ರಿಟೇಲ್ ಕ್ಷೇತ್ರದಲ್ಲಿ ಹೊಸ ಕ್ರಾಂತಿ 'ಮೆಫಿನ್': ಶೂನ್ಯ ಕಮಿಷನ್‌ನಲ್ಲಿ ಸೇವೆ ನೀಡುವ ವ್ಯವಸ್ಥೆ

ಬೆಂಗಳೂರು: ರಿಟೇಲ್ ಕ್ಷೇತ್ರದಲ್ಲಿ ಹೊಸ ಕ್ರಾಂತಿಗೆ ನಾಂದಿ ಹಾಡಿರುವ, ದೀಪಾ ಅರುಣ್ ಎಂಬವರು ಸ್ಥಾಪಿಸಿರುವ 'ಮೆಫಿನ್' ವೆಬ್‌ಸೈಟ್ ರಿಟೇಲ್‌ ವ್ಯಾಪಾರಿಗಳು ಹಾಗೂ ಗ್ರಾಹಕರ ನಡುವೆ ಸಂಪರ್ಕ ಸೇತುವೆಯಾಗಿ ಕಾರ್ಯನಿರ್ವಹಿಸುತ್ತಿದ್ದು, ಶೂನ್ಯ ಕಮಿಷನ್‌ನಲ್ಲಿ ಸೇವೆ ನೀಡುವ ವ್ಯವಸ್ಥೆಯನ್ನು ಹೊಂದಿದೆ.

ದೇಶದಲ್ಲೇ ಮೊದಲ ಬಾರಿಗೆ ಪರಿಚಯಿಸಲಾಗಿರುವ ಮೆಫಿನ್ ವೆಬ್‌ಸೈಟ್ 'ಸೇವ್ ರಿಟೇಲ್, ಸೇವ್ ಎಂಪ್ಲಾಯಿಮೆಂಟ್' ಘೋಷವಾಕ್ಯದೊಂದಿಗೆ  ಕಾರ್ಯನಿರ್ವಹಿಸುತ್ತಿದೆ. ರಾಜ್ಯದ ಎಲ್ಲ ಭಾಗದ ರಿಟೇಲ್‌ ವ್ಯಾಪಾರಿಗಳಿಗೆ ತಮ್ಮ ವ್ಯಾಪಾರಿಗಳಿಗೆ ಉದ್ಯಮ ಅಭಿವೃದ್ಧಿಪಡಿಸಲು ಈ ಸೇವೆ ಸಹಕಾರಿಯಾಗಿದ್ದು, ವಿವಿಧ ರೀತಿಯ ಬಿಲ್ ಪಾವತಿ ವ್ಯವಸ್ಥೆಯನ್ನೂ 'ಮೆಫಿನ್' ವೆಬ್‌ಸೈಟ್ ಹೊಂದಿದೆ.

ಗ್ರಾಹಕರ ಬೇಡಿಕೆಗಳನ್ನು ಈಡೇರಿಸಿ, ಉತ್ತಮ ಸೇವೆ ಸಲ್ಲಿಸುವುದು ಮೆಫಿನ್ ಉದ್ದೇಶವಾಗಿದ್ದು, ಗ್ರಾಹಕರು ಹತ್ತಿರದ ನೋಂದಾಯಿತ ಮೆಫಿನ್ ಮಳಿಗೆಗಳಿಂದ ಉತ್ಪನ್ನಗಳನ್ನು ಖರೀದಿಸುವ ವ್ಯವಸ್ಥೆಯನ್ನು 'ಮೆಫಿನ್' ಮಾಡಲಿದೆ.

'ಸೇವ್ ರಿಟೇಲ್, ಸೇವ್ ಎಂಪ್ಲಾಯಿಮೆಂಟ್' ಘೋಷವಾಕ್ಯದೊಂದಿಗೆ ಶೂನ್ಯ ಕಮಿಷನ್‌ನಲ್ಲಿ ಸೇವೆ ನೀಡುವ ವ್ಯವಸ್ಥೆಯನ್ನು ದೇಶದಲ್ಲೇ ಮೊದಲ ಬಾರಿಗೆ ಪರಿಚಯಿಸಲಾಗಿದೆ. ಸಾಮಾನ್ಯವಾಗಿ ಇತರ ಇ-ಕಾಮರ್ಸ್ ಕಂಪೆನಿಗಳು ಆನ್ ಲೈನ್ ವ್ಯವಹಾರದಲ್ಲಿ ಕಮಿಷನ್ ಪಡೆಯುತ್ತಿದೆ. ಆದರೆ ಮೆಫಿನ್ ವೆಬ್‌ಸೈಟ್ ಶೂನ್ಯ ಕಮಿಷನ್‌ನಲ್ಲಿ ಸೇವೆ ನೀಡಲಿದೆ ಎಂದು ಮೆಫಿನ್' ವೆಬ್‌ಸೈಟ್ ಸ್ಥಾಪಕಿ ದೀಪಾ ಅರುಣ್ ತಿಳಿಸಿದ್ದಾರೆ.

ಮೆಫಿನ್ ಇ-ಕಾಮರ್ಸ್ ಫ್ಲಾಟ್ ಫಾರ್ಮ್ ಆಗಿದ್ದು, ಶೂನ್ಯ ಕಮಿಷನ್‌ನಲ್ಲಿ ಸೇವೆ ನೀಡಲಿದ್ದೇವೆ. ಈಗ ಮೊದಲು ಕರ್ನಾಟಕದಲ್ಲಿ ಸೇವೆ ಆರಂಭಿಸಿದ್ದು, ಕೊಯಂಬತ್ತೂರಿನಲ್ಲಿಯೂ ಸೇವೆ ನೀಡುತ್ತಿದ್ದೇವೆ. ಇದನ್ನು ದೇಶಾದ್ಯಂತ ವಿಸ್ತರಿಸುವ ಗುರಿ ಇದೆ. ಮೆಫಿನ್ ಮೂಲಕ ವಿದ್ಯುತ್, ನೀರಿನ ಬಿಲ್, ಡಿಟಿಎಚ್ ರಿಚಾರ್ಜ್, ಮೊಬೈಲ್ ರಿಚಾರ್ಜ್ ಕೂಡ ಮಾಡಬಹುದು ಎಂದು ಅವರು ಹೇಳಿದ್ದಾರೆ. 

ನೋಂದಣಿ ಹೇಗೆ: ಮೊದಲು ವೆಬ್‌ಸೈಟ್‌ಗೆ ಭೇಟಿ ನೀಡಿ, ನಿಮ್ಮ ಹೆಸರು, ಮೊಬೈಲ್ ನಂಬರ್, ಇ-ಮೇಲ್ ಐಡಿ, ವಿಳಾಸ ಸೇರಿ ಮತ್ತಿತರ ಮಾಹಿತಿಗಳನ್ನು ದಾಖಲಿಸಿ ನೋಂದಾಯಿಸಿಕೊಳ್ಳಬಹುದು. ಮೆಫಿನ್ ಮೂಲಕ ವಿದ್ಯುತ್, ನೀರಿನ ಬಿಲ್, ಡಿಟಿಎಚ್ ರಿಚಾರ್ಜ್, ಮೊಬೈಲ್ ರಿಚಾರ್ಜ್, ಕೇಬಲ್ ಟಿವಿ ರೀಚಾರ್ಜ್, ಗ್ಯಾಸ್ ಬುಕಿಂಗ್, ಕ್ರೆಡಿಟ್ ಕಾರ್ಡ್ ವ್ಯವಹಾರ, ಲೋನ್ ಪೇಮೆಂಟ್, ಎಜುಕೇಶನ್ ಶುಲ್ಕ, ಇನ್ನೂರೆನ್ಸ್ ಪ್ರೀಮಿಯಂ, ಫಾಸ್ಟ್‌ಟ್ಯಾಗ್ ಸೇರಿ ಎಲ್ಲ ಬಗೆಯ ವ್ಯವಹಾರಗಳಿಗೂ ಇದು ಸಹಕಾರಿಯಾಗಲಿದೆ.

ವೆಬ್‌ಸೈಟ್‌ಗೆ ನೋಂದಣಿಯಾದ ರಾಜ್ಯದ ಯಾವುದೇ ಭಾಗದಲ್ಲಿರುವ ಮಳಿಗೆ ಮಾಲಕರು ತಮ್ಮ ಉತ್ಪನ್ನಗಳು, ಕೊಡುಗೆಗಳು, ರಿಯಾಯಿತಿ ದರದಲ್ಲಿ ಗ್ರಾಹಕರಿಗೆ ನೀಡುವ ವಸ್ತುಗಳ ವಿವರಗಳನ್ನು www.mephin.com ವೆಬ್‌ಸೈಟ್‌ನಲ್ಲಿ ಅಪ್‌ಲೋಡ್ ಮಾಡಬೇಕು, ಗ್ರಾಹಕರು ತಮಗೆ ಬೇಕಾದ ಎಲ್ಲಾ ಉತ್ಪನ್ನಗಳನ್ನು ಮನೆಬಾಗಿಲಿಗೆ ತರಿಸಿಕೊಳ್ಳಬಹುದು. ತಮ್ಮ ಮನೆ ಸಮೀಪದ ರಿಟೇಲ್ ಮಳಿಗೆಯಲ್ಲಿರುವ ಉತ್ಪನ್ನಗಳು, ಅವುಗಳ ಬೆಲೆ ಸೇರಿ ಎಲ್ಲಾ ವಿವರಗಳನ್ನು ಗ್ರಾಹಕರು ಮೊಬೈಲ್ ಅಥವಾ ಕಂಪ್ಯೂಟರ್ ಮೂಲಕ ಮೆಫಿನ್ ವೆಬ್‌ಸೈಟ್‌ನಲ್ಲಿ ಪರಿಶೀಲಿಸಬಹುದು.