ಸೌದಿ: ವೈಭವದ ರಾಷ್ಟ್ರೀಯ ದಿನಾಚರಣೆ

ಸೌದಿ ಅರೇಬಿಯ ರವಿವಾರ ಅತ್ಯಂತ ವೈಭವದೊಂದಿಗೆ ರಾಷ್ಟ್ರೀಯ ದಿನವನ್ನು ಆಚರಿಸಿತು. ಸೌದಿ ಅರೇಬಿಯದಾದ್ಯಂತದ 20 ನಗರಗಳಲ್ಲಿನ 58 ವೇದಿಕೆಗಳಲ್ಲಿ ಏಕಕಾಲದಲ್ಲಿ 9 ಲಕ್ಷ ಸುಡುಮದ್ದುಗಳ ಪ್ರದರ್ಶನ ನಡೆಯಿತು ಹಾಗೂ ಇದು ಗಿನ್ನೆಸ್ ವಿಶ್ವ ದಾಖಲೆಗಳ ಪುಸ್ತಕದಲ್ಲಿ ದಾಖಲಾಯಿತು. ಅತ್ಯಧಿಕ ಸುಡುಮದ್ದುಗಳನ್ನು ಸುಟ್ಟ ಈವರೆಗಿನ ದಾಖಲೆ ಫಿಲಿಪ್ಪೀನ್ಸ್‌ನ2016ರ ಹೊಸ ವರ್ಷಾಚರಣೆಯಲ್ಲಿ ನಿರ್ಮಾಣವಾಗಿತ್ತು. ಅಂದು 8,10,904 ಸುಡುಮದ್ದುಗಳನ್ನು ಸುಡಲಾಗಿತ್ತು. ಅದು ಸುರಿಯುತ್ತಿರುವ ಮಳೆಯಲ್ಲಿ ಒಂದು ಗಂಟೆ ಕಾಲ ನಡೆದಿತ್ತು. ಸೌದಿ ರಾಯಲ್ ಪಡೆಯ 12 ವಿಮಾನಗಳು ಬೆನ್ನುಹುರಿಯಲ್ಲಿ ಚಳಿ ಹುಟ್ಟಿಸುವಂಥ ಪ್ರದರ್ಶನ ನೀಡಿದವು.