ಕೋವಿಡ್: ಬೆಂಗಳೂರಿನಲ್ಲಿ 124 ಮಂದಿ ಸೇರಿ ರಾಜ್ಯದಲ್ಲಿ ಒಟ್ಟು 190 ಸೋಂಕಿತರು ಸಾವು

ಬೆಂಗಳೂರು, ಎ.23: ರಾಜ್ಯದಲ್ಲಿ ಶುಕ್ರವಾರದಂದು 26,962 ಹೊಸ ಕೊರೋನ ಪ್ರಕರಣಗಳು ದೃಢವಾಗಿವೆ. 190 ಜನರು ಸೋಂಕಿಗೆ ಬಲಿಯಾಗಿದ್ದು, 5,624 ಜನರು ಗುಣಮುಖರಾಗಿದ್ದಾರೆ.

ರಾಜ್ಯದಲ್ಲಿ ಈಗಾಗಲೇ ಒಟ್ಟು ಸೋಂಕಿತರ ಸಂಖ್ಯೆ 12,74,959ಕ್ಕೆ ತಲುಪಿದ್ದು, 1,128 ಜನ ಸೋಂಕಿತರು ಐಸಿಯುನಲ್ಲಿದ್ದಾರೆ.

ಇಲ್ಲಿಯವರೆಗೆ ಒಟ್ಟು ಸಾವಿನ ಸಂಖ್ಯೆ 14,075ಕ್ಕೆ ತಲುಪಿದೆ. ಒಟ್ಟು ಸಕ್ರಿಯ ಕೊರೋನ ಪ್ರಕರಣ ಸಂಖ್ಯೆ 2,14,311ಕ್ಕೆ ಏರಿಕೆಯಾಗಿದ್ದು, ಇವರೆಲ್ಲ ಸೋಂಕಿತರು ಆಸ್ಪತ್ರೆ, ಕೊರೋನ ಕೇರ್ ಸೆಂಟರ್ ಹಾಗೂ ಮನೆಗಳಲ್ಲಿ ಚಿಕಿತ್ಸೆ ಮತ್ತು ಆರೈಕೆಯಲ್ಲಿದ್ದಾರೆ.

190 ಸೋಂಕಿತರು ಬಲಿ: ಬಳ್ಳಾರಿ 6, ಬೆಳಗಾವಿ 2, ಬೆಂಗಳೂರು ಗ್ರಾಮಾಂತರ 4, ಬೆಂಗಳೂರು ನಗರ 124, ಬೀದರ್ 2, ಚಾಮರಾಜನಗರ 2, ಚಿಕ್ಕಬಳ್ಳಾಪುರ 2, ಚಿಕ್ಕಮಗಳೂರು 1, ಧಾರವಾಡ 5, ಹಾಸನ 8, ಹಾವೇರಿ 4, ಕಲಬುರಗಿ 7, ಕೋಲಾರ 5, ಮಂಡ್ಯ 4, ಮೈಸೂರು 4, ರಾಮನಗರ 1, ಶಿವಮೊಗ್ಗ 1, ತುಮಕೂರು 5, ವಿಜಯಪುರ 2, ಯಾದಗಿರಿ ಜಿಲ್ಲೆಯಲ್ಲಿ ಒಬ್ಬರು ಸಾವನ್ನಪ್ಪಿದ್ದಾರೆ.

ಎಲ್ಲೆಲ್ಲಿ ಎಷ್ಟು: ರಾಜ್ಯದಲ್ಲಿ ಹೊಸದಾಗಿ 26,962 ಪ್ರಕರಣಗಳು ದೃಢವಾಗಿದ್ದು, ಅದರಲ್ಲಿ ಬಾಗಲಕೋಟೆ 88, ಬಳ್ಳಾರಿ 695, ಬೆಳಗಾವಿ 220, ಬೆಂಗಳೂರು ಗ್ರಾಮಾಂತರ 588, ಬೆಂಗಳೂರು ನಗರ 16,662, ಬೀದರ್ 416, ಚಾಮರಾಜನಗರ 249, ಚಿಕ್ಕಬಳ್ಳಾಪುರ 471, ಚಿಕ್ಕಮಗಳೂರು 229, ಚಿತ್ರದುರ್ಗ 133, ದಕ್ಷಿಣ ಕನ್ನಡ 485, ದಾವಣಗೆರೆ 200, ಧಾರವಾಡ 472, ಗದಗ 74, ಹಾಸನ 248, ಹಾವೇರಿ 74, ಕಲಬುರಗಿ 742, ಕೊಡಗು 295, ಕೋಲಾರ 504, ಕೊಪ್ಪಳ 84, ಮಂಡ್ಯ 519, ಮೈಸೂರು 645, ರಾಯಚೂರು 428, ರಾಮನಗರ 206, ಶಿವಮೊಗ್ಗ 225, ತುಮಕೂರು 1,004, ಉಡುಪಿ 282, ಉತ್ತರ ಕನ್ನಡ 181, ವಿಜಯಪುರ 429, ಯಾದಗಿರಿ ಜಿಲ್ಲೆಯಲ್ಲಿ 114 ಪ್ರಕರಣಗಳು ಪತ್ತೆಯಾಗಿವೆ.

ರಾಜಧಾನಿಯಲ್ಲಿ 124 ಜನರು ಸಾವು

ರಾಜಧಾನಿಯಲ್ಲಿ ಶುಕ್ರವಾರ 16,662 ಜನರಿಗೆ ಕೊರೋನ ಸೋಂಕು ದೃಢಪಟ್ಟಿದ್ದು, 124 ಜನರು ಮೃತಪಟ್ಟಿದ್ದಾರೆ. 4,727 ಸೋಂಕಿತರು ಬಿಡುಗಡೆಯಾಗಿದ್ದಾರೆ.

ನಗರದಲ್ಲಿ ಇಲ್ಲಿಯವರೆಗೆ ಒಟ್ಟು 6,15,581 ಕೊರೋನ ಸೋಂಕಿತರು ದೃಢಪಟ್ಟಿದ್ದು, 5,574 ಜನರು ಸೋಂಕಿಗೆ ಬಲಿಯಾಗಿದ್ದಾರೆ. 4,60,382 ಜನರು ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ.

ಕೋವಿಡ್ ನಿಗದಿತ ಆಸ್ಪತ್ರೆಗಳು ಹಾಗೂ ಆರೋಗ್ಯ ಕೇಂದ್ರಗಳು ಹಾಗೂ ಆರೈಕೆ ಕೇಂದ್ರಗಳಲ್ಲಿ ಸಕ್ರಿಯ ಸೋಂಕಿತರು ಚಿಕಿತ್ಸೆ ಪಡೆಯುತ್ತಿದ್ದಾರೆ.