ಬಳ್ಳಾರಿ: ನಗರದ ವಿವಿಧ ಆಟೊ ನಿಲ್ದಾಣಗಳಲ್ಲಿದ್ದ ‘ಬಳ್ಳಾರಿ ಜಿಲ್ಲಾ ಆಟೊ ಚಾಲಕರ ಜನಪರ ಸಂಘ’ದ ನಾಮಫಲಕಗಳನ್ನು ಜಖಂಗೊಳಿಸಿ, ಚಾಲಕರಿಗೆ ಜೀವಬೆದರಿಕೆ ಹಾಕಿದ ಆರೋಪದಡಿ ಏಳು ಮಂದಿಯ ವಿರುದ್ಧ ಎಪಿಎಂಸಿ ಯಾರ್ಡ್ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ದಾಖಲಾಗಿದೆ.

ಮಿಲ್ಲರಪೇಟೆಯ ಹುಂಡೇಕರ್ ರಾಜೇಶ್, ಹುಂಡೇಕರ್ ರಾಕೇಶ್, ಹುಂಡೇಕರ್ ವರುಣ್, ಹುಂಡೇಕರ್ ತನಿಷ್, ಹುಂಡೇಕರ್ ವಂಶಿ, ಗಣೇಶ್ ಹಾಗೂ ಇಷಾಕ್ ಆರೋಪಿಗಳು.

ನ. 15ರಂದು ನಸುಕಿನ ವೇಳೆ ಬೂಡಾ ಕಾಂಪ್ಲೆಕ್ಸ್, ರಂಗಮಂದಿರ ಹಾಗೂ ಮೋತಿ ವೃತ್ತದ ಬಳಿಯ ಆಟೊ ನಿಲ್ದಾಣಗಳಿಗೆ ತೆರಳಿದ ಆರೋಪಿಗಳು, ಸಂಘದ ನಾಮಫಲಕಗಳನ್ನು ಮುರಿದುಹಾಕಿ ಚಾಲಕರಿಗೆ ಬೆದರಿಕೆ ಹಾಕಿದ್ದಾರೆ ಎನ್ನಲಾಗಿದೆ. ಈ ಕುರಿತು ಆಟೊ ಚಾಲಕ ಖಾದರ್ ನೀಡಿದ ದೂರಿನ ಮೇರೆಗೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

Tags:    

Writer - ವಾರ್ತಾಭಾರತಿ

contributor

Editor - ವಾರ್ತಾಭಾರತಿ

contributor

Byline - ಪೀರಾಸಾಬ್/ವಾರ್ತಾಭಾರತಿ

contributor

ಬೂದುಗುಪ್ಪ ಪೀರಾಸಾಬ್ ಅವರು ಬಳ್ಳಾರಿಯ ವಿಜಯನಗರ ಶ್ರೀಕೃಷ್ಣದೇವರಾಯ ವಿಶ್ವವಿದ್ಯಾಲಯದ ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನ ವಿಭಾಗದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಕಳೆದ ನಾಲ್ಕು ವರ್ಷಗಳಿಂದ ಪತ್ರಿಕೋದ್ಯಮ ಕ್ಷೇತ್ರದಲ್ಲಿ ಸಕ್ರಿಯವಾಗಿ ಕಾರ್ಯನಿರ್ವಹಿಸುತ್ತಿರುವ ಇವರು, ವೆಬ್ ಪತ್ರಿಕೋದ್ಯಮದ ಜೊತೆಗೆ ಸಾಮಾಜಿಕ ಹಾಗೂ ರಾಜಕೀಯ ವಿಷಯಗಳ ವರದಿಗಾರಿಕೆಯಲ್ಲಿ ವಿಶೇಷ ಆಸಕ್ತಿ ಹೊಂದಿದ್ದಾರೆ. ಪ್ರಸ್ತುತ ವಾರ್ತಾಭಾರತಿಯಲ್ಲಿ ಜಿಲ್ಲಾ ವರದಿಗಾರರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ