CERT-In ನೇಮಕಾತಿಗೆ ಅರ್ಜಿ ಆಹ್ವಾನ; ಯಾರು ಅರ್ಜಿ ಸಲ್ಲಿಸಬಹುದು?

2024, 2025 ಅಥವಾ 2026 ರ ಮಾನ್ಯ ಗ್ರಾಜುಯೇಟ್ ಆಪ್ಟಿಟ್ಯೂಡ್ ಟೆಸ್ಟ್ ಇನ್ ಎಂಜಿನಿಯರಿಂಗ್ (GATE) ಅಂಕಗಳ ಆಧಾರದ ಮೇಲೆ ಅಭ್ಯರ್ಥಿಗಳನ್ನು ವೈಯಕ್ತಿಕ ಸಂವಹನ/ಸಂದರ್ಶನಕ್ಕೆ ಶಾರ್ಟ್‌ಲಿಸ್ಟ್ ಮಾಡಲಾಗುತ್ತದೆ.

ಭಾರತೀಯ ಕಂಪ್ಯೂಟರ್ ತುರ್ತು ಪ್ರತಿಕ್ರಿಯೆ ತಂಡವು (CERT-In) 133 ಸೈಂಟಿಸ್ಟ್ 'ಬಿ' ಹುದ್ದೆಗಳಿಗೆ ಅರ್ಜಿಗಳನ್ನು ಆಹ್ವಾನಿಸಿದೆ. CERT-In ನೇರ ನೇಮಕಾತಿ ಆಧಾರದ ಮೇಲೆ 10ನೇ ಹಂತದ ಗ್ರೂಪ್-ಎ ಹುದ್ದೆಗೆ ಸಮಾನವಾದ ವಿಜ್ಞಾನಿ-ಬಿ ಹುದ್ದೆಗೆ ನೇಮಕಾತಿಗಾಗಿ ಅರ್ಹ ಅಭ್ಯರ್ಥಿಗಳಿಂದ ಅರ್ಜಿಗಳನ್ನು ಆಹ್ವಾನಿಸಿದೆ.

ಆನ್‌ಲೈನ್ ಅರ್ಜಿ ಸಲ್ಲಿಕೆ ಪ್ರಕ್ರಿಯೆಯು 2026 ಜುಲೈ 14ರಂದು ಪ್ರಾರಂಭವಾಗಿದೆ. ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು 2026 ಆಗಸ್ಟ್ 17 ರೊಳಗೆ ಅರ್ಜಿ ಸಲ್ಲಿಸಬಹುದು. ಆಸಕ್ತರು ಈ ಮುಂದಿನ ಲಿಂಕ್ ಬಳಸಿ ಅರ್ಜಿ ಸಲ್ಲಿಸಬಹುದು: https://examinationservices.nic.in/RecSys2026/Root/Home.aspx?enc=Ei4cajBkK1gZSfgr53ImFRkgiLSooJP3k6iN0P6UYFCdYEaesDx7LWjl5H05GUox

📌ಪ್ರಮುಖ ದಿನಾಂಕಗಳು

• ಅರ್ಜಿ ಆರಂಭ ದಿನಾಂಕ: 2026 ಜುಲೈ 14

• ಅರ್ಜಿ ಮುಕ್ತಾಯ ದಿನಾಂಕ: 2026 ಆಗಸ್ಟ್ 17 (ಸಂಜೆ 05:30 ರವರೆಗೆ)

📌ಹುದ್ದೆಯ ವಿವರಗಳು ಮತ್ತು ಮುಖ್ಯಾಂಶಗಳು

• ಸಂಸ್ಥೆ: CERT-In (ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ)

• ಹುದ್ದೆಯ ಹೆಸರು: ಸೈಂಟಿಸ್ಟ್ 'ಬಿ' (Scientist 'B')

• ಒಟ್ಟು ಖಾಲಿ ಹುದ್ದೆಗಳು: 133

• ವೇತನ ಶ್ರೇಣಿ: ರೂ. 56,100 - ರೂ. 1,77,500 (ಪೇ ಲೆವೆಲ್-10)

• ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 2026 ಆಗಸ್ಟ್ 17

📌ಶೈಕ್ಷಣಿಕ ಅರ್ಹತೆ

• ಕಂಪ್ಯೂಟರ್ ಸೈನ್ಸ್ / ಐಟಿ, ಡಾಟಾ ಸೈನ್ಸ್ / ಎಐ, ಎಲೆಕ್ಟ್ರಾನಿಕ್ಸ್ ಮತ್ತು ಕಮ್ಯುನಿಕೇಷನ್ ಅಥವಾ ಸಂಬಂಧಿತ ಕ್ಷೇತ್ರಗಳಲ್ಲಿ ಪದವಿ ಮತ್ತು ಮಾನ್ಯತೆ ಪಡೆದ ಗೇಟ್ (GATE) ಸ್ಕೋರ್.

📌ಆಯ್ಕೆ ಪ್ರಕ್ರಿಯೆ

• 2024, 2025 ಅಥವಾ 2026 ರ ಮಾನ್ಯ ಗ್ರಾಜುಯೇಟ್ ಆಪ್ಟಿಟ್ಯೂಡ್ ಟೆಸ್ಟ್ ಇನ್ ಎಂಜಿನಿಯರಿಂಗ್ (GATE) ಅಂಕಗಳ ಆಧಾರದ ಮೇಲೆ ಅಭ್ಯರ್ಥಿಗಳನ್ನು ವೈಯಕ್ತಿಕ ಸಂವಹನ/ಸಂದರ್ಶನಕ್ಕೆ ಶಾರ್ಟ್‌ಲಿಸ್ಟ್ ಮಾಡಲಾಗುತ್ತದೆ. ಮೂರು ವರ್ಷಗಳ ಗೇಟ್ ಅಂಕಗಳನ್ನು ಸಮಾನ ತೂಕದಲ್ಲಿಟ್ಟು ಪರಿಗಣಿಸಲಾಗುತ್ತದೆ.

• ದಾಖಲೆ ಪರಿಶೀಲನೆ ಮತ್ತು ವೈಯಕ್ತಿಕ ಸಂವಹನ/ಸಂದರ್ಶನದ ವೇಳಾಪಟ್ಟಿಯನ್ನು CERT-In ವೆಬ್‌ಸೈಟ್‌ನಲ್ಲಿ ಪ್ರಕಟಿಸಲಾಗುತ್ತದೆ.

• ಶಾರ್ಟ್‌ಲಿಸ್ಟ್ ಮಾಡಿದ ಅಭ್ಯರ್ಥಿಗಳು ಅಧಿಕೃತ ವೆಬ್‌ಸೈಟ್‌ನಲ್ಲಿ ಒದಗಿಸಲಾದ ಲಿಂಕ್ ಮೂಲಕ ವೈಯಕ್ತಿಕ ಸಂವಹನ/ಸಂದರ್ಶನಕ್ಕಾಗಿ ತಮ್ಮ ಕರೆ ಪತ್ರಗಳನ್ನು ಡೌನ್‌ಲೋಡ್ ಮಾಡಲು ಸಾಧ್ಯವಾಗುತ್ತದೆ.

• ವೇಳಾಪಟ್ಟಿ, ಕರೆ ಪತ್ರಗಳು ಮತ್ತು ಇತರ ನೇಮಕಾತಿ-ಸಂಬಂಧಿತ ಮಾಹಿತಿಯ ಕುರಿತು ಅಪ್ಡೇಟ್ಗಳಿಗಾಗಿ ಅಭ್ಯರ್ಥಿಗಳು ನಿಯಮಿತವಾಗಿ CERT-In ನೇಮಕಾತಿ ವೆಬ್‌ಸೈಟ್‌ಗೆ ಭೇಟಿ ನೀಡಬೇಕೆಂದು ಸೂಚಿಸಲಾಗಿದೆ.

📌ಉದ್ಯೋಗ ಸ್ಥಳ

• ಆಯ್ಕೆಯಾದ ಅಭ್ಯರ್ಥಿಗಳನ್ನು ಸಂಸ್ಥೆಯ ಅವಶ್ಯಕತೆಗಳು ಮತ್ತು ಆಸಕ್ತಿಯನ್ನು ಅವಲಂಬಿಸಿ ಭಾರತದಲ್ಲಿ ಅಥವಾ ಭಾರತದಿಂದ ಹೊರಗೆ ಎಲ್ಲಿ ಬೇಕಾದರೂ ಉದ್ಯೋಗಕ್ಕೆ ನೇಮಿಸಿಕೊಳ್ಳಬಹುದು.

📌ಅರ್ಜಿ ಸಲ್ಲಿಸುವುದು ಹೇಗೆ

• ಅಭ್ಯರ್ಥಿಗಳು ತಮ್ಮ ಅರ್ಜಿಗಳನ್ನು ಸಲ್ಲಿಸುವ ಮೊದಲು ನೇಮಕಾತಿ ಜಾಹೀರಾತನ್ನು ಎಚ್ಚರಿಕೆಯಿಂದ ಓದಲು ಮತ್ತು ಅವರ ಅರ್ಹತೆಯನ್ನು ಪರಿಶೀಲಿಸಲು ಸೂಚಿಸಲಾಗಿದೆ.

• ನಂತರ ಮೊದಲಿಗೆ ನೋಂದಣಿ ಮಾಡಿಕೊಳ್ಳಬೇಕು.

• ಆನ್‌ಲೈನ್ ಅರ್ಜಿ ನಮೂನೆಯನ್ನು ಭರ್ತಿ ಮಾಡುವುದು ಮತ್ತು ಅಗತ್ಯ ದಾಖಲೆಗಳನ್ನು ಅಪ್‌ಲೋಡ್ ಮಾಡಲು ಸೂಚಿಸಲಾಗಿದೆ.

• ಅಂತಿಮವಾಗಿ ದೃಢೀಕರಣ ಪುಟವನ್ನು ಡೌನ್‌ಲೋಡ್ ಮಾಡಬೇಕು.

📌ಪ್ರಮುಖ ಸೂಚನೆ

ಅಭ್ಯರ್ಥಿಗಳು ಆನ್‌ಲೈನ್ ಅರ್ಜಿ ನಮೂನೆಯನ್ನು ಎಚ್ಚರಿಕೆಯಿಂದ ಭರ್ತಿ ಮಾಡಬೇಕು. ಏಕೆಂದರೆ ಸಲ್ಲಿಕೆಯ ನಂತರ ಹೆಸರು, ವರ್ಗ, ವಿಳಾಸ, ಮೊಬೈಲ್ ಸಂಖ್ಯೆ ಅಥವಾ ಇಮೇಲ್ ಐಡಿಯಂತಹ ವಿವರಗಳಲ್ಲಿ ಯಾವುದೇ ಬದಲಾವಣೆಗಳನ್ನು ಅನುಮತಿಸಲಾಗುವುದಿಲ್ಲ. ನೇಮಕಾತಿ ಪ್ರಕ್ರಿಯೆಯ ತಾತ್ಕಾಲಿಕವಾಗಿರುತ್ತದೆ ಮತ್ತು ಎಲ್ಲಾ ನಿಗದಿತ ಅರ್ಹತಾ ಷರತ್ತುಗಳನ್ನು ಪೂರೈಸುವ ಅಭ್ಯರ್ಥಿಗಳಿಗೆ ಅವಕಾಶ ನೀಡಲಾಗುತ್ತದೆ.