ಪ್ರಗತಿಶೀಲ ಕಾಲದ ಸಣ್ಣ ಕತೆಗಳು | Vartha Bharati- ವಾರ್ತಾ ಭಾರತಿ

--

ಪ್ರಗತಿಶೀಲ ಕಾಲದ ಸಣ್ಣ ಕತೆಗಳು

ವಡ್ಡಾರಾಧನೆಯಿಂದ ಹಿಡಿದು ಈವರೆಗೆ ಕನ್ನಡ ಕಥಾ ಇತಿಹಾಸ, ಇಲ್ಲಿನ ಜನಜೀವನವನ್ನು ಕಾಲಕ್ಕೆ ತಕ್ಕಂತೆ ಬೇರೆ ಬೇರೆ ನೆಲೆಗಳಲ್ಲಿ ಕಟ್ಟಿ ಕೊಟ್ಟಿದೆ. ನವೋದಯ ಪೂರ್ವ, ನವೋದಯ, ನವ್ಯ, ಪ್ರಗತಿಶೀಲ, ಬಂಡಾಯ, ದಲಿತ....ಹೀಗೆ ಸಾಹಿತ್ಯ ಮಗ್ಗಲು ಬದಲಿಸಿದಂತೆಯೇ ಕತೆಗಳೂ ತನ್ನ ಅಭಿವ್ಯಕ್ತಿಯ ವಿಧಾನಗಳನ್ನು ಬದಲಿಸಿದೆ. ಮತ್ತು ಆಯಾ ಕಾಲಕ್ಕೆ ತನ್ನ ಪ್ರತಿಕ್ರಿಯೆಗಳನ್ನು ನೀಡಿದೆ. ಕನ್ನಡ ಕತೆಗಳ ಕಣಜಗಳನ್ನು ಅಧ್ಯಯನ ಮಾಡಿದಂತೆಯೇ ಇಲ್ಲಿನ ಜನಜೀವನ ಹಾದು ಬಂದ ದಾರಿಯೊಂದು ತೆರೆದುಕೊಳ್ಳುತ್ತದೆ. ಈ ಕಾರಣದಿಂದಲೇ, ಕನ್ನಡದ ಮಹತ್ವದ ಕತೆಗಳ ಹಾದಿಯನ್ನು ಮತ್ತೆ ಮತ್ತೆ ನಾವು ಅವಲೋಕಿಸಬೇಕಾಗುತ್ತದೆ. ಹಲವರು ಕನ್ನಡ ಕತೆಗಳನ್ನು ಮುಂದಿಟ್ಟುಕೊಂಡು ಇಲ್ಲಿನ ಸಾಮಾಜಿಕ, ಸಾಂಸ್ಕೃತಿಕ ಬದುಕನ್ನು ವಿಶ್ಲೇಷಿಸಿದ್ದಾರೆ. ಇನ್ನು ಹಲವರು, ಇಲ್ಲಿನ ಪ್ರಾತಿನಿಧಿಕ ಕತೆಗಳನ್ನು ಸಂಗ್ರಹಿಸಿ, ಸಂಪಾದಿಸಿ ಹೊರತಂದಿದ್ದಾರೆ. ಇಂತಹ ಯಾವುದೇ ಸಂಪಾದನೆ ಅಲ್ಲಿಗೆ ಮುಗಿಯುವುದಿಲ್ಲ. ಕಾಲಕ್ಕೆ ತಕ್ಕಂತೆಯೇ ಕತೆಗಳ ಮಹತ್ವ ಬದಲಾಗುತ್ತಾ ಹೋಗುತ್ತದೆ. ಈ ನಿಟ್ಟಿನಲ್ಲಿ ಅತ್ಯುತ್ತಮ ಕತೆಗಳನ್ನು ಗುರುತಿಸುವ ಕೆಲಸ ಪದೇ ಪದೇ ನಡೆಯುತ್ತಲೇ ಇರಬೇಕಾಗುತ್ತದೆ. ಇಂದಿನವರೆಗೆ ಬಂದಿರುವ ಕೆಲವು ಸಂಕಲನಗಳಲ್ಲಿ ಅನಕೃ ಅವರ ‘ಕಾಮನಬಿಲ್ಲು’ ಒಂದು ಮೈಲುಗಲ್ಲು ಎಂದು ಗುರುತಿಸುತ್ತಿದ್ದೇವೆ. ಈ ಹಿನ್ನೆಲೆಯಲ್ಲಿ ಕನ್ನಡ ಸಾಹಿತ್ಯ ಪರಿಷತ್ ಸಂಪಾದಿಸಿರುವ 12 ಕತೆಗಳ ಸಂಕಲನ ನಮಗೆ ಮುಖ್ಯವಾಗುತ್ತದೆ. ಕೆ. ನರಸಿಂಹ ಮೂರ್ತಿ ಅವರು ಕೃತಿಯನ್ನು ಸಂಪಾದಿಸಿದ್ದಾರೆ.

ಇಲ್ಲಿರುವ ಕತೆಗಳು ಪ್ರಗತಿಶೀಲ ಕಾಲದವುಗಳು. ಬಸವರಾಜ ಕಟ್ಟೀಮನಿ ಅವರ ಗಿರಿಜಾ ಕಂಡ ಸಿನೆಮಾ, ಚದುರಂಗ ಅವರ ನಾಲ್ಕು ಮೊಳ ಭೂಮಿ, ಅನುಪಮಾ ಅವರ ದೇವರೇ ಬರಲಿಲ್ಲ, ಎಸ್. ಅನಂತನಾರಾಯಣ ಅವರ ಮಾನವ ಪ್ರೇಮ, ಕೋ. ಚೆನ್ನಬಸಪ್ಪ ಅವರ ಮುಕ್ಕಣ್ಣನ ಮುಕ್ತಿ, ವರಗಿರಿ ಅವರ ದ್ಯಾಮ-ಕೆಂಚಿ, ಶೇಷಗಿರಿರಾವ್ ಅವರ ಮುಯ್ಯಿ, ವರದರಾಜ ಹುಯಿಲಗೋಳ ಅವರ ಬಾಗಿಲು ತೆರೆದಿತ್ತು, ಮಿರ್ಜಿ ಅಣ್ಣಾರಾಯರ ನಮ್ಮೂರ ನಾಯಕರು, ವಿ.ಜಿ.ಭಟ್ಟರ ರಾಮರಾಜ್ಯ, ಅನುಭವಾಮೃತ, ಗುಪ್ತಚಾರ, ಶ್ರೀಕಾಂತ ಅವರ ಭೂಮಿಕಂಪಿಸಲಿಲ್ಲ, ಸದಾಶಿವ ಅವರ ನಲ್ಲಿಯಲ್ಲಿ ನೀರು ಬಂತು ಕತೆಗಳು ಇಲ್ಲಿವೆ.

ಹೊಸತಲೆಮಾರಿನ ಕತೆಗಾರರು ಇಲ್ಲಿರುವ ಬಹುತೇಕ ಕತೆಗಾರರ ಹೆಸರನ್ನು ಕೇಳಿರುವುದು ಕಡಿಮೆ. ಹಾಗೆಯೇ ಇಲ್ಲಿರುವ ಕತೆಗಳನ್ನು ಓದಿರುವ ಸಾಧ್ಯತೆಗಳು ಅಲ್ಪ. ಹಳೆಬೇರನ್ನು ಅರಿತುಕೊಂಡಾಗಷ್ಟೇ ಹೊಸ ಚಿಗುರು ತನ್ನ ಮುಂದಿರುವ ದಾರಿಯನ್ನು ಸ್ಪಷ್ಟಪಡಿಸಿಕೊಳ್ಳಲು ಸಾಧ್ಯ. ಇಲ್ಲಿರುವ ಕತೆಗಳ ಸರಳತೆ, ಜೀವಂತಿಕೆ, ಮಾನವೀಯತೆ ನಮ್ಮನ್ನು ಕಾಡುವಂಥವುಗಳು.150 ಪುಟಗಳ ಈ ಕೃತಿಯ ಮುಖಬೆಲೆ 80 ರೂಪಾಯಿ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top