ಮಂಡ್ಯ: ನಾಯಿಗಳ ದಾಳಿಗೆ 20 ಕುರಿಗಳು ಬಲಿ
Update: 2018-11-09 17:26 GMT
ಮಂಡ್ಯ, ನ.9: ಬೀದಿನಾಯಿಗಳ ದಾಳಿಗೆ 20 ಕುರಿಗಳು ಬಲಿಯಾಗಿರುವ ಘಟನೆ ತಾಲೂಕಿನ ಕಟ್ಟೆದೊಡ್ಡಿ ಗ್ರಾಮದಲ್ಲಿ ಶುಕ್ರವಾರ ಸಂಜೆ ನಡೆದಿದೆ.
ಗ್ರಾಮದ ಚನ್ನೇಗೌಡ ಎಂಬವರಿಗೆ ಸೇರಿದ ಕುರಿಗಳನ್ನು ನಾಲ್ಕು ನಾಯಿಗಳು ಕೊಂದುಹಾಕಿದ್ದು, ಸುಮಾರು 2 ಲಕ್ಷ ರೂ. ನಷ್ಟವಾಗಿದೆ.
ಸಂಜೆ ಹೊಲದಲ್ಲಿ ಮೇಯಿಸಿಕೊಂಡ ಕುರಿಗಳನ್ನು ಮನೆ ಪಕ್ಕದ ಕೊಟ್ಟಿಗೆಯಲ್ಲಿ ಕೂಡಿಹಾಕಿದ ಕೆಲವೇ ನಿಮಿಷಗಳಲ್ಲಿ ನಾಯಿಗಳು ದಾಳಿ ನಡೆಸಿದವು ಎನ್ನಲಾಗಿದೆ.
ಕುರಿಗಳನ್ನು ಸಾಕಿ ಜೀವನಸಾಗಿಸುತ್ತಿದ್ದ ಚನ್ನೇಗೌಡರ ಕುಟುಂಬ ಘಟನೆಯಿಂದ ಕಂಗಲಾಗಿದ್ದು, ಬೀದಿನಾಯಿಗಳ ನಿಯಂತ್ರಿಸುವಂತೆ ಗ್ರಾಪಂ ಆಡಳಿತವನ್ನು ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.