ವಿಷ ಸೇವಿಸಿದ ತಾಯಿ, ಎದೆಹಾಲು ಕುಡಿದ ಹಸುಳೆ ಇಬ್ಬರೂ ಮೃತ್ಯು

ಸೊರಬ, ಮಾ.31: ವಿಷ ಸೇವಿಸಿದ ತಾಯಿ ಹಾಗೂ ಆಕೆಯ ಎದೆಹಾಲು ಕುಡಿದ 9 ತಿಂಗಳ ಹಸುಳೆ ಮೃತಪಟ್ಟಿರುವ ಘಟನೆ ತಾಲೂಕಿನ ಹಲಸಿನಕೊಪ್ಪ ಗ್ರಾಮದಲ್ಲಿ ಶುಕ್ರವಾರ ನಡೆದಿದೆ.

ಮೃತರನ್ನು ಉಳವಿ ಹೋಬಳಿಯ ಹಲಸಿನಕೊಪ್ಪಗ್ರಾಮದ ಮಂಜಪ್ಪ ಎಂಬವರ ಪತ್ನಿ ನೇತ್ರಾ (32) ಹಾಗೂ 9 ತಿಂಗಳ ಹೆಣ್ಣು ಮಗು ಸಂಜನಾ ಎಂದು ಗುರುತಿಸಲಾಗಿದೆ.

 ಮೃತ ನೇತ್ರಾ ಅವರಿಗೆ  ಹಲವು ಸಮಯದಿಂದ ಅತಿಯಾದ ಹೊಟ್ಟೆ ನೋವು ಕಾಣಿಸಿಕೊಳ್ಳುತ್ತಿತ್ತು ಎನ್ನಲಾಗಿದೆ. ಇದರಿಂದ ಮಾನಸಿಕವಾಗಿ ನೊಂದು ವಿಷ ಸೇವನೆ ಮಾಡಿದ್ದರು. ವಿಷ ಕುಡಿದ ಬಳಿಕ 9 ತಿಂಗಳ ತನ್ನ ಮಗು ಸಂಜನಾಗೆ ಹಾಲು ಉಣಿಸಿದ ಕಾರಣ ಮಗು ಸಾವನ್ನಪ್ಪಿದೆ ಎನ್ನಲಾಗಿದೆ.

ಈ ಸಂಬಂಧ ಸೊರಬ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.