ಚೀನಿ ಸಂಸ್ಥೆಗಳನ್ನು ಕಪ್ಪು ಪಟ್ಟಿಗೆ ಸೇರಿಸಿದ್ದು, ಉಯಿಘರ್‌ ಗಳ ಮೇಲೆ ದೌರ್ಜನ್ಯವೆಸಗಿದ ಅಧಿಕಾರಿಗಳಿಗೆ ವೀಸಾ ನೀಡುವುದಿಲ್ಲವೆಂದು ಘೋಷಿಸಿದೆ.

ಉಪಗ್ರಹ ಚಿತ್ರಗಳ ವಿಶ್ಲೇಷಣೆಯಂತೆ ಚೀನಿ ಸರಕಾರವು 2014ರಿಂದ ಕನಿಷ್ಠ 45 ಉಯಿಘರ್ ಸಮುದಾಯದ ಖಬರಸ್ತಾನ್ ಗಳನ್ನು ಧ್ವಂಸಗೊಳಿಸಿದೆ. ಈ ಪೈಕಿ 30 ಕಳೆದ ಎರಡು ವರ್ಷಗಳಲ್ಲಿ ನಾಮಾವಶೇಷಗೊಂಡಿವೆ.

ಪ್ರಸಿದ್ಧ ವ್ಯಕ್ತಿಗಳ ಗೋರಿಗಳನ್ನೂ ಸರಕಾರವು ಬಿಟ್ಟಿಲ್ಲ. ಅಕ್ಸು ಎಂಬಲ್ಲಿ ಸ್ಥಳೀಯ ಅಧಿಕಾರಿಗಳು ಬೃಹತ್ ಖಬರಸ್ತಾನವನ್ನು ಉದ್ಯಾನವನವನ್ನಾಗಿ ಪರಿವರ್ತಿಸಿದ್ದಾರೆ. ಇದೇ ಖಬರಸ್ತಾನದಲ್ಲಿ ಖ್ಯಾತ ಉಯಿಘರ್ ಕವಿ ಲುತ್ಫುಲ್ಲಾ ಮುತ್ತಲಿಬ್ ಅವರನ್ನು ದಫನ ಮಾಡಲಾಗಿತ್ತು. ಪಾರ್ಕ್ ಅಭಿವೃದ್ಧಿಗೊಳಿಸಲು ಇಲ್ಲಿಯ ಗೋರಿಗಳನ್ನು ಮರಳುಗಾಡಿನಲ್ಲಿಯ ಕೈಗಾರಿಕಾ ಪ್ರದೇಶವೊಂದರಲ್ಲಿಯ ನೂತನ ಖಬರಸ್ತಾನಕ್ಕೆ ಸ್ಥಳಾಂತರಿಸಲಾಗಿತ್ತು. ಮುತ್ತಲಿಬ್ ಅವರ ಅವಶೇಷಗಳು ಏನಾಗಿವೆ ಎಂಬ ಬಗ್ಗೆ ಅಲ್ಲಿಯ ಕೇರ್‌ ಟೇಕರ್‌ ಗೂ ಯಾವುದೇ ಮಾಹಿತಿಯಲ್ಲ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top