ಚಲೋ ಉಡುಪಿ: ಸ್ವಾಭಿಮಾನದ ನಡೆ

ಸ್ವಾಭಿಮಾನದ ನಡೆ

ಉಡುಪಿ ಚರಿತ್ರೆ ಬರೆಯಲಿ
ಇದರ ನೆನಪು ಹೆಜ್ಜೆ ಹಜ್ಜೆಗೂ ಬರಲಿ
ಚಲೋ ಚಲೋ ಉಡುಪಿ

ಹೆದ್ದಾರಿಯೊಳಗೆ ಎಲ್ಲವ ನುಗ್ಗಿ ನಡೆಯಲಿ
ಬೆಂಕಿಯ ಬೇಧಿಸಿ ಹೊರಡಲಿ
ಚಲೋ ಚಲೋ ಉಡುಪಿ

ಪರಂಪರೆಯ ದಾಳಿಯ ಧ್ವಂಸವ ಮಾಡುತ
ಮಿಂಚಿನ ವೇಗದಲಿ ಹೊರಡಲಿ
ಚಲೋ ಚಲೋ ಉಡುಪಿ

ಧರ್ಮವ ಕಿತ್ತು ಗಡಿಯ ಮೆಟ್ಟಿ
 ಎಲ್ಲರೂ ಒಂದೇ ಪಥದಲಿ ಸಾಗಲಿ
ಚಲೋ ಚಲೋ ಉಡುಪಿ

ಭೋರ್ಗರೆವ ಜಲಪಾತದಂತೆ
ಹದ್ದಿನ ಕಣ್ಣೋಟದಂತೆ
ಚಲೋ ಚಲೋ ಉಡುಪಿ

ದಮನಿತರ ಶಕ್ತಿ ಧರೆಯೊಳಗೆ ಬೆಳಗಲಿ
ದೊರೆಯೊಳಗೆ ನಡುಕ ಹುಟ್ಟಲಿ
ಚಲೋ ಚಲೋ ಉಡುಪಿ

ಬಿತ್ತಬೇಕಿದೆ ತಿನ್ನಬೇಕಿದೆ
ಬಯಸಿ ಅರಸೀ ಅರಸೀ
ಚಲೋ ಚಲೋ ಉಡುಪಿ

ದಲಿತ ಸೂರ್ಯನ ರಶ್ಮಿ
ಮನೆ ಮನೆ ಬೆಳಗಲಿ ಮನವ ತಟ್ಟಲಿ
ಚಲೋ ಚಲೋ ಉಡುಪಿ

ಸ್ವಾಭಿಮಾನದ ಪಂಜು ಹಿಡಿಯುತ
ಸಾಲು ಸಾಲು ಸಾಗಿಬರಲಿ
ಚಲೋ ಚಲೋ ಉಡುಪಿ

ಮನುವಿನ ಮದ್ದುಕಿತ್ತೊಗೆಯೋಣ
ಮುಗಿಲ ಅಗಲಕ್ಕೆ ಕೀರ್ತಿಯ ಪಸರಿಸೋಣ
ಚಲೋ ಚಲೋ ಉಡುಪಿ

ಮೂಲಭೂತವಾದಿಗಳ
ಮೂಲೆಗೆತಳ್ಳುತ್ತ ಮುನ್ನಡೆ

            
ಮಲ್ಲಿಕಾರ್ಜುನ ಕೋರವರ್

ಪತ್ರಿಕೋದ್ಯಮ ವಿದ್ಯಾರ್ಥಿ

ಬದುಕು ಕಮ್ಯೂನಿಟಿ ಕಾಲೇಜು, ಬೆಂಗಳೂರು.

ಮೊ: 9986809272