ಸಜ್ಜನ್ ಕುಮಾರ್ ಮೇಲ್ಮನವಿ; ಸಿಬಿಐಗೆ ಸುಪ್ರೀಂ ನೋಟಿಸ್

ಹೊಸದಿಲ್ಲಿ, ಜ.14: 1984ರಲ್ಲಿ ನಡೆದ  ಸಿಖ್ ವಿರೋಧಿ ದಂಗೆ ಪ್ರಕರಣದಲ್ಲಿ ಕಾಂಗ್ರೆಸ್ ಜೀವಾವಧಿ ಶಿಕ್ಷೆ ವಿಧಿಸಲ್ಪಟ್ಟು ಜೈಲು ಸೇರಿರುವ ಕಾಂಗ್ರೆಸ್ ಮುಖಂಡ ಸಜ್ಜನ್ ಕುಮಾರ್  ಅವರು ದಿಲ್ಲಿ ಹೈಕೋರ್ಟ್ ನ ತೀರ್ಪನ್ನು  ಪ್ರಶ್ನಿಸಿ ಸಲ್ಲಿರುವ ಮೇಲ್ಮನವಿಯ ವಿಚಾರಣೆಯನ್ನು ಕೈಗೆತ್ತಿಕೊಂಡಿರುವ  ಸುಪ್ರೀಂ ಕೋರ್ಟ್ ಸೋಮವಾರ ಸಿಬಿಐಗೆ ಈ ಸಂಬಂಧ  ನೋಟಿಸ್ ಜಾರಿಗೊಳಿಸಿದೆ.

ಆರು ವಾರಗಳ ಒಳಗಾಗಿ ನೋಟಿಸ್ ಗೆ ಉತ್ತರಿಸುವಂತೆ  ಸಿಬಿಐಗೆ ಸುಪ್ರೀಂ ಕೋರ್ಟ್  ಆದೇಶ ನೀಡಿದೆ.

ಶರಣಾಗಲು 30 ದಿನಗಳ ಸಮಯಾವಕಾಶ ಕೋರಿ ಸಜ್ಜನ್​ ಕುಮಾರ್​ ಡಿ. 21ರಂದು ಹೈಕೋರ್ಟ್​ಗೆ ಅರ್ಜಿ ಸಲ್ಲಿಸಿದ್ದರು. ಆದರೆ, ಅವಧಿ ವಿಸ್ತರಣೆ ಮಾಡಲು ಯಾವುದೇ ಆಧಾರವಿಲ್ಲ ಎಂದು ಹೇಳಿದ್ದ ಕೋರ್ಟ್​ ಅರ್ಜಿಯನ್ನು ತಿರಸ್ಕರಿಸಿ, ಡಿ.31ರ ಒಳಗಾಗಿ ಶರಣಾಗುವಂತೆ ತಿಳಿಸಿತ್ತು. ಅದರಂತೆ ಸಜ್ಜನ್​ ಕುಮಾರ್​  ಡಿ.31ರಂದು  ನ್ಯಾಯಾಲಯಕ್ಕೆ ಶರಣಾಗಿದ್ದರು.