ಓ ಮೆಣಸೇ...

ನಾನು ಆರೂವರೆ ಕೋಟಿ ಕನ್ನಡಿಗರ ಮುಲಾಜಿನಲ್ಲಿಲ್ಲ, ಕಾಂಗ್ರೆಸ್‌ನ ಮುಲಾಜಿನಲ್ಲಿದ್ದೇನೆ -ಎಚ್.ಡಿ. ಕುಮಾರ ಸ್ವಾಮಿ, ಮುಖ್ಯಮಂತ್ರಿ 

ತಮಗೆ 38 ಸ್ಥಾನ ಗೆಲ್ಲಿಸಿದ ತಪ್ಪಿಗೆ ಅವರೂ ಕಾಂಗ್ರೆಸ್ ಮುಲಾಜಿನಲ್ಲೇ ಇರಬೇಕೇ?

---------------------

ದೇಶದ ಅಭಿವೃದ್ಧಿ ಎನ್ನುವುದು ಕಾಂಗ್ರೆಸ್‌ಗೆ ಒಂದು ದೊಡ್ಡ ಜೋಕ್ ಆಗಿ ಬಿಟ್ಟಿದೆ -ನರೇಂದ್ರ ಮೋದಿ, ಪ್ರಧಾನಿ

ಅಭಿವೃದ್ಧಿ ಪದದ ಬೆಲೆಯನ್ನು ನೀವು ಆ ಮಟ್ಟಕ್ಕೆ ಕೆಳಗಿಳಿಸಿದ್ದೀರಿ.

---------------------

ಕಾಂಗ್ರೆಸ್-ಜೆಡಿಎಸ್ ಕಾರ್ಯಕರ್ತರು ಹೊಡೆದಾಡಿ ಆಸ್ಪತ್ರೆ ಸೇರಿದ್ದಾರೆ. ಅದರ ನಾಯಕರು ಸೇರಿ ಸರಕಾರ ರಚಿಸಿದ್ದಾರೆ -ಶೋಭಾ ಕರಂದ್ಲಾಜೆ, ಸಂಸದೆ

ಆಸ್ಪತ್ರೆಯಲ್ಲಿರುವವರ ಬಿಲ್ ಕಟ್ಟಿರುವುದು ಬಿಜೆಪಿ ಪಕ್ಷವೇ?

---------------------

ಜೀವನದ ಪ್ರತಿ ಘಟನೆಯನ್ನೂ ಆಟವೆಂಬಂತೆ ಆನಂದಿಸಿ - ಸಚಿನ್ ತೆಂಡುಲ್ಕರ್, ಮಾಜಿ ಕ್ರಿಕೆಟ್ ಆಟಗಾರ

ಆದರೆ ಕ್ರಿಕೆಟ್ ಆಟವೆಂದು ಆನಂದಿಸಿದರೆ, ಬೆಟ್ಟಿಂಗ್, ಫಿಕ್ಸಿಂಗ್ ವಂಚನೆಗೆ ಬಲಿಯಾಗಬೇಕಾದೀತು.

---------------------

ಭಾರತ ಮಾತೆ ಇಂದು ಭಾರತ ಮಾತೆ ಆಗಿ ಉಳಿದಿಲ್ಲ, ಹಿಂದೂ ಮಾತೆಯಾಗಿದ್ದಾಳೆ -ಚಂದ್ರ ಶೇಖರ ಪಾಟೀಲ, ಸಾಹಿತಿ

ಜೊತೆಗೆ ಆರ್ಥಿಕವಾಗಿ ಹಿಂದುಳಿದ ಮಾತೆ ಕೂಡ.

---------------------

ಹನುಮಂತ ಜಗತ್ತಿನ ಪ್ರಪ್ರಥಮ ಆದಿವಾಸಿ - ಗ್ಯಾನ್‌ದೇವ್,  ರಾಜಸ್ಥಾನ ಶಾಸಕ

ಆದಿವಾಸಿಗಳನ್ನು ಒಕ್ಕಲೆಬ್ಬಿಸುತ್ತಿರುವುದು ಇದೇ ಕಾರಣಕ್ಕಾಗಿರಬಹುದೇ?
---------------------

ಸಿಎಂ ಕುಮಾರಸ್ವಾಮಿ ಸನ್ನಿವೇಶದ ಶಿಶು - ಎಚ್.ಡಿ. ದೇವೇಗೌಡ, ಮಾಜಿ ಪ್ರಧಾನಿ

ಬಿಜೆಪಿಯವರಾಗಿದ್ದರೆ ಕಾಂಗ್ರೆಸ್ ಸೃಷ್ಟಿಸಿದ ಪ್ರನಾಳ ಶಿಶು ಎನ್ನುತ್ತಿದ್ದರು.

---------------------

ಶಾಲೆಗಳಲ್ಲಿ ಮಕ್ಕಳಿಗೆ ಶಾಲಾ ಶಿಕ್ಷಣದ ಜೊತೆ ಮಹಾತ್ಮರ ಕಥೆಗಳನ್ನು ಹೇಳಿಕೊಡುವ ಕೆಲಸವಾಗಬೇಕು -ವಿಶ್ವೇಶತೀರ್ಥ ಸ್ವಾಮೀಜಿ, ಪೇಜಾವರ ಮಠ

ಈಗ ಟಿವಿ, ಪತ್ರಿಕೆಗಳೆಲ್ಲ ಸುದ್ದಿಗಳ ಹೆಸರಲ್ಲಿ ಕತೆಗಳನ್ನೇ ಹೆಣೆಯುತ್ತಿವೆ. ಶಾಲೆಯಲ್ಲಿ ಪ್ರತ್ಯೇಕವಾಗಿ ಅಗತ್ಯವಿದೆಯೇ?
---------------------

ರಾವಣ ಸೀತೆಯನ್ನು ಅಪಹರಿಸಿದಂತೆ ಕರ್ನಾಟಕದಲ್ಲಿ ಕಾಂಗ್ರೆಸ್ ಪ್ರಜಾಪ್ರಭುತ್ವವನ್ನು ಅಪಹರಿಸಿದೆ -ಮುರಳೀಧರರಾವ್, ರಾಜ್ಯ ಬಿಜೆಪಿ ಉಸ್ತುವಾರಿ.

 ಐಟಿ ಅಧಿಕಾರಿಗಳ ಲಕ್ಷ್ಮಣ ರೇಖೆಯನ್ನು ದಾಟಿ, ಸೀತೆಯನ್ನು ಅಪಹರಿಸಿದ ಕಾಂಗ್ರೆಸ್ ಎಂದರೆ ಚೆನ್ನಾಗಿತ್ತು.

---------------------

ಸಾಗರದಂತಹ ಕ್ಷೇತ್ರದಲ್ಲಿ ನನ್ನ ಸೋಲು ತಲೆತಗ್ಗಿಸುವಂತಹದ್ದು - ಕಾಗೋಡು ತಿಮ್ಮಪ್ಪ, ಕಾಂಗ್ರೆಸ್ ಮುಖಂಡ

ತಗ್ಗಿಸಿ. ಬೇಡ ಎಂದವರಾರು?

---------------------

ಸಿಎಂ ಕುಮಾರಸ್ವಾಮಿ ಸೇರಿದಂತೆ ಯಾರನ್ನೂ ನೆಮ್ಮದಿಯಿಂದಿರಲು ದೇವೇಗೌಡ ಬಿಡುವುದಿಲ್ಲ -ವಿ. ಸೋಮಣ್ಣ, ಶಾಸಕ

ಸದ್ಯಕ್ಕೆ ನೆಮ್ಮದಿ ಕಳೆದುಕೊಂಡವರ ಹತಾಶೆಯ ಮಾತು.

---------------------

ದೋಸ್ತಿ ಸರಕಾರದಲ್ಲಿ ಹಾಲು ಕೊಡುವ ಹಸುವಿಗಾಗಿ ಕಿತ್ತಾಟ -ಶೋಭಾ ಕರಂದ್ಲಾಜೆ, ಸಂಸದೆ

ತಾವು ನಕಲಿ ಗೋರಕ್ಷಕರ ಪಾತ್ರ ನಿರ್ವಹಿಸುವಂತಿದೆ.

---------------------

ಪ್ರಧಾನಿ ಮೋದಿ ರಾಜಕೀಯ ಅಸಹಿಷ್ಣುತೆಯ ಅತಿದೊಡ್ಡ ಬಲಿಪಶು - ಮುಖ್ತಾರ್ ಅಬ್ಬಾಸ್ ನಖ್ವಿ, ಕೇಂದ್ರ ಸಚಿವ

ಪಶು ಎನ್ನುವುದು ಒಪ್ಪತಕ್ಕ ಮಾತು.

---------------------
ನರೇಂದ್ರ ಮೋದಿ ಮತ್ತು ಅಮಿತ್ ಶಾ ರನ್ನು ನೋಡುವಾಗ ಹಿಟ್ಲರ್ ಹಾಗೂ ಮುಸಲೋನಿಯ ನೆನಪಾಗುತ್ತದೆ - ವೈ ರಾಮಕೃಷ್ಣುಡು, ಆಂಧ್ರ ಪ್ರದೇಶ ಸಚಿವ.

ಜಾತ್ಯತೀತ ಪಕ್ಷಗಳ ನಾಯಕರನ್ನು ನೋಡುವಾಗ ಪಿಟೀಲು ಬಾರಿಸುವ ನೀರೋ ನೆನಪಾಗುತ್ತಾನೆ.

---------------------

ಪೆಟ್ರೋಲ್ ದರ ಒಂದು ಪೈಸೆ ಇಳಿಕೆಗೂ ನಮಗೂ ಸಂಬಂಧವಿಲ್ಲ - ಧರ್ಮೇಂದ್ರ ಪ್ರಧಾನ್, ಕೇಂದ್ರ ಸಚಿವ

ಏರಿಕೆಗೆ ಮಾತ್ರ ಸಂಬಂಧ ಇದೆ ಎಂದಾಯಿತು.

---------------------

ಸಿಎಂ ಕುಮಾರಸ್ವಾಮಿ ಅಡ್ಡ ಗೋಡೆಯ ಮೇಲೆ ದೀಪವಿಟ್ಟಂತೆ ಮಾತನಾಡುತ್ತಿದ್ದಾರೆ - ಸಿ.ಟಿ. ರವಿ, ಶಾಸಕ

ಕಾಂಗ್ರೆಸ್-ಜೆಡಿಎಸ್ ಎರಡಕ್ಕೂ ಬೆಳಕು ಬೀಳಲಿ ಎಂದು.

---------------------

ವಿಶ್ವದ ಯಶಸ್ವಿ ಸಾಧನೆಯ ಹಿಂದೆ ಭಾರತೀಯರಿದ್ದಾರೆ -ಡಾ.ಡಿ. ವೀರೇಂದ್ರ ಹೆಗ್ಗಡೆ, ಧರ್ಮಾಧಿಕಾರಿ ಧರ್ಮಸ್ಥಳ

ಭಾರತದ ವೈಫಲ್ಯಗಳ ಹಿಂದೆಯೂ ಭಾರತೀಯರ ಕೊಡುಗೆಯೇ ದೊಡ್ಡದು.

---------------------

ಅಮಿತ್ ಶಾ ಮತ್ತು ನರೇಂದ್ರ ಮೋದಿ ರಾಜಕೀಯ ಉದ್ದೇಶಕ್ಕಾಗಿ ನಮಗೆ ಚಿತ್ರಹಿಂಸೆ ನೀಡುತ್ತಿದ್ದಾರೆ -ಡಿ.ಕೆ. ಶಿವಕುಮಾರ್, ಮಾಜಿ ಸಚಿವ

ಮತದಾರರು ರಾಜಕಾರಣಿಗಳಿಂದ ಅನುಭವಿಸುತ್ತಿರುವ ಚಿತ್ರಹಿಂಸೆ ಸಣ್ಣದೇ?
---------------------

ಹೆಚ್ಚು ದೂರ ಜಿಗಿಯಬೇಕಾದರೆ ಎರಡು ಹೆಜ್ಜೆ ಹಿಂದೆ ಇಡಬೇಕಾಗುತ್ತದೆ - ರಾಜನಾಥ್ ಸಿಂಗ್, ಕೇಂದ್ರ ಸಚಿವ

ಇತ್ತೀಚೆಗೆ ಹಿಂದೆ ಇಡುವ ಹೆಜ್ಜೆಗಳೇ ಜಾಸ್ತಿಯಾಗಿದೆ.

---------------------

ಮುಖ್ಯಮಂತ್ರಿ ಕುಮಾರಸ್ವಾಮಿ ಕಾಂಗ್ರೆಸ್‌ನ ತಾಳಕ್ಕೆ ತಕ್ಕಂತೆ ಕುಣಿಯುತ್ತಿದ್ದಾರೆ - ನಳಿನ್ ಕುಮಾರ್ ಕಟೀಲು, ಸಂಸದ

ಬಿಜೆಪಿ ತಾಳಕ್ಕೆ ತಕ್ಕಂತೆ ಕುಣಿಯಲು ಹೇಗೆ ಸಾಧ್ಯ?

---------------------

(ಉಪಚುನಾವಣೆಯಲ್ಲಿ) ಕಾಂಗ್ರೆಸ್ ತಾನು ಗೆಲ್ಲದಿದ್ದರೂ ಬಿಜೆಪಿ ಸೋತಿತೆಂದು ಸಂಭ್ರಮಾಚರಿಸುತ್ತಿದೆ - ಅಮಿತ್‌ಶಾ, ಬಿಜೆಪಿ ಅಧ್ಯಕ್ಷ

ಬೇರೆ ರಾಜ್ಯಗಳಲ್ಲಿ ಅದೇ ರೀತಿ ನೀವು ಸಂಭ್ರಮಿಸಿಲ್ಲವೇ?

---------------------

ಮಹಾಭಾರತದ ಕಾಲದಲ್ಲೇ ಪತ್ರಿಕೋದ್ಯಮವಿತ್ತು - ದಿನೇಶ್ ಶರ್ಮಾ, ಉ.ಪ್ರ. ಉಪಮುಖ್ಯಮಂತ್ರಿ

ತಮ್ಮ ಪಕ್ಷದ ಜಾಹೀರಾತುಗಳು ಅದರಲ್ಲೂ ಪ್ರಕಟವಾಗುತ್ತಿತ್ತೇ?

---------------------

ಹಣದ ಮುಂದೆ ಏನೂ ನಡೆಯುವುದಿಲ್ಲ ಎಂಬುದು ರಾಜರಾಜೇಶ್ವರಿ ಕ್ಷೇತ್ರದ ಚುನಾವಣೆಯಲ್ಲಿ ಸಾಬೀತಾಗಿದೆ - ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ

ವಿಧಾನ ಸಭೆಯಲ್ಲಿ ತಮ್ಮ ಪಕ್ಷ 104 ಸ್ಥಾನ ದೊರಕಿದಾಗಲೇ ಜನರಿಗೆ ಮನವರಿಕೆಯಾಗಿದೆ.
 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top