ಚುನಾವಣಾ ಸಿದ್ಧತೆ ಆರಂಭಿಸಿದ ಬಿಜೆಪಿ: ಪ್ರಿಯಾಂಕ್ ಖರ್ಗೆ ವಾಗ್ದಾಳಿ

ಬೆಂಗಳೂರು:  ಕೆಕೆಆರ್‌ಡಿಬಿ (ಕಲ್ಯಾಣ ಕರ್ನಾಟಕ ಪ್ರದೇಶ ಅಭಿವೃದ್ಧಿ ಮಂಡಳಿ ಕಲಬುರಗಿ) ಅಭಿವೃದ್ಧಿಗೆ ಬಿಜೆಪಿ ಶಾಸಕರಿಗೆ 28.5 ಕೋಟಿ, ಕಾಂಗ್ರೆಸ್ ಶಾಸಕರಿಗೆ 4 ಕೋಟಿ ರೂ. ನೀಡಲಾಗಿದೆ ಎಂದು ಶಾಸಕ, ರಾಜ್ಯ ಕಾಂಗ್ರೆಸ್ ಸಂವಹನ ಮತ್ತು ಸಾಮಾಜಿಕ ಜಾಲತಾಣದ ಅಧ್ಯಕ್ಷ ಪ್ರಿಯಾಂಕ್ ಖರ್ಗೆ ಆರೋಪ ಮಾಡಿದ್ದಾರೆ. 

ಈ ಕುರಿತು ಮಂಗಳವಾರ ಟ್ವೀಟ್ ಮಾಡಿರುವ ಅವರು,  ಬಿಜೆಪಿ ಚುನಾವಣೆಗೆ ತಯಾರಿ ನಡೆಸುತ್ತಿದ್ದು, ಕೆಕೆಆರ್‌ಡಿಬಿ ಅಭಿವೃದ್ಧಿಗೆ ಬಿಜೆಪಿ ಶಾಸಕರಿಗೆ 28.5 ಕೋಟಿ, ಕಾಂಗ್ರೆಸ್ ಶಾಸಕರಿಗೆ 4 ಕೋಟಿ ನೀಡಲಾಗಿದೆ. ಇನ್ನು ಮ್ಯಾಕ್ರೋದಲ್ಲಿ ಪರಿಷತ್ ಸದಸ್ಯರು  ಮತ್ತು ಶಾಸಕರಿಗೆ   ನಿಯಮಗಳಿಗೆ ವಿರುದ್ಧವಾಗಿ ನೇರ ಹಣ ಹಂಚಿಕೆಯಾಗಿದೆ ಎಂದು ಆಪಾದಿಸಿದ್ದಾರೆ.

ಕ್ರಿಯಾತ್ಮಕವಲ್ಲದ ಆಸ್ಪತ್ರೆಗೆ 5 ಕೋಟಿ ರೂ. ಏಕೆ? ಇನ್ನು 6 ಕೋಟಿ ರೂ. ಕಾಯ್ದಿರಿಸಿದ್ದು (reserved) ಏಕೆ? ಎಂದು ಪ್ರಶ್ನೆ ಮಾಡಿರುವ ಅವರು,  KKRDB ಈಗ 'ಬಿಜೆಪಿ ಅಭಿವೃದ್ಧಿ ಮಂಡಳಿ'ಯಾಗಿದೆ ಎಂದು ಕಿಡಿಗಾರಿದ್ದಾರೆ.