ಆಗ್ನೇಯ ಶಿಕ್ಷಕರ ಕ್ಷೇತ್ರ ಚುನಾವಣೆ: ತುಮಕೂರು ಜಿಲ್ಲೆಯಲ್ಲಿ ಶೇ87.95 ರಷ್ಟು ಮತದಾನ

ತುಮಕೂರು,ಜೂ.08: ವಿಧಾನಪರಿಷತ್ತಿನ ಆಗ್ನೇಯ ಶಿಕ್ಷಕರ ಕ್ಷೇತ್ರದಿಂದ ಪ್ರತಿನಿಧಿಯನ್ನು ಆಯ್ಕೆ ಮಾಡುವ ನಿಟ್ಟಿನಲ್ಲಿ ಶುಕ್ರವಾರ ಮತದಾನ ನಡೆದಿದ್ದು, ಶೇ87.95 ರಷ್ಟು ಶಿಕ್ಷಕರು ತಮ್ಮ ಹಕ್ಕು ಚಲಾಯಿಸಿದ್ದಾರೆ.

ಜಿಲ್ಲೆಯಲ್ಲಿ 10 ತಾಲೂಕುಗಳ 6823 ಮತದಾರರಲ್ಲಿ 6001 ಮತಗಳು ಚಲಾವಣೆಯಾಗಿದ್ದು, ಇವರಲ್ಲಿ 4366 ಪುರುಷ ಮತ್ತು 1635 ಮಹಿಳಾ ಮತದಾರರು ತಮ್ಮ ಹಕ್ಕು ಚಲಾಯಿಸಿದ್ದು, ಕುಣಿಗಲ್‍ನಿಂದ ಅತಿ ಹೆಚ್ಚು ಅಂದರೆ ಶೇ 96.96ರಷ್ಟು ಮತಗಳು ಚಲಾವಣೆಯಾಗಿವೆ.

ಪಾವಗಡ ತಾಲೂಕಿನಲ್ಲಿ 654 ಮತಗಳಿಗೆ 521 ಪುರುಷ ಮತ್ತು 98 ಮಹಿಳಾ ಮತದಾರರು ಸೇರಿ 619 ಮತಗಳು ಚಲಾವಣೆಯಾಗಿದ್ದು, ಶೇ 94.65ರಷ್ಟು ಜನರು ತಮ್ಮ ಹಕ್ಕು ಚಲಾಯಿಸಿದ್ದಾರೆ.

ಮಧುಗಿರಿಯಲ್ಲಿ 429 ಮತದಾರರಿದ್ದು,317 ಪುರುಷ ಮತ್ತು 93 ಮಹಿಳಾ ಮತದಾರರು ಸೇರಿ 410 ಜನ ಮತ ಚಲಾಯಿಸಿದ್ದು, ಶೇ 95.57ರಷ್ಟು ಮತಗಳು ಚಲಾವಣೆಯಾಗಿವೆ. ಶಿರಾದಲ್ಲಿ 503 ಮತದಾರರಿದ್ದು,362 ಪುರುಷ ಮತ್ತು 104 ಮಹಿಳಾ ಮತದಾರರು ಸೇರಿದಂತೆ 466 ಮತಗಳು ಚಲಾವಣೆಯಾಗಿದ್ದು, ಶೇ92.64ರಷ್ಟು ಜನರು ತಮ್ಮ ಹಕ್ಕು ಚಲಾಯಿಸಿದ್ದಾರೆ.

ಚಿಕ್ಕನಾಯಕನಹಳ್ಳಿ 581 ಮತಗಳಿಗದ್ದು, 416 ಪುರುಷ ಮತ್ತು 113 ಮಹಿಳಾ ಮತದಾರರು ಸೇರಿ ಒಟ್ಟು 529 ಮತಗಳು ಚಲಾವಣೆಯಾಗಿದ್ದು, ಶೇ 91.05ರಷ್ಟು ಮತಗಳು ಚಲಾವಣೆಯಾಗಿವೆ. ತಿಪಟೂರಿನಲ್ಲಿ 556 ಮತಗಳಿದ್ದು,389 ಪುರುಷ ಮತ್ತು 124 ಮಹಿಳಾ ಮತದಾರರು ಸೇರಿ 513 ಮತಗಳು ಚಲಾವಣೆಯಾಗಿದ್ದು, ಶೇ92.27ರಷ್ಟು ಜನ ತಮ್ಮ ಹಕ್ಕು ಚಲಾಯಿಸಿದ್ದಾರೆ.

ತುರುವೇಕೆರೆಯಲ್ಲಿ 302 ಮತದಾರರಿದ್ದು, 217 ಪುರುಷ ಮತ್ತು 74 ಮಹಿಳಾ ಮತದಾರರು ಸೇರಿ 291 ಮತಗಳು ಚಲಾವಣೆಯಾಗಿದ್ದು, ಶೇ 96.36ರಷ್ಟು ಜನ ತಮ್ಮ ಹಕ್ಕು ಚಲಾಯಿಸಿದ್ದಾರೆ. ಕುಣಿಗಲ್‍ನಲ್ಲಿ 230 ಮತಗಳಿದ್ದು, 170 ಪುರುಷ ಮತ್ತು 53 ಜನ ಮಹಿಳಾ ಮತದಾರರು ಸೇರಿ 223 ಮತಗಳು ಚಲಾವಣೆಯಾಗಿದ್ದು ಶೇ96.96ರಷ್ಟು ಮತಗಳು ಚಲಾವಣೆಯಾಗಿವೆ.

ಗುಬ್ಬಿ ತಾಲೂಕಿನಲ್ಲಿ 398ಜನ  ಮತದಾರರಿದ್ದು, 282 ಪುರುಷ ಮತ್ತು 80 ಮಹಿಳಾ ಮತದಾರರು ಸೇರಿ 362 ಜನ ಮತಚಲಾಯಿಸಿದ್ದು, ಶೇ 90.95ರಷ್ಟು ಶಿಕ್ಷಕರು ತಮ್ಮ ಹಕ್ಕು ಚಲಾಯಿಸಿದ್ದಾರೆ.

ತುಮಕೂರು ನಗರದಲ್ಲಿ ಸ್ಥಾಪಸಿರುವ ಮೂರು ಮತಗಟ್ಟೆಗಳಿಂದ  ಒಟ್ಟು 2933 ಮತದಾರರಿದ್ದು, 1516 ಪುರುಷ ಮತ್ತು 858 ಮಹಿಳಾ ಮತದಾರರು ಸೇರಿದಂತೆ ಒಟ್ಟು 2374 ಜನರು ತಮ್ಮ ಹಕ್ಕು ಚಲಾಯಿಸಿದ್ದು, ಶೇ85 ರಷ್ಟು ಮತದಾನವಾಗಿದೆ. ಕೊರಟಗೆರೆ ತಾಲೂಕಿನಲ್ಲಿ 237 ಮತದಾರರಿದ್ದು, 176 ಪುರುಷ ಮತ್ತು 38 ಮಹಿಳಾ ಮತದಾರರು ಸೇರಿ ಒಟ್ಟು 214 ಜನ ಶಿಕ್ಷಕರು ತಮ್ಮ ಹಕ್ಕು ಚಲಾಯಿಸಿದ್ದು, ಶೇ 90.30ರಷ್ಟು ಮತಗಳು ಚಲಾವಣೆಯಾಗಿವೆ. 

ಚುನಾವಣೆ ಅತ್ಯಂತ ಶಾಂತಿಯುತವಾಗಿ ನಡೆದಿದ್ದು, ಕಾಂಗ್ರೆಸ್, ಜೆಡಿಎಸ್ ಮತ್ತು ಬಿಜೆಪಿಯ ಮೂವರು ಅಭ್ಯರ್ಥಿಗಳು ಒಟ್ಟಾಗಿಯೇ ಮತಗಟ್ಟೆಗೆ ಬರುವ ಶಿಕ್ಷಕರುಗಳು ತಮಗೆ ಮತ ಚಲಾಯಿಸುವಂತೆ ಮನವಿ ಮಾಡುತ್ತಿದ್ದರು. ಮತಗಟ್ಟೆಯ ಸುತ್ತ ಬೀಗಿ ಬಂದೋಬಸ್ತ್ ಏರ್ಪಡಿಸಲಾಗಿತ್ತು. ಜೂನ್ 12 ರಂದು ಬೆಂಗಳೂರಿನಲ್ಲಿ ಮತ ಎಣಿಕೆ ನಡೆಯಲಿದೆ.