2018ರ ಮಹಾಮಸ್ತಕಾಭೀಷೇಕ ಕಾಮಗಾರಿ ನವೆಂಬರ್ ಅಂತ್ಯಕ್ಕೆ ಪೂರ್ಣ: ಎ. ಮಂಜು ಭರವಸೆ

ಹಾಸನ, ಆ. 15: 2018ರ ಮಾರ್ಚ್‍ನಲ್ಲಿ ನಡೆಯುವ ಮಹಾಮಸ್ತಕಾಭೀಷೇಕದ ಕಾಮಗಾರಿ ಇದೆ ವರ್ಷ ನವೆಂಬರ್ ಅಂತ್ಯಕ್ಕೆ ಎಲ್ಲಾ ಪೂರ್ಣಗೊಳ್ಳಲಿದೆ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಎ. ಮಂಜು ತಿಳಿಸಿದರು.

       ನಗರದ ಜಿಲ್ಲಾ ಕ್ರಿಡಾಂಗಣದಲ್ಲಿ 71ನೇ ಸ್ವಾತಂತ್ರ್ಯ ದಿನಾಚರಣೆಯಲ್ಲಿ ಭಾಗವಹಿಸಿ ನಂತರ ಸುದ್ದಿಗಾರರೊಂದಿಗೆ ಮಾತನಾಡುತ್ತಾ, ಜರ್ಮನ್ ತಂತ್ರಜ್ಞಾನ ಅಳವಡಿಸಿಕೊಂಡು ಕಾಮಗಾರಿ ನಡೆಸುತ್ತಿದ್ದು, ನವೆಂಬರ್ ತಿಂಗಳ ಒಳಗೆ ಸಂಪೂರ್ಣ ಕಾಮಗಾರಿ ಕೆಲಸ ಮುಕ್ತಾಯಗೊಳ್ಳಲಿದೆ. ಆದರೇ ಮಾಜಿ ಪ್ರಧಾನಿ ಹೆಚ್.ಡಿ. ದೇವೇಗೌಡರು ಈ ಬಗ್ಗೆ ಮುಖ್ಯಮಂತ್ರಿ ಅವರಿಗೆ ಪತ್ರ ಬರೆಯುವ ಅವಶ್ಯಕತೆ ಏನು ಇತ್ತು. ಏನೆ ಸಮಸ್ಯೆ ಇದ್ದರೂ ನನ್ನನ್ನು ಕರೆದು ತಿಳಿಸುವ ಉದಾರಿತನ ಬೆಳೆಸಿಕೊಳ್ಳಬಹುದಿತ್ತು ಎಂದರು. ದೇವೇಗೌಡರು ಹಿರಿಯರು ಆಗಿದ್ದು, ಯಾರಿಂದ ಕೆಲಸ ಮಾಡಬೇಕೆಂಬುದು ಮುಖ್ಯವಲ್ಲ.

ಕೆಲಸ ಆಗುವುದು ಮುಖ್ಯ. ಮಹಾಮಸ್ತಕಾಭಿಷೇಕ ಕಾಮಗಾರಿಯನ್ನು ನೀರಾವರಿ ನಿಗಮಕ್ಕೆ (ಕೆಆರ್‍ಡಿಸಿಎಲ್) ವಹಿಸಿದ್ದನ್ನು ವಿರೋಧಿಸುತ್ತಿರುವ ಜೆಡಿಎಸ್ ನಾಯಕರು, ಈ ಹಿಂದಿನ ಮಹೋತ್ಸವ ಕಾಮಗಾರಿಯನ್ನು ಯಾರಿಗೆ ವಹಿಸಿದ್ದರು ಎಂಬುದನ್ನು ಬಹಿರಂಗಪಡಿಸಬೇಕು ಎಂದು 12 ವರ್ಷಗಳ ಹಿಂದೆ ಮಹಾಮಸ್ತಕಾಭಿಷೇಕ ಕಾಮಗಾರಿಯನ್ನು ಮಂಗಳೂರು ರಾಷ್ಟ್ರೀಯ ಹೆದ್ದಾರಿ ಸಂಸ್ಥೆಗೆ ವಹಿಸಲಾಗಿತ್ತು. ಲೋಕೋಪಯೋಗಿ ಸಚಿವರಾಗಿದ್ದರೇ ಅದನ್ನು ಇಲಾಖೆಯಿಂದ ಮಾಡಿಸಲಿಲ್ಲ ಎಂದು ಹೇಳಿದರು. ಸಣ್ಣತನ ತೋರಿಸದೆ ಗುಣ ಮಟ್ಟದ ಕೆಲಸದ ಕಡೆಗೆ ಗಮನ ನೀಡಬೇಕು. ಮೊಸರಲ್ಲಿ ಕಲ್ಲು ಹುಡುಕುವ ಕೆಲಸ ಮಾಡಬೇಡಿ. ಮಾರ್ಗದರ್ಶನವನ್ನು ನನಗೆ ನೀಡಬೇಕು ಎಂದು ಸಲಹೆ ಕೇಳಿದರು. ಹೆಚ್.ಡಿ. ರೇವಣ್ಣ ನನ್ನ ಮೇಲೆ ಮಾಡಿರುವ ಆರೋಪ ಸುಳ್ಳು. ಈಗಲಾದರೂ ಆಗದ ಕೆಲಸ ಆಗುತ್ತಿರುವ ಬಗ್ಗೆ ಕಣ್ಣು ತೆರೆದಿದೆ. ಗುಣ ಮಟ್ಟ ರಸ್ತೆ ಆಗದಿದ್ದರೇ ದೂರು ನೀಡಲಿ. ಆಗೇ ಶಾಸಕ ಪ್ರಕಾಶ್ ಕೂಡ ರಸ್ತೆ ಗುಣ ಮಟ್ಟ ಸರಿಯಾಗಿಲ್ಲ ಎಂದು ಪ್ರತಿಭಟನೆ ಮಾಡುತ್ತಿದ್ದಾರೆ. ರಸ್ತೆ ಕಾಮಗಾರಿ ಆಗುತ್ತಿದೆ ಎಂದು ಈಗಲಾದರೂ ತಿಳಿಯಿತ್ತಲ್ಲ, ನಮ್ಮ ಅಭಿವೃದ್ಧಿ ಕೆಲಸಕ್ಕೆ ಇವರಿಗೆ ಹೊಟ್ಟೆಹುರಿ ಇದೆ ಎಂದು ಟಾಂಗ್ ನೀಡಿದರು. 

      ಬೆಳೆಗಳು ನಾಶವಾಗಿದ್ದು 700 ಕೋಟಿ ರೂ. ಪರಿಹಾರ ನೀಡುವಂತೆ ರಾಜ್ಯ ಸರಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಲಾಗಿದೆ. 11,110 ಹೆಕ್ಟೆರ್ ಪ್ರದೇಶದಲ್ಲಿ ಶೇ. 50 ರಷ್ಟು ತೆಂಗು ನಾಶವಾಗಿದೆ. 15 ಸಾವಿರ ಹೆಕ್ಟೆರ್ ಪ್ರದೇಶದಲ್ಲಿ ಶೇ. 30ರಷ್ಟು ಆಲೂಗಡ್ಡೆ ನಾಶವಾಗಿದೆ. 2429 ಹೆಕ್ಟೆರ್ ಅಡಿಕೆ ನಾಶವಾಗಿದೆ.

ತೋಟಗಾರಿಕೆ ಇಲಾಖೆಯಿಂದ ವಿತರಣೆ ಮಾಡಲಾಗಿದ್ದ ದೃಢೀಕೃತ ಬಿತ್ತನೆ ಆಲೂ ಮಳೆ ಕೊರತೆಯಿಂದ ಶೇ. 40 ರಿಂದ 50ರಷ್ಟು ನಾಶವಾಗಿದ್ದು ಸಂಪೂರ್ಣ ವರದಿ ಬಂದ ಬಳಿಕ ಬೆಳೆಗಾರರಿಗೆ ಪರಿಹಾರ ನೀಡಲಾಗುವುದು ಎಂದು ಹೇಳಿದರು. ಜಿಲ್ಲೆಯಲ್ಲಿ ಮಳೆ ಕೊರತೆಯಿಂದಾಗಿ ಉಂಟಾಗಿರುವ ಕುಡಿಯುವ ನೀರಿನ ಸಮಸ್ಯೆಯನ್ನು ನಿವಾರಿಸಲು ಆರ್‍ಡಿಪಿಆರ್ ವತಿಯಿಂದ 10 ಕೋಟಿ ರೂ. ಅನುದಾನ ಬಿಡುಗಡೆ ಮಾಡಲಾಗಿದೆ. ಕಾವೇರಿ ಕೊಳ್ಳದ ಜಲಾಶಯಗಳಲ್ಲಿ ಸುಮಾರು 43 ಟಿಎಂಸಿ ನೀರು ಲಭ್ಯವಿದ್ದು, ಈ ಪೈಕಿ 30 ಟಿಎಂಸಿ ಅಡಿ ನೀರನ್ನು ಕುಡಿಯುವುದಕ್ಕಾಗಿ ಹಾಗೂ 13 ಟಿಎಂಸಿ ಅಡಿ ಕೆರೆಕಟ್ಟೆ ತುಂಬಿಸುವುದಕ್ಕಾಗಿ ಬಳಸಿಕೊಳ್ಳಬೇಕಾಗಿದೆ.

ಈ ಸಂಬಂಧ ಶೀಘ್ರದಲ್ಲೇ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ನೇತೃತ್ವದಲ್ಲಿ ನೀರಾವರಿ ಸಲಹಾ ಸಮಿತಿ ಸಭೆ ನಡೆಸಿ ತೀರ್ಮಾನಕೈಗೊಳ್ಳುವುದಾಗಿ ಹೇಳಿದರು. ಹೊಸಬಸ್ ನಿಲ್ದಾಣ ಸಮೀಪದ ರೈಲ್ವೆ ಮೇಲ್ಸೇತುವೆ ಕಾಮಗಾರಿ ಶೀಘ್ರದಲ್ಲೇ ಆರಂಭವಾಗಲಿದೆ. 28 ಕೋಟಿ ರೂ. ಅನುದಾನವನ್ನು ರಾಜ್ಯ ಸರ್ಕಾರ ಭರಿಸಲು ಸಿದ್ಧವಿದ್ದು, ರೈಲ್ವೆ ಇಲಾಖೆಯಿಂದ ಅನುಮತಿ ದೊರೆತ ನಂತರ ವಿಧಾನಸಭೆ ಕಲಾಪದಲ್ಲಿ ಚರ್ಚಿಸಲಾಗುವುದು. ಪೂರ್ಣ ಹಣವನ್ನು ಮೊದಲು ರಾಜ್ಯ ಸರಕಾರವೇ ಭರಿಸಿದ ಬಳಿಕ ಕೇಂದ್ರದಿಂದ ಹಣ ಪಡೆಯುವುದಾಗಿ ಹೇಳಿದರು. 

      ಇದೆ ವೇಳೆನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಎಚ್.ಆರ್. ಕೃಷ್ಣಕುಮಾರ್, ಜಿಲ್ಲಾ ಪಂಚಾಯಿತಿ ಅಧ್ಯಕ್ಷೆ ಶ್ವೇತಾ ದೇವರಾಜ್, ಹುಡಾ ನಿರ್ದೇಶಕ ಮೋಹನ್ ಕುಮಾರ್, ಶಂಕರ್‍ರಾಜು ಹಾಗೂ ಇತರರು ಉಪಸ್ಥಿತರಿದ್ದರು.