​ಕಾಶ್ಮೀರ ಉಗ್ರರಿಂದ ಪೊಲೀಸ್ ಅಧಿಕಾರಿಗಳ ಕುಟುಂಬದವರ ಅಪಹರಣ

ಶ್ರೀನಗರ, ಆ. 31: ದಕ್ಷಿಣ ಕಾಶ್ಮೀರದ ವಿವಿದ ಸ್ಥಳಗಳಿಂದ ಜಮ್ಮು ಹಾಗೂ ಕಾಶ್ಮೀರ ಪೊಲೀಸ್ ಅಧಿಕಾರಿಗಳ ಕುಟಂಬದ 10 ಮಂದಿ ಸದಸ್ಯರನ್ನು ಉಗ್ರರು ಅಪಹರಿಸಿದ್ದಾರೆ.

ಅಪಹೃತ 10 ಮಂದಿಯಲ್ಲಿ 9 ಮಂದಿಯನ್ನು ಝುಬೈರ್ ಅಹ್ಮದ್ ಭಟ್, ಆರಿಫ್ ಅಹ್ಮದ್ ಸಂಕರ್, ಪೈಝಾನ್ ಅಹ್ಮದ್ ಮಕ್ರೋ, ಸುಮಾರ್ ಅಹ್ಮದ್ ರಾಥರ್, ಗೋವರ್ ಅಹ್ಮದ್ ಮಲ್ಲಿಕ್, ಝಾಹೋರ್ ಅಹ್ಮದ್ ಝರ್ಗಾರ್, ಮುಹಮ್ಮದ್ ಶಫಿ, ನಸೀರ್ ಅಹ್ಮದ್ ಮಿರ್ ಮಿದೂರಾ ಹಾಗೂ ಆದಾನ್ ಅಶ್ರಫ್ ಶಾಹ್ ಎಂದು ಗುರುತಿಸಲಾಗಿದೆ. ಕಾಶ್ಮೀರ ಕಣಿವೆಯಲ್ಲಿರುವ ಪೊಲೀಸ್ ಅಧಿಕಾರಿಗಳ ಮನೆಗಳ ಮೇಲೆ ಉಗ್ರರು ದಾಳಿ ನಡೆಸಿದ್ದಾರೆ ಹಾಗೂ ಕುಟುಂಬದ ಸದಸ್ಯರನ್ನು ಅಪಹರಿಸಿದ್ದಾರೆ. ಶೋಪಿಯಾನ್, ಕುಲ್ಗಾಂವ್, ಅನಂತ್‌ನಾಗ್, ಪುಲ್ವಾಮಾ ಹಾಗೂ ಅವಂತಿಪೋರ ಜಿಲ್ಲೆಗಳಿಂದ ಉಗ್ರರು ಗುರುವಾರ ರಾತ್ರಿ ಅವರನ್ನು ಅಪಹರಿಸಿದ್ದಾರೆ. ಇವರಲ್ಲಿ ಹೆಚ್ಚಿನವರು ಪೊಲೀಸ್ ಅಧಿಕಾರಿಗಳ ತಂದೆ, ಸಹೋದರ ಹಾಗೂ ಪುತ್ರ.

ಉಗ್ರರು ಅಪಹರಿಸಿದವರಲ್ಲಿ ಓರ್ವ ಜಮ್ಮು ಹಾಗೂ ಕಾಶ್ಮೀರ ಡಿಎಸ್‌ಪಿ ಮುಹಮ್ಮದ್ ಸಯ್ಯದ್ ಶಾಹ್ ಅವರ ಸೋದರಳಿಯ. ಅವರನ್ನು ಆದಂ ಅಶ್ರಫ್ ಶಾ ಎಂದು ಗುರುತಿಸಲಾಗಿದೆ. ಇವರನ್ನು ಶೋಪಿಯಾನದಿಂದ ಗುರುವಾರ ರಾತ್ರಿ ಅಪಹರಿಸಲಾಗಿದೆ. ಕಳೆದ ಒಂದು ವಾರದಲ್ಲಿ ಮೊದಲಿಗೆ ಪೊಲೀಸ್ ಅಧಿಕಾರಿಯೊಬ್ಬರ ಪುತ್ರ ಆಸಿಫ್ ರಾಥರ್ ಅನ್ನು ಆಗಸ್ಟ್ 28ರಂದು ಉಗ್ರರು ಅಪಹರಿಸಿದ್ದರು. ಅಪಹರಿಸಿದ ರಾಥರ್ ಅವರನ್ನು ದಕ್ಷಿಣ ಕಾಶ್ಮೀರದ ಟ್ರಾಲ್‌ಗೆ ಉಗ್ರರು ಕರೆದೊಯ್ದಿದ್ದರು. ಈ ಹಿನ್ನೆಲೆಯಲ್ಲಿ ಮಂಗಳವಾರ ರಾತ್ರಿ ಪೊಲೀಸರು ಸಾಮೂಹಿಕ ದಾಳಿ ನಡೆಸಿದ್ದರು. ಈ ಸಂದರ್ಭ ದಕ್ಷಿಣ ಕಾಶ್ಮೀರದಿಂದ ಸಕ್ರಿಯ ಉಗ್ರರ ಕುಟುಂಬದ ಸದಸ್ಯರು ಸೇರಿದಂತೆ ಹಲವರನ್ನು ಬಂಧಿಸಲಾಗಿತ್ತು. ಹಿಜ್ಬುಲ್ ಮುಝಾಹಿದ್ದೀನ್‌ನ ಕಾರ್ಯಾಚರಣೆ ಕಮಾಂಡರ್ ರಿಯಾಝ್ ನೈಕೂ ಅವರನ್ನು ವಶಕ್ಕೆ ಪಡೆದುಕೊಂಡು ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದರು. ಇದೇ ಸಂದರ್ಭ ಆಕಸ್ಮಿಕವಾಗಿ ಭಯೋತ್ಪಾದನೆಗೆ ಹಣದ ನೆರವು ನೀಡುತ್ತಿರುವ ಪ್ರಕರಣದಲ್ಲಿ ಹಿಜ್ಬುಲ್ ಮುಜಾಹಿದ್ದೀನ್ ವರಿಷ್ಠ ಸಯ್ಯದ್ ಸಲಾಲುದ್ದೀನ್ ಪುತ್ರ ಸಯ್ಯದ್ ಶಕೀಲ್ ಅಹ್ಮದ್‌ನನ್ನು ಎನ್‌ಐಎ ಬಂಧಿಸಿತ್ತು. ಇದರ ಬಳಿಕ ಕಾಶ್ಮೀರದಲ್ಲಿ ಗುರುವಾರ ಪೊಲೀಸ್ ಅಧಿಕಾರಿಗಳ ಕುಟುಂಬದ ಹಲವು ಸದಸ್ಯರನನ್ನು ಉಗ್ರರು ಅಪಹರಿಸಿದ್ದರು.

ಅಪಹೃತರಲ್ಲಿ ಮೂರು ಮಂದಿಯ ಬಿಡುಗಡೆ

ದಕ್ಷಿಣ ಕಾಶ್ಮೀರದಿಂದ ಗುರುವಾರ ಸಂಜೆ ಉಗ್ರರು ಅಪಹರಿಸಿದ್ದ ಪೊಲೀಸ್‌ರ ಕುಟುಂಬಗಳ 11 ಮಂದಿ ಸದಸ್ಯರಲ್ಲಿ 3 ಮಂದಿಯನ್ನು ಬಿಡುಗಡೆ ಮಾಡಿದ್ದಾರೆ. ಭಯೋತ್ಪಾದಕರ ಕುಟುಂಬದ ಸುಮಾರು 12 ಮಂದಿ ಸದಸ್ಯರನ್ನು ಜಮ್ಮು ಹಾಗೂ ಕಾಶ್ಮೀರ ಪೊಲೀಸರು ಬಿಡುಗಡೆ ಮಾಡಿದ ಗಂಟೆಗಳ ಬಳಿಕ ಉಗ್ರರು ಮೂವರನ್ನು ಬಿಡುಗಡೆ ಮಾಡಿದ್ದಾರೆ. ಬುಧವಾರ ನಡೆದ ಪ್ರಮುಖ ಭಯೋತ್ಪಾದಕ ದಾಳಿಯಲ್ಲಿ ಉಗ್ರರು ನಾಲ್ಕು ಮಂದಿ ಪೊಲೀಸರನ್ನು ಹತ್ಯೆಗೈದಿದ್ದರು. ಇದರಿಂದ ಆಕ್ರೋಶಿತರಾದ ಪೊಲೀಸರು ದಾಳಿ ನಡೆಸಿ ಉಗ್ರರ ಮನೆಗಳನ್ನು ಧ್ವಂಸ ಮಾಡಿದ್ದರು. ಅಲ್ಲದೆ ಹಿಜ್ಬುಲ್ ಮುಜಾಹಿದ್ದೀನ್ ಸ್ವಘೋಷಿತ ಕಮಾಂಡರ್ ರಿಯಾಝ್ ನೈಕೂ ತಂದೆ ಅಸಾದುಲ್ಲಾ ನೈಕೂ ಸಹಿತ ಉಗ್ರರ ಹಲವು ಸಂಬಂಧಿಕರನ್ನು ಬಂಧಿಸಿದ್ದರು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top