ರೈತನಿಂದ ಲಂಚ ಸ್ವೀಕಾರ ಕಂದಾಯ ಅಧಿಕಾರಿ, ಗ್ರಾಮ ಲೆಕ್ಕಿಗ ಎಸಿಬಿ ಬಲೆಗೆ

ದಾವಣಗೆರೆ, ಜ.9: ಜಿಲ್ಲೆಯ ಚನ್ನಗಿರಿ ತಾಲೂಕಿನ ಸಂತೆಬೆನ್ನೂರಿನಲ್ಲಿ ರೈತರೊಬ್ಬರಿಂದ ಲಂಚ ಪಡೆಯುತ್ತಿದ್ದ ವೇಳೆ ಕಂದಾಯ ಅಧಿಕಾರಿ ಹಾಗೂ ಗ್ರಾಮ ಲೆಕ್ಕಿಗ ಎಸಿಬಿ ಬಲೆಗೆ ಬಿದ್ದಿದ್ದಾರೆ.
ಕಂದಾಯ ಅಧಿಕಾರಿ ದಿನೇಶ್ ಬಾಬು ಹಾಗೂ ಗ್ರಾಮ ಲೆಕ್ಕಿಗ ನವೀನ್ ಲಂಚ ಸ್ವೀಕಾರದ ವೇಳೆ ಬಲೆಗೆ ಬಿದ್ದ ಅಧಿಕಾರಿಗಳು. ವಿವಾದದಲ್ಲಿದ್ದ ಜಮೀನೊಂದರ ವಿಚಾರವನ್ನು ಬಗೆಹರಿಸಲು ರೈತನಿಂದ 45 ಸಾವಿರ ರೂ. ಲಂಚದ ಬೇಡಿಕೆ ಇಟ್ಟಿದ್ದರು. ಈ ಸಂಬಂಧ ರೈತ ಎಸಿಬಿಗೆ ದೂರು ನೀಡಿದ ಹಿನ್ನೆಲೆಯಲ್ಲಿ ಸೋಮವಾರ ಮಧ್ಯಾಹ್ನ ಅಧಿಕಾರಿಗಳಿಬ್ಬರು ಲಂಚ ಸ್ವೀಕರಿಸುವ ಸಂದರ್ಭ ಎಸಿಬಿ ಬಲೆಗೆ ಬಿದ್ದಿದ್ದಾರೆ. ಡಿವೈಎಸ್ಪಿ ಕಾಳಪ್ಪನೇತೃತ್ವದ ತಂಡ ದಾಳಿ ಈ ನಡೆಸಿದೆ.