--

ನೀವು ತಲೆಗೂದಲಿಗೆ ಬಣ್ಣ ಹಚ್ಚಿಕೊಳ್ಳುತ್ತೀರಾ? ಹಾಗಿದ್ದರೆ ಅದರ ಅಡ್ಡಪರಿಣಾಮಗಳೂ ನಿಮಗೆ ಗೊತ್ತಿರಲಿ

ತಲೆಗೂದಲಿಗೆ ಬಣ್ಣವನ್ನು ಹಚ್ಚಿಕೊಳ್ಳುವುದು ಇಂದು ಅತ್ಯಂತ ಸಾಮಾನ್ಯವಾಗಿದೆ. ಇದರಲ್ಲಿ ಪುರುಷರು ಮತ್ತು ಮಹಿಳೆಯರು ಎಂಬ ಭೇದವಿಲ್ಲ. ಮಾರುಕಟ್ಟೆಯಲ್ಲಿ ಹಲವಾರು ವಿಧಗಳ ತಾತ್ಕಾಲಿಕ ಮತ್ತು ಪರ್ಮನೆಂಟ್ ಹೇರ್‌ಡೈಗಳು ಲಭ್ಯವಿವೆ. ತಲೆಗೂದಲಿಗೆ ಬಣ್ಣವನ್ನು ಹಚ್ಚಿಕೊಳ್ಳುವುದು ಎಷ್ಟು ಸುರಕ್ಷಿತ ಎನ್ನುವುದು ಮುಖ್ಯ ಪ್ರಶ್ನೆಯಾಗಿದೆ ಮತ್ತು ಹೇರ್‌ಡೈ ಬಳಸುವ ಪ್ರತಿಯೊಬ್ಬರೂ ಈ ಬಗ್ಗೆ ಖಂಡಿತ ಯೋಚಿಸಬೇಕು. ಹೇರ್‌ಡೈ ತಲೆಗೂದಲು ಮತ್ತು ಆರೋಗ್ಯಕ್ಕೆ ಹಾನಿಯನ್ನುಂಟು ಮಾಡಬಲ್ಲದು,ಹೀಗಾಗಿ ಅದನ್ನು ಬಳಸುವಾಗ ಸಾಕಷ್ಟು ಎಚ್ಚರಿಕೆಯನ್ನು ವಹಿಸುವುದು ಅಗತ್ಯವಾಗಿದೆ.

ಪರ್ಮನೆಂಟ್,ಸೆಮಿ ಪರ್ಮನೆಂಟ್,ಬ್ಲೀಚಿಂಗ್,ಅಮೋನಿಯಾ ಫ್ರೀ ಹೀಗೆ ಹತ್ತು ಹಲವಾರು ವಿಧಗಳ ಹೈರ್‌ಡೈಗಳು ಲಭ್ಯವಿವೆ.ಆದರೆ ಪರ್ಮನೆಂಟ್ ಹೇರ್‌ಡೈ ಗರಿಷ್ಠ ಪ್ರಮಾಣದಲ್ಲಿ ರಾಸಾಯನಿಕಗಳನ್ನು ಒಳಗೊಂಡಿರುತ್ತದೆ. ಹೇರ್‌ಡೈ ಬಳಕೆಯ ಅಡ್ಡಪರಿಣಾಮಗಳ ಬಗ್ಗೆ ಮಾಹಿತಿಗಳಿಲ್ಲಿವೆ.......

ಕಂಜಕ್ಟಿವೈಟಿಸ್

 ಸಾಕಷ್ಟು ಎಚ್ಚರಿಕೆ ವಹಿಸದಿದ್ದರೆ ತಲೆಗೂದಲಿಗೆ ಬಣ್ಣ ಹಚ್ಚಿಕೊಳ್ಳುವುದು ಕಣ್ಣುಗಳಿಗೂ ಹಾನಿಯನ್ನುಂಟು ಮಾಡುತ್ತದೆ. ಹೇರ್‌ಡೈನಲ್ಲಿರುವ ರಾಸಾಯನಿಕಗಳಿಗೆ ಕಣ್ಣುಗಳು ಅತ್ಯಂತ ಸುಲಭದ ಗುರಿಗಳಾಗಿವೆ. ಕಣ್ಣು ಹೇರ್‌ಡೈ ಸಂಪರ್ಕಕ್ಕೆ ಬಂದರೆ ಅದು ಕಂಜಕ್ಟಿವೈಟಿಸ್ ಅಥವಾ ಕೆಂಗಣ್ಣು ಬೇನೆಗೆ ಕಾರಣವಾಗಬಲ್ಲದು. ಕೆಲವು ಪ್ರಕರಣಗಳಲ್ಲಿ ಇದು ಕಣ್ಣಿನಲ್ಲಿ ಕಿರಿಕಿರಿಯನ್ನಷ್ಟೇ ಉಂಟು ಮಾಡಬಹುದು.

ಅಲರ್ಜಿ

ಹೇರ್‌ಡೈನಲ್ಲಿ ಪ್ಯಾರಾಫಿನೈಲ್ಡಿಮೈನ್ ಸೇರಿದಂತೆ ಹಲವಾರು ರಾಸಾಯನಿಕಗಳಿರುತ್ತವೆ ಮತ್ತು ಈ ಪ್ಯಾರಾಫಿನೈಲ್ಡಿಮೈನ್ ಅಲರ್ಜಿಕಾರಕವಾಗಿದೆ. ಇದರಿಂದಾಗಿ ಡರ್ಮಟೈಟಿಸ್ ಅಥವಾ ಚರ್ಮದಲ್ಲಿ ಉರಿಯನ್ನು ಅನುಭವಿಸುತ್ತಿರುವವರು ತೀವ್ರ ಅಲರ್ಜಿ ಪ್ರತಿವರ್ತನೆಗೆ ಗುರಿಯಾಗಬಹುದು. ಕಜ್ಜಿ ಮತ್ತು ಸೋರಿಯಾಸಿಸ್‌ನಿಂದ ಬಳಲುತ್ತಿರುವವರೂ ಹೇರ್‌ಡೈನಿಂದ ದೂರವಿದ್ದರೆ ಒಳ್ಳೆಯದು. ತುರಿಕೆ,ಚರ್ಮದಲ್ಲಿ ಕಿರಿಕಿರಿ,ಚರ್ಮ ಕೆಂಪಾಗುವುದು ಅಥವಾ ಬಾತುಕೊಳ್ಳುವಿಕೆ ಇವೆಲ್ಲ ಇಂತಹ ಅಲರ್ಜಿಗಳಾಗಿವೆ.

ಅಸ್ತಮಾ

ಅಸ್ತಮಾ ಹೇರ್‌ಡೈಗಳ ಗಂಭೀರ ಅಲರ್ಜಿಗಳಲ್ಲೊಂದಾಗಿದೆ. ಹೇರ್‌ಡೈನಲ್ಲಿರುವ ರಾಸಾಯನಿಕಗಳನ್ನು ಉಸಿರಾಡುವುದು ನಿರಂತರ ಕೆಮ್ಮು,ಉಬ್ಬಸ,ಶ್ವಾಸಕೋಶಗಳ ಉರಿಯೂತ,ಗಂಟಲಿನ ಕಿರಿಕಿರಿ ಮತ್ತು ಅಸ್ತಮಾಕ್ಕೆ ಕಾರಣವಾಗುತ್ತದೆ. ಈಗಾಗಲೇ ಅಸ್ತಮಾದಿಂದ ಬಳಲುತ್ತಿರುವವರಿಗೆ ಹೇರ್‌ಡೈಗಳ ಬಳಕೆ ಅತ್ಯಂತ ಹಾನಿಕಾರಕವಾಗುತ್ತದೆ.

ಭ್ರೂಣದ ಮೇಲೆ ಪರಿಣಾಮ

ಗರ್ಭಿಣಿಯರು ಹೇರ್‌ಡೈ ಬಳಸುವುದರಿಂದ ಗರ್ಭದಲ್ಲಿರುವ ಶಿಶುವಿಗೆ ಹಾನಿಯಾಗಬಹುದು. ಹೀಗಾಗಿ ಗರ್ಭಿಣಿಯರು ತಲೆಗೂದಲಿಗೆ ಬಣ್ಣವನ್ನು ಹಚ್ಚಿಕೊಳ್ಳುವ ಗೋಜಿಗೆ ಹೋಗಲೇಬಾರದು.

ಕೂದಲು ಉದುರುವಿಕೆ

ಹಲವಾರು ರಾಸಾಯನಿಕಗಳನ್ನು ಒಳಗೊಂಡಿರುವ ಹೇರ್‌ಡೈ ತಲೆಗೂದಲಿಗೆ ಹಾನಿಯನ್ನುಂಟು ಮಾಡುವುದು ಸಹಜವೇ ಆಗಿದೆ. ಅದರಲ್ಲಿರುವ ಅಮೋನಿಯಾ ಮತ್ತು ಪೆರಾಕ್ಸೈಡ್ ತಲೆಗೂದಲು ಉದುರುವಿಕೆ ಮತ್ತು ಸೀಳುವಿಕೆಗೆ ಕಾರಣವಾಗುತ್ತವೆ. ಕೂದಲು ದುರ್ಬಲಗೊಳ್ಳುತ್ತವೆ ಮತ್ತು ಹೊಳಪನ್ನು ಕಳೆದುಕೊಳ್ಳುತ್ತವೆ.

ಹೇರ್‌ಡೈ ಮಾಡಿಕೊಳ್ಳುವಾಗ ಅಗತ್ಯ ಮುನ್ನೆಚ್ಚರಿಕೆಗಳು

ಪರ್ಮನೆಂಟ್ ಹೇರ್‌ಡೈ ಬಳಕೆಯನ್ನು ನಿವಾರಿಸಿ. ಹೇರ್‌ಡೈಗೆ ಬದಲಾಗಿ ಮದರಂಗಿ,ಬೀಟ್‌ರೂಟ್ ರಸ ಇತ್ಯಾದಿ ಪರ್ಯಾಯಗಳನ್ನು ಪ್ರಯತ್ನಿಸಿ. ವಿವಿಧ ಬ್ರಾಂಡ್‌ಗಳ ಹೇರ್‌ಡೈಗಳಲ್ಲಿರುವ ರಾಸಾಯನಿಕಗಳ ಬಗ್ಗೆ ಚೆನ್ನಾಗಿ ತಿಳಿದುಕೊಂಡ ಬಳಿಕವೇ ಬಳಸಿ. ಮನೆಯಲ್ಲಿ ಕೂದಲಿಗೆ ಬಣ್ಣ ಹಚ್ಚಿಕೊಳ್ಳಬೇಡಿ,ವೃತ್ತಿಪರರಿಂದ ಈ ಸೇವೆಯನ್ನು ಪಡೆದುಕೊಳ್ಳಿ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top