ಬಿಜೆಪಿಯ OBC ಮೋರ್ಚಾದ ಹೊಸ ತಂಡ ಪ್ರಕಟ; ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿಯಾಗಿ ಪ್ರಮೋದ್ ಮಧ್ವರಾಜ್ ನೇಮಕ
7 ಉಪಾಧ್ಯಕ್ಷರು, 3 ಪ್ರಧಾನ ಕಾರ್ಯದರ್ಶಿಗಳು; 2027ರ UP ಚುನಾವಣೆಗೆ ಸಿದ್ಧತೆ
ಪ್ರಮೋದ್ ಮಧ್ವರಾಜ್ | Photo Credit : PTI
ಹೊಸದಿಲ್ಲಿ: ಬಿಜೆಪಿಯ ಇತರ ಹಿಂದುಳಿದ ವರ್ಗಗಳ (OBC) ಮೋರ್ಚಾದ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿಯಾಗಿ ಕರ್ನಾಟಕದ ಪ್ರಮೋದ್ ಮಧ್ವರಾಜ್ ನೇಮಕಗೊಂಡಿದ್ದಾರೆ. ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ನಿತಿನ್ ನಬಿನ್ ಅವರ ನೇತೃತ್ವದಲ್ಲಿ ಮೋರ್ಚಾದ ಹೊಸ ರಾಷ್ಟ್ರೀಯ ಪದಾಧಿಕಾರಿಗಳ ತಂಡವನ್ನು ಪ್ರಕಟಿಸಲಾಗಿದ್ದು, ಏಳು ರಾಷ್ಟ್ರೀಯ ಉಪಾಧ್ಯಕ್ಷರು ಹಾಗೂ ಮೂವರು ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿಗಳನ್ನು ನೇಮಕ ಮಾಡಲಾಗಿದೆ.
ಹೊಸ ತಂಡದಲ್ಲಿ ಕರ್ನಾಟಕ ಸೇರಿದಂತೆ ಉತ್ತರ ಪ್ರದೇಶ, ಬಿಹಾರ, ಅಸ್ಸಾಂ, ಒಡಿಶಾ, ಮಹಾರಾಷ್ಟ್ರ, ದಿಲ್ಲಿ ಮತ್ತು ಛತ್ತೀಸ್ ಗಢದ ನಾಯಕರಿಗೆ ಸ್ಥಾನ ನೀಡಲಾಗಿದೆ.
►ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿಗಳು
• ಪ್ರಮೋದ್ ಮಧ್ವರಾಜ್ – ಕರ್ನಾಟಕ
• ಗಜೇಂದ್ರ ಯಾದವ್ – ದಿಲ್ಲಿ
• ಲಲಿತ್ ಚಂದ್ರಾಕರ್ – ಛತ್ತೀಸ್ಗಢ
7 ರಾಷ್ಟ್ರೀಯ ಉಪಾಧ್ಯಕ್ಷರು
• ಜೋಗೇನ್ ಮೋಹನ್ – ಅಸ್ಸಾಂ
• ಮಮತಾ ಮೊಹಂತಾ – ಒಡಿಶಾ
• ಸಂಗಮ್ ಲಾಲ್ ಗುಪ್ತಾ – ಉತ್ತರ ಪ್ರದೇಶ
• ಸಂಗೀತಾ ಬಲವಂತ್ ಬಿಂದ್ – ಉತ್ತರ ಪ್ರದೇಶ
• ಬಬನ್ರಾವ್ ರಾವೋಜಿ ಚೌಧರಿ – ಮಹಾರಾಷ್ಟ್ರ
• ಸತ್ ಪ್ರಕಾಶ್ ರಾಣಾ – ದಿಲ್ಲಿ
• ಡಾ. ಅರ್ಜುನ್ ಸಾಹ್ನಿ – ಬಿಹಾರ
ಉತ್ತರ ಪ್ರದೇಶಕ್ಕೆ ಎರಡು ರಾಷ್ಟ್ರೀಯ ಉಪಾಧ್ಯಕ್ಷ ಸ್ಥಾನಗಳು ದೊರೆತಿದ್ದು, ಬಿಹಾರ, ಅಸ್ಸಾಂ, ಒಡಿಶಾ, ಮಹಾರಾಷ್ಟ್ರ ಮತ್ತು ದಿಲ್ಲಿ ರಾಜ್ಯಗಳಿಗೂ ಪ್ರಾತಿನಿಧ್ಯ ನೀಡಲಾಗಿದೆ.
2027ರಲ್ಲಿ ಉತ್ತರ ಪ್ರದೇಶ ವಿಧಾನಸಭಾ ಚುನಾವಣೆ ಸೇರಿದಂತೆ ಹಲವು ಪ್ರಮುಖ ಚುನಾವಣೆಗಳು ನಡೆಯಲಿರುವ ಹಿನ್ನೆಲೆಯಲ್ಲಿ ಬಿಜೆಪಿ OBC ಮೋರ್ಚಾದ ಈ ಪುನರ್ರಚನೆ ಮಹತ್ವ ಪಡೆದಿದೆ. ಹಿಂದುಳಿದ ವರ್ಗಗಳ ಸಮುದಾಯಗಳೊಂದಿಗಿನ ಸಂಪರ್ಕವನ್ನು ಬಲಪಡಿಸುವುದು, ಪಕ್ಷದ ನೀತಿಗಳನ್ನು ತಲುಪಿಸುವುದು ಮತ್ತು ಸಂಘಟನೆಯ ಜಾಲವನ್ನು ವಿಸ್ತರಿಸುವುದು ಮೋರ್ಚಾದ ಪ್ರಮುಖ ಕಾರ್ಯಗಳಾಗಿವೆ.
ಹೊಸದಾಗಿ ನೇಮಕಗೊಂಡ ಏಳು ರಾಷ್ಟ್ರೀಯ ಉಪಾಧ್ಯಕ್ಷರಲ್ಲಿ ಇಬ್ಬರು ಉತ್ತರ ಪ್ರದೇಶದವರಾಗಿರುವುದು ಗಮನಾರ್ಹ.
ಆಗಸ್ಟ್ 2026ರಲ್ಲಿ ನಡೆದ ಪಕ್ಷದ ರಾಷ್ಟ್ರೀಯ ಸಾಂಸ್ಥಿಕ ಪುನರ್ರಚನೆಯ ಸಂದರ್ಭದಲ್ಲಿ ನೇಮಕಗೊಂಡ ಅಮರಪಾಲ್ ಮೌರ್ಯ ಅವರು ಬಿಜೆಪಿ OBC ಮೋರ್ಚಾದ ರಾಷ್ಟ್ರೀಯ ಅಧ್ಯಕ್ಷರಾಗಿ ಮುಂದುವರಿಯಲಿದ್ದಾರೆ.
भारतीय जनता पार्टी के राष्ट्रीय अध्यक्ष श्री @NitinNabin द्वारा निम्नलिखित सदस्यों को भाजपा ओबीसी (अन्य पिछड़ा वर्ग) मोर्चा के राष्ट्रीय पदाधिकारी, राष्ट्रीय कार्यकारिणी सदस्य एवं अन्य दायित्वों पर नियुक्त किया गया है। https://t.co/eA7HqyuxgC
— BJP (@BJP4India) November 21, 2026