ಕೊಡಗು ಜಿಲ್ಲೆಯ ಗ್ರಾ.ಪ. ಚುನಾವಣೆಯಲ್ಲಿ 12 ಸ್ಥಾನ ಪಡೆದ ಎಸ್ ಡಿಪಿಐ

ಮಡಿಕೇರಿ : ಈ ಹಿಂದಿನ ಅವಧಿಯಲ್ಲಿ ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ 10 ಸ್ಥಾನ ಪಡೆದಿದ್ದ ಎಸ್ ಡಿಪಿಐ ಇದೀಗ 3 ತಾಲ್ಲೂಕಿನ ಸುಂಟಿಕೊಪ್ಪ 4, ಐಗೂರು 1, ಮೇಕೇರಿ 2, ಕಲ್ಲುಬಾಣೆ ಆರ್ಜಿ 1, ನೆಲ್ಲಿಹುದಿಕೇರಿ 1, ಕೊಂಡಂಗೇರಿ 2, ನಾಪೊಕ್ಲು 1 ಗ್ರಾಮ ಪಂ. ಚುನಾವಣೆಯಲ್ಲಿ ಸ್ಪರ್ಧಿಸಿ  12 ಸ್ಥಾನ  ಪಡೆದುಕೊಂಡು ಗೆಲುವು ಸಾಧಿಸಿದ್ದಾರೆ.

ವಿವಿಧ ಗ್ರಾಮ ಪಂಚಾಯಿತಿಗಳಲ್ಲಿ 35 ಅಭ್ಯರ್ಥಿಗಳು  ಎಸ್ ಡಿಪಿಐ ಬೆಂಬಲಿತರಾಗಿ  ಸ್ಪರ್ಧಾ ಕಣದಲ್ಲಿದ್ದು 12 ಅಭ್ಯರ್ಥಿಗಳು  ಗೆಲುವಿನೊಂದಿಗೆ 5 ಮಂದಿ ಅಭ್ಯರ್ಥಿಗಳು ಕೆಲವೇ ಅಂತರದ ಮತಗಳಿಂದ ಸೋಲನುಭವಿಸಿದ್ದಾರೆ.

ಕಳೆದ ಬಾರಿ ಸಿದ್ಧಾಪುರದಲ್ಲಿ ಕಾಂಗ್ರೆಸ್ ಪಕ್ಷದೊಂದಿಗೆ ಪೈಪೋಟಿ ನೀಡಿದ್ದ ಎಸ್ ಡಿಪಿಐ 8 ಸ್ಥಾನಗಳಲ್ಲಿ ಸ್ಪರ್ಧಿಸಿ 5 ಸ್ಥಾನಗಳಿಸಿತ್ತು. ಈ ಬಾರಿಯ ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ಎಸ್ ಡಿಪಿಐ ಪಕ್ಷದ 2 ಅಭ್ಯರ್ಥಿಗಳು ಮಾತ್ರ ಸ್ಪರ್ಧೆಯಲ್ಲಿದ್ದರು. ಕೆಲವೇ ಅಂತರ ಗಳ ಮತದಿಂದ ಸೋಲು ಕಂಡಿದ್ದಾರೆ.

ಗ್ರಾಮದ ಅಭಿವದ್ಧಿ ಹಾಗೂ ಜನಪರ ಸೇವೆಗೆ ಮತದಾರರು ಎಸ್ ಡಿಪಿಐ ಬೆಂಬಲಿತ ಅಭ್ಯರ್ಥಿಗಳಿಗೆ ಹೆಚ್ಚು ಬಹುಮತ ನೀಡಿದ್ದಾರೆ ಎಂದು ಎಸ್ ಡಿಪಿಐ ಪಕ್ಷದ ಜಿಲ್ಲಾ ಅಧ್ಯಕ್ಷ ಮನ್ಸೂರ್ ತಿಳಿಸಿದ್ದಾರೆ.