ಭಾವಲಹರಿ......ಬಾಲಕೃಷ್ಣ ಶಿಬಾರ್ಲ

ಹೊಸ ಗಾಳಿ

ಬೀಸುತ್ತಿರುವ ಗಾಳಿ ತಂಗಾಳಿಯಲ್ಲ
ಸಮಾನತೆಯ ಸಮರ ಸಾರುವ ಬಿರುಗಾಳಿ
ಸಾತ್ವಿಕ ರಾಜಸ ತಾಮಸ ಭೇದ ಗುಣ
ಆಹಾರದೊಳಗಿಲ್ಲ ಮನದೊಳಗಿದೆ
ಎಂದು ತೋರಿಸುವ ಸುಂಟರಗಾಳಿ

ನನ್ನಾಹಾರದ ಮೇಲೆ ನಿನ್ನಧಿಕಾರಿ
ನಿನ್ನಾಹಾರದ ಮೇಲೆ ನನ್ನಾಯ್ಕೆ ನಿರಾಕರಿಸಲು
ಸೊಪ್ಪು, ದನ, ತರಕಾರಿ, ಹಂದಿ
ಹಣ್ಣು,ಕಾಯಿ ಕುರಿ ಕೋಳಿ
ನಿನ್ನಾಯ್ಕೆ ನಿನ್ನದು ನನ್ನಾಯ್ಕೆ ನನ್ನದು
ಎಂದು ಸಾರಲು ಬೀಸುತಿದೆ ಹೊಸ ಗಾಳಿ

ಇರುವುದೊಂದೇ ಭೂಮಿ
ಹುಟ್ಟಿ ಬದುಕಿ ಸಾಯಲು
ಮತ್ಯಾಕೆ ಬಂತೋ ಬುದ್ಧಿ
ಜಾತಿ,ಮತ, ಲಿಂಗ ಬೇಧ ಮಾಡಲು

ಎಲ್ಲಾ ಕೆಡುಕಿಗೆ ಉತ್ತರ ನೀಡಿ
ಸಮಾನತೆಯ ಸಹಬಾಳ್ವೆ  ಪೋಷಿಸಲು
ಕೊಳಕು ಮನಸುಗಳ ಕೊಳಚೆಗೆ ಸರಿಸಿ
ಬನ್ನಿರಿ.. ಸೇರಿರಿ ಹೊಸ ಕ್ರಾಂತಿಯ ಸಾಗರದೊಳು

ಬಾಲಕೃಷ್ಣ ಶಿಬಾರ್ಲ