ಇತ್ತೀಚಿಗೆ ನಿಮ್ಮ ವಾಹನವನ್ನು ಮಾರಾಟ ಮಾಡಿದ್ದೀರಾ? ಹಾಗಿದ್ದರೆ ಇದನ್ನು ಖಚಿತಪಡಿಸಿಕೊಳ್ಳಿ | Vartha Bharati- ವಾರ್ತಾ ಭಾರತಿ

---

ಇತ್ತೀಚಿಗೆ ನಿಮ್ಮ ವಾಹನವನ್ನು ಮಾರಾಟ ಮಾಡಿದ್ದೀರಾ? ಹಾಗಿದ್ದರೆ ಇದನ್ನು ಖಚಿತಪಡಿಸಿಕೊಳ್ಳಿ

ಸಾಂದರ್ಭಿಕ ಚಿತ್ರ

ಬೈಕ್ ಅಥವಾ ಕಾರು ಆಗಿರಲಿ,ನೀವು ಇತ್ತೀಚಿಗೆ ನಿಮ್ಮ ವಾಹನವನ್ನು ಇನ್ನೊಬ್ಬರಿಗೆ ಮಾರಾಟ ಮಾಡಿದ್ದೀರಿ ಎಂದಿಟ್ಟುಕೊಳ್ಳಿ. ಅಲ್ಲಿಗೆ ನಿಮ್ಮ ಹೊಣೆಗಾರಿಕೆ ಮುಗಿಯಿತು ಎಂದು ನೀವು ತಿಳಿದುಕೊಂಡಿದ್ದರೆ ಅದು ತಪ್ಪಾಗುತ್ತದೆ. ಸಾರಿಗೆ ಇಲಾಖೆಯ ದಾಖಲೆಗಳಲ್ಲಿ ವಾಹನದ ಮಾಲಕತ್ವ ವರ್ಗಾವಣೆಗೊಂಡಿದೆ ಎನ್ನುವುದನ್ನು ನೀವು ಖಚಿತ ಪಡಿಸಿಕೊಳ್ಳುವುದು ಅಗತ್ಯವಿದೆ. ವಾಹನ ಮಾರಾಟದ ಬಳಿಕ ಹಣವನ್ನು ಪಡೆದುಕೊಂಡು ಖರೀದಿದಾರನಿಗೆ ಡೆಲಿವರಿ ನೋಟ್ ನೀಡಿಬಿಟ್ಟರೆ ನಿಮ್ಮ ಕೆಲಸ ಮುಗಿಯಿತು ಎಂದು ಅಂದುಕೊಳ್ಳಬೇಡಿ.

 ಏಕೆಂದರೆ ವಾಹನದ ಮಾಲಿಕತ್ವದ ವರ್ಗಾವಣೆಯಾಗಿರದಿದ್ದಾಗ ನಿಮ್ಮಿಂದ ವಾಹನವನ್ನು ಖರೀದಿಸಿದ ವ್ಯಕ್ತಿ ಅಪಘಾತವೆಸಗಿದರೆ ಅಥವಾ ಥರ್ಡ್ ಪಾರ್ಟಿ ಬಾಧ್ಯತೆಯನ್ನುಂಟು ಮಾಡಿದರೆ ನೀವೇ ನಷ್ಟವನ್ನು ಭರಿಸಬೇಕಾಗುತ್ತದೆ ಅಥವಾಪರಿಹಾರವನ್ನು ಪಾವತಿಸಬೇಕಾಗುತ್ತದೆ. ಮೋಟರ್ ವಾಹನಗಳ ಕಾಯ್ದೆಯಂತೆ ನಿಮ್ಮಿಂದ ವಾಹನವನ್ನು ಖರೀದಿಸಿದ ವ್ಯಕ್ತಿಯ ಹೆಸರು ಆರ್‌ಸಿ ಬುಕ್‌ನಲ್ಲಿ ನೋಂದಣಿಯಾಗುವವರೆಗೂ ಆ ವಾಹನ ನಿಮ್ಮ ಬಳಿಯಿಲ್ಲದಿದ್ದರೂ ನೀವೇ ಅದರ ಮಾಲಿಕರಾಗಿರುತ್ತೀರಿ. ಮಾಲಕತ್ವ ವರ್ಗಾವಣೆಗೊಂಡಿರದಿದ್ದರೆ ಮಾರಾಟದ ನಂತರ ಯಾವುದೇ ಬಾಧ್ಯತೆಯು ನಿಮ್ಮ ಹೆಗಲನ್ನೇ ಏರುತ್ತದೆ.

ಇತ್ತೀಚಿಗೆ ವಾಹನ ಅಪಘಾತ ಪ್ರಕರಣವೊಂದರಲ್ಲಿ ತೀರ್ಪು ನೀಡಿರುವ ಬಾಂಬೆ ಉಚ್ಚ ನ್ಯಾಯಾಲಯವು, ಅಪಘಾತವನ್ನು ಖರೀದಿದಾರ ಮಾಡಿದ್ದರೂ ಅಪಘಾತದ ಗಾಯಾಳುವಿಗೆ ಪರಿಹಾರವನ್ನು ಮಾರಾಟಗಾರನೇ ನೀಡಬೇಕೆಂದು ಆದೇಶಿಸಿದೆ. ವಾಹನದ ಮಾಲಕತ್ವ ಇನ್ನೂ ಮಾರಾಟಗಾರನ ಹೆಸರಿನಲ್ಲಿಯೇ ಇತ್ತು ಎನ್ನುವುದು ಈ ಆದೇಶಕ್ಕೆ ಕಾರಣ. ಮೋಟರ್ ವಾಹನಗಳ ಕಾಯ್ದೆಯ ಕಲಂ 50ರಡಿ ವಾಹನದ ಮಾರಾಟದ ಬಳಿಕ ಅದರ ಮಾಲಕತ್ವವು ನಿಗದಿತ ಕಾಲಾವಧಿಯಲ್ಲಿ ಖರೀದಿದಾರನಿಗೆ ವರ್ಗಾವಣೆಗೊಳ್ಳಬೇಕು.

ಏನಿದು ಪ್ರಕರಣ?

ಅರ್ಜಿದಾರ ತನ್ನ ವಾಹನವನ್ನು ಬೇರೊಬ್ಬ ವ್ಯಕ್ತಿಗೆ ಮಾರಾಟ ಮಾಡಿದ್ದ ಮತ್ತು ಖರೀದಿದಾರ ಆರ್‌ಟಿಒದಲ್ಲಿ ವಾಹನವನ್ನು ತನ್ನ ಹೆಸರಿಗೆ ವರ್ಗಾಯಿಸಿಕೊಳ್ಳಲು ಸಾಧ್ಯವಾಗುವಂತೆ ಡಿಲಿವರಿ ನೋಟ್ ಮತ್ತು ಇತರ ದಾಖಲೆಗಳನ್ನು ವಾಹನದೊಂದಿಗೆ ಆತನಿಗೆ ಹಸ್ತಾಂತರಿಸಿದ್ದ.

ಮಾರಾಟ ಮಾಡಿದ ಕೆಲವೇ ದಿನಗಳಲ್ಲಿ ಖರೀದಿದಾರ ವಾಹನವನ್ನು ಚಲಾಯಿಸುತ್ತಿದ್ದಾಗ ಪಾದಚಾರಿಯೋರ್ವನಿಗೆ ಢಿಕ್ಕಿ ಹೊಡೆದಿದ್ದ. ಗಾಯಗೊಂಡ ವ್ಯಕ್ತಿ ಆಸ್ಪತ್ರೆಗೆ ದಾಖಲಾಗಿದ್ದ. ಗಾಯಾಳು ಬಳಿಕ ಪರಿಹಾರವನ್ನು ಕೋರಿ ಮೋಟರ್ ಅಪಘಾತ ಹಕ್ಕುಕೋರಿಕೆಗಳ ನ್ಯಾಯಾಧಿಕರಣದಲ್ಲಿ ಪರಿಹಾರವನ್ನು ಕೋರಿ ಪ್ರಕರಣವನ್ನು ದಾಖಲಿಸಿದ್ದ. ವಿಚಾರಣೆ ನಡೆಸಿದ ನ್ಯಾಯಾಧಿಕರಣವು ವಾಹನವು ಇನ್ನೂ ಮಾರಾಟಗಾರನ ಹೆಸರಿನಲ್ಲಿಯೇ ಇರುವುದರಿಂದ ಗಾಯಾಳುವಿಗೆ ವಾರ್ಷಿಕ ಶೇ.7.4 ಬಡ್ಡಿಯೊಂದಿಗೆ 1,34,000 ರೂ.ಪರಿಹಾರವನ್ನು ಪಾವತಿಸುವಂತೆ ಆತನಿಗೆ ಆದೇಶಿಸಿತ್ತು. ಮಾರಾಟಗಾರ ಇದನ್ನು ಬಾಂಬೆ ಉಚ್ಚ ನ್ಯಾಯಾಲಯದಲ್ಲಿ ಪ್ರಶ್ನಿಸಿದ್ದನಾದರೂ ಆತನ ಮೇಲ್ಮನವಿಯನ್ನು ನ್ಯಾಯಾಲಯವು ವಜಾಗೊಳಿಸಿದೆ ಮತ್ತು ನ್ಯಾಯಾಧಿಕರಣದ ತೀರ್ಪನ್ನು ಎತ್ತಿಹಿಡಿದಿದೆ.

ಉಚ್ಚ ನ್ಯಾಯಾಲಯದ ತೀರ್ಪು

ಅಪಘಾತ ಸಂಭವಿಸಿದ ದಿನ ಮಾರಾಟಗಾರ ಆರ್‌ಟಿಒ ದಾಖಲೆಗಳಲ್ಲಿ ವಾಹನದ ಮಾಲಿಕನಾಗಿಯೇ ಮುಂದುವರಿದಿದ್ದ ಎನ್ನುವುದನ್ನು ಎತ್ತಿಹಿಡಿದಿರುವ ನ್ಯಾಯಾಲಯವು, ಗಾಯಾಳುವಿಗೆ ಆತನೇ ಪರಿಹಾರವನ್ನು ಪಾವತಿಸಬೇಕು ಎಂದು ತನ್ನ ತೀರ್ಪಿನಲ್ಲಿ ಸ್ಪಷ್ಟಪಡಿಸಿದೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top