ತುಮಕೂರು: ಕೋಳಿ ಫಾರಂ ನುಗ್ಗಿ 400 ಕೋಳಿಗಳನ್ನು ಕೊಂದ ಚಿರತೆ !
Update: 2018-06-16 06:15 GMT
ತುಮಕೂರು, ಜೂ. 16: ಅಹಾರ ಅರಸಿ ಬಂದ ಚಿರತೆ ಕೋಳಿ ಫಾರಂಗೆ ನುಗ್ಗಿ ಸುಮಾರು 400 ಕೋಳಿಗಳನ್ನು ಕೊಂದು ಹಾಕಿರುವ ಘಟನೆ ಜಿಲ್ಲೆಯ ಕೊರಟಗೆರೆ ತಾಲೂಕಿನ ಕಸಬಾ ಹೋಬಳಿಯ ತುಂಬಾಡಿ ಗ್ರಾಮ ಪಂಚಾಯತ್ ಕೇಂದ್ರ ಸ್ಥಾನದಲ್ಲಿ ನಡೆದಿದೆ.
ರೈತ ಮಾರುತಿ ಎಂಬುವರ ತೋಟದ ಮನೆಯಲ್ಲಿರುವ ಕೋಳಿಫಾರಂನಲ್ಲಿ ಈ ಘಟನೆ ನಡೆದಿದ್ದು, ಮಾರುತಿ ಶನಿವಾರ ಮುಂಜಾನೆ ಕೋಳಿಗಳಿಗೆ ಆಹಾರ ಹಾಕಲು ಫಾರಂಗೆ ತೆರಳಿದ್ದರು. ಈ ವೇಳೆ ಫಾರಂನಲ್ಲಿ ಚಿರತೆ ಅಡಗಿರುವುದನ್ನು ಗಮನಿಸಿ ತಕ್ಷಣವೇ ಹೊರಗೆ ಬಂದು ಬಾಗಿಲು ಹಾಕಿದ್ದರಿಂದ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಚಿರತೆ ಸೆರೆಹಿಡಿಯಲು ಹಾಸನದಿಂದ ಅರವಳಿಕೆ ತಜ್ಞರು ಆಗಮಿಸಿದ್ದು, ಸ್ಥಳದಲ್ಲಿ ಅರಣ್ಯ ಇಲಾಖೆ ಅಧಿಕಾರಿಗಳು ಮೊಕ್ಕಾಂ ಹೂಡಿದ್ದಾರೆ.