ರಾಜ್ಯದಲ್ಲಿ 10 ಲಕ್ಷ ದಾಟಿದ ಕೊರೋನ ಸೋಂಕಿತರ ಸಂಖ್ಯೆ: ಒಟ್ಟು 12,585 ಸೋಂಕಿತರು ಮೃತ್ಯು

ಬೆಂಗಳೂರು, ಎ.1: ರಾಜ್ಯದಲ್ಲಿ ಕೋವಿಡ್ ಸೋಂಕಿತರ ಸಂಖ್ಯೆ ಒಟ್ಟು 10 ಲಕ್ಷ ದಾಟಿದ್ದು, ಗುರುವಾರ 4,234 ಕೋವಿಡ್ ಹೊಸ ಪ್ರಕರಣಗಳು ದೃಢಪಟ್ಟಿವೆ. ಹಾಗೂ 18 ಮಂದಿ ಮೃತಪಟ್ಟಿದ್ದು, 1,599 ಮಂದಿ ಗುಣಮುಖರಾಗಿದ್ದಾರೆಂದು ಆರೋಗ್ಯ ಇಲಾಖೆ ತಿಳಿಸಿದೆ.

ರಾಜ್ಯದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 10,01,238ಕ್ಕೆ ತಲುಪಿದ್ದು, ಇಲ್ಲಿಯವರೆಗೂ 12,585 ಮಂದಿ ಸಾವನ್ನಪ್ಪಿದ್ದಾರೆ. ಹಾಗೂ ಇಂದಿನ(ಎ.1) ಸೋಂಕಿತರನ್ನು ಒಳಗೊಂಡಂತೆ 30,865 ಸಕ್ರಿಯ ಪ್ರಕರಣಗಳಿದ್ದು, ಅವರೆಲ್ಲರು ಆಸ್ಪತ್ರೆ, ಕೇರ್ ಸೆಂಟರ್ ಹಾಗೂ ಮನೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಸೋಂಕಿತರ ಸಾವು: ಬೆಂಗಳೂರು ನಗರದಲ್ಲಿ ಇಂದು 11 ಮಂದಿ ಸೋಂಕಿಗೆ ಬಲಿಯಾಗಿದ್ದಾರೆ. ಉಳಿದಂತೆ ಧಾರವಾಡ-2 ಹಾಗೂ ಬೀದರ್-1 ಕಲಬುರಗಿ-1, ಮಂಡ್ಯ-1, ಮೈಸೂರು-1, ತುಮಕೂರು-1 ಸಾವಿನ ಪ್ರಕರಣ ವರದಿಯಾಗಿದ್ದು, ಒಟ್ಟು ರಾಜ್ಯದಲ್ಲಿ ಗುರುವಾರ 18 ಸೋಂಕಿತರು ಸಾವನ್ನಪ್ಪಿದ್ದಾರೆ.

ಜಿಲ್ಲಾವಾರು ಸೋಂಕಿತರು: ಬಾಗಲಕೋಟೆ-19, ಬಳ್ಳಾರಿ-25, ಬೆಳಗಾವಿ-46, ಬೆಂಗಳೂರು ಗ್ರಾಮಾಂತರ-73, ಬೆಂಗಳೂರು ನಗರ-2,906, ಬೀದರ್-218, ಚಾಮರಾಜನಗರ-17, ಚಿಕ್ಕಬಳ್ಳಾಪುರ-8, ಚಿಕ್ಕಮಗಳೂರು-51, ಚಿತ್ರದುರ್ಗ-28, ದಕ್ಷಿಣ ಕನ್ನಡ-30, ದಾವಣಗೆರೆ-17, ಧಾರವಾಡ-57, ಗದಗ-15, ಹಾಸನ-67, ಹಾವೇರಿ-4, ಕಲಬುರಗಿ-144, ಕೊಡಗು-23, ಕೋಲಾರ-31, ಕೊಪ್ಪಳ-9, ಮಂಡ್ಯ-67, ಮೈಸೂರು-109, ರಾಯಚೂರು-21, ರಾಮನಗರ-3, ಶಿವಮೊಗ್ಗ-24, ತುಮಕೂರು-102, ಉಡುಪಿ-53, ಉತ್ತರ ಕನ್ನಡ-44, ವಿಜಯಪುರ-18, ಯಾದಗಿರಿ-5 ಸೋಂಕಿತ ಪ್ರಕರಣಗಳು ವರದಿಯಾಗಿವೆ.

ಬೆಂಗಳೂರಿನಲ್ಲಿ 2,906 ಕೋವಿಡ್ ಪ್ರಕರಣ ದೃಢ

ಬೆಂಗಳೂರಿನಲ್ಲಿ ಗುರುವಾರ 2,906 ಮಂದಿ ಕೊರೋನ ಸೋಂಕು ದೃಢಪಟ್ಟಿದ್ದು, 11 ಮಂದಿ ಸಾವನ್ನಪ್ಪಿದ್ದಾರೆ. ಹಾಗೂ 719 ಮಂದಿ ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ. ನಗರದಲ್ಲಿ ಇಂದಿನವರೆಗೆ(ಗುರುವಾರ) 21,789 ಸಕ್ರಿಯ ಪ್ರಕರಣಗಳಿದ್ದು, ಅವರೆಲ್ಲರೂ ನಗರದ ವಿವಿಧ ಆಸ್ಪತ್ರೆಗಳಲ್ಲಿ ಹಾಗೂ ಮನೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆಂದು ಆರೋಗ್ಯ ಇಲಾಖೆ ಪ್ರಕಟನೆಯಲ್ಲಿ ತಿಳಿಸಿದೆ.