ಸಂಜೆ 4 ಗಂಟೆಗೆ ತೋಂಟದಾರ್ಯ ಶ್ರೀಗಳ ಪಾರ್ಥಿವ ಶರೀರದ ಅಂತ್ಯ ಸಂಸ್ಕಾರ

ಗದಗ, ಅ.21: ಶನಿವಾರ ನಿಧನರಾದ ಗದಗದ ತೋಂಟದಾರ್ಯ  ಡಾ.ಸಿದ್ದಲಿಂಗ  ಶ್ರೀಗಳ ಪಾರ್ಥಿವ ಶರೀರದ ಅಂತಿಮ ಸಂಸ್ಕಾರ ರವಿವಾರ ಸಂಜೆ 4 ಗಂಟೆಗೆ ನಡೆಯಲಿದೆ.

ತೋಂಟದಾರ್ಯ  ಶ್ರೀಗಳ ಪಾರ್ಥಿವ ಶರೀರದ   ಮೆರವಣಿಯು ರದ್ಧಾಗಿದೆ. ಮುಖ್ಯ ಮಂತ್ರಿ ಹೆಚ್ ಡಿ ಕುಮಾರಸ್ವಾಮಿ, , ಮಾಜಿ ಪ್ರಧಾನಿ  ಹೆಚ್ ಡಿ ದೇವೇಗೌಡ, ಮಾಜಿ ಮುಖ್ಯ ಮಂತ್ರಿ ಸಿದ್ದರಾಮಯ್ಯ ಅವರು  ಶ್ರೀ  ಸಿದ್ದಲಿಂಗ ಶ್ರೀಗಳ ಪಾರ್ಥಿವ ಶರೀರದ ಅಂತಿಮ  ದರ್ಶನ ಪಡೆದರು.

ಉತ್ತರಾಧಿಕಾರಿ ಆಯ್ಕೆ : ಡಾ.ಸಿದ್ದಲಿಂಗ ಮಹಾಸ್ವಾಮಿ ವಿಧಿವಶರಾದ  ಹಿನ್ನೆಲೆಯಲ್ಲಿ ತೋಂಟದಾರ್ಯಮಠದ 20ನೇ ಪೀಠಾಧಿಪತಿಯಾಗಿ ನಾಗನೂರು ರುದ್ರಾಕ್ಷಿಮಠದ ಸಿದ್ದರಾಮ ಮಹಾಸ್ವಾಮಿ  ಆಯ್ಕೆಯಾಗಿದ್ದಾರೆ.
ತಮ್ಮ ಬಳಿಕ ಮಠದ ಉತ್ತರಾಧಿಕಾರಿಯಾಗಿ ನಾಗನೂರು ರುದ್ರಾಕ್ಷಿಮಠದ ಸಿದ್ದರಾಮ ಸ್ವಾಮೀಜಿ ಅವರನ್ನೇ ನೇಮಿಸಬೇಕೆಂದು 15 ವರ್ಷದ ಹಿಂದೆಯೇ ಶ್ರೀ ಸಿದ್ದಲಿಂಗ ಶ್ರೀಗಳು ವಿಲ್ ಬರೆದಿಟ್ಟಿದ್ದರು