ಆ್ಯಂಟಿಬಯಾಟಿಕ್‌ಗಳನ್ನು ಅತಿಯಾಗಿ ಸೇವಿಸಿದರೆ ಏನಾಗುತ್ತದೆ ಗೊತ್ತೇ? | Vartha Bharati- ವಾರ್ತಾ ಭಾರತಿ

--

ಆ್ಯಂಟಿಬಯಾಟಿಕ್‌ಗಳನ್ನು ಅತಿಯಾಗಿ ಸೇವಿಸಿದರೆ ಏನಾಗುತ್ತದೆ ಗೊತ್ತೇ?

ಆ್ಯಂಟಿಬಯಾಟಿಕ್‌ಗಳು ಸುರಕ್ಷಿತ ಔಷಧಿಗಳಾಗಿದ್ದು, ವಿವಿಧ ಕಾಯಿಲೆಗಳ ಚಿಕಿತ್ಸೆಯಲ್ಲಿ ಇವುಗಳನ್ನು ವೈದ್ಯರು ಶಿಫಾರಸು ಮಾಡುತ್ತಾರೆ. ಕೆಲವೊಮ್ಮೆ ಆ್ಯಂಟಿಬಯಾಟಿಕ್‌ಗಳು ಅಪಾಯಕಾರಿಯೂ ಆಗಬಹುದು. ವೈದ್ಯರು ಪ್ರಮುಖವಾಗಿ ಬ್ಯಾಕ್ಟೀರಿಯಾ ಸೋಂಕುಗಳಿಗೆ ಚಿಕಿತ್ಸೆ ನೀಡಲು ಆ್ಯಂಟಿಬಯಾಟಿಕ್‌ಗಳನ್ನು ಬಳಸುತ್ತಾರೆ ಮತ್ತು ಇವು ಅಡ್ಡಪರಿಣಾಮಗಳನ್ನುಂಟು ಮಾಡುವುದು ಅಪರೂಪ. ಆ್ಯಂಟಿಬಯಾಟಿಕ್ ಗಳೊಂದಿಗೆ ಗುರುತಿಸಿಕೊಂಡಿರುವ ಹೆಚ್ಚಿನ ಅಡ್ಡಪರಿಣಾಮಗಳು ಮಾರಣಾಂತಿಕವೇನಲ್ಲ. ಅತ್ಯಂತ ಅಪರೂಪದ ಪ್ರಕರಣಗಳಲ್ಲಿ ಆ್ಯಂಟಿಬಯಾಟಿಕ್‌ಗಳು ಅನಾಫಿಲಾಕ್ಸಿಸ್ ಅಥವಾ ಅತಿಸಂವೇದನೆಶೀಲತೆಯಂತಹ ಗಂಭೀರ ಅಡ್ಡಪರಿಣಾಮಗಳಿಗೆ ಕಾರಣವಾಗಬಹುದು. ಎಲ್ಲ ಸೋಂಕುಗಳಿಗೂ ಆ್ಯಂಟಿಬಯಾಟಿಕ್‌ಗಳ ಮೂಲಕ ಚಿಕಿತ್ಸೆಯನ್ನು ನೀಡಲಾಗುವುದಿಲ್ಲ. ಬ್ಯಾಕ್ಟೀರಿಯಾಗಳಿಂದ ಉಂಟಾಗುವ ಸೋಂಕಿನ ವಿರುದ್ಧ ಹೋರಾಡುವಲ್ಲಿ ಆ್ಯಂಟಿಬಯಾಟಿಕ್‌ಗಳು ಅತ್ಯಂತ ಪರಿಣಾಮಕಾರಿಯಾಗಿವೆಯಾದರೂ ಅವು ವೈರಸ್‌ಗಳ ವಿರುದ್ಧ ಕೆಲಸ ಮಾಡುವುದಿಲ್ಲ.

ಇತರ ಎಲ್ಲ ಔಷಧಿಗಳಂತೆ ಆ್ಯಂಟಿಬಯಾಟಿಕ್‌ಗಳೂ ಅಡ್ಡಪರಿಣಾಮಗಳನ್ನುಂಟು ಮಾಡಬಲ್ಲವು,ಹೀಗಾಗಿ ಅಗತ್ಯವಿದ್ದಾಗ ಮಾತ್ರ ಅವುಗಳನ್ನು ಸೇವಿಸಬೇಕು. ಅಗತ್ಯವಿಲ್ಲದ ಸಮಯದಲ್ಲಿ ಆ್ಯಂಟಿಬಯಾಟಿಕ್‌ಗಳನ್ನು ಸೇವಿಸುವುದೂ ಹಾನಿಕಾರಕವಾಗಬಲ್ಲದು. ಹೀಗಾಗಿ ಆ್ಯಂಟಿಬಯಾಟಿಕ್‌ಗಳ ಕುರಿತು ನಮಗೆ ಗೊತ್ತಿರಬೇಕಾದ ಪ್ರಮುಖ ವಿಷಯಗಳಿವೆ. ಆ್ಯಂಟಿಬಯಾಟಿಕ್‌ಗಳು ಸೇವನೆಯ ಬಳಿಕ ಅಹಿತಕರ ಅನುಭವಗಳನ್ನುಂಟು ಮಾಡಿದರೆ ವೈದ್ಯರ ಸಲಹೆ ಪಡೆಯಬೇಕು. ಅಡ್ಡಪರಿಣಾಮಗಳು ತೀವ್ರವಾಗಿದ್ದರೆ ಅಥವಾ ಉಸಿರಾಟಕ್ಕೆ ತೊಂದರೆಯಾಗುತ್ತಿದ್ದರೆ ಆ್ಯಂಟಿಬಯಾಟಿಕ್‌ಗಳ ಸೇವನೆಯನ್ನು ತಕ್ಷಣ ನಿಲ್ಲಿಸಬೇಕು ಹಾಗೂ ವೈದ್ಯರನ್ನು ಸಂಪರ್ಕಿಸಬೇಕು.

ಆ್ಯಂಟಿಬಯಾಟಿಕ್‌ಗಳ ಕೆಲವು ಅಡ್ಡಪರಿಣಾಮಗಳ ಕುರಿತು ಮಾಹಿತಿಗಳಿಲ್ಲಿವೆ:

* ವಾಂತಿ

ಜೀರ್ಣಸಂಬಂಧಿ ಸಮಸ್ಯೆ ಆ್ಯಂಟಿಬಯಾಟಿಕ್‌ಗಳ ಅತ್ಯಂತ ಸಾಮಾನ್ಯ ಅಡ್ಡಪರಿಣಾಮವಾಗಿದೆ. ಆ್ಯಂಟಿಬಯಾಟಿಕ್‌ಗಳನ್ನು ಸೇವಿಸಿದ 30 ನಿಮಿಷಗಳ ಬಳಿಕ ಅಸ್ವಸ್ಥತೆ ಅಥವಾ ವಾಂತಿಯುಂಟಾದರೆ ನೀವು ಇನ್ನೊಂದು ಡೋಸ್‌ನ್ನು ಸೇವಿಸಬಾರದು ಮತ್ತು ತಕ್ಷಣವೇ ವೈದ್ಯರನ್ನು ಸಂಪರ್ಕಿಸಬೇಕು. ವಾಂತಿ ಕೆಲ ಸಮಯದಲ್ಲಿ ನಿಲ್ಲುತ್ತದೆ,ಆದರೆ ಅದು ದೀರ್ಘಕಾಲ ಮುಂದುವರಿದರೆ ವೈದ್ಯರ ಗಮನಕ್ಕೆ ತರಬೇಕು.

* ಭೇದಿ

 ಬ್ಯಾಕ್ಟೀರಿಯಾ ಸೋಂಕುಗಳಿಗೆ ಚಿಕಿತ್ಸೆಯಾಗಿ ಆ್ಯಂಟಿಬಯಾಟಿಕ್‌ಗಳನ್ನು ಸೇವಿಸಿದಾಗ ಅತಿಸಾರವೂ ಕಾಣಿಸಿಕೊಳ್ಳಬಹುದು. ಆದರೆ ಆ್ಯಂಟಿಬಯಾಟಿಕ್‌ಗಳ ಸೇವನೆಯಿಂದ ಉಂಟಾಗುವ ಭೇದಿಯು ಸೌಮ್ಯಸ್ವರೂಪದ್ದಾಗಿದ್ದು ಯಾವುದೇ ಚಿಕಿತ್ಸೆ ಅಗತ್ಯವಾಗುವುದಿಲ್ಲ. ಅದು ಹೆಚ್ಚೆಂದರೆ ಒಂದೆರಡು ದಿನ ಬಾಧಿಸಬಹುದು ಮತ್ತು ಇದಕ್ಕೆ ಸೂಕ್ತ ಪರಿಹಾರವನ್ನು ವೈದ್ಯರಿಂದ ತಿಳಿದುಕೊಳ್ಳಬಹುದು.

* ವಾಕರಿಕೆ

ಭೇದಿಯೊಂದಿಗೆ ವಾಕರಿಕೆಯೂ ಉಂಟಾಗುತ್ತದೆ. ಇವೆರಡು ಲಕ್ಷಣಗಳು ತಾತ್ಕಾಲಿಕವಾಗಿದ್ದರೂ ಆ್ಯಂಟಿಬಬಯಾಟಿಕ್‌ಗಳನ್ನು ಅತಿಯಾಗಿ ಸೇವಿಸಿದರೆ ಕಾಣಿಸಿಕೊಳ್ಳುತ್ತವೆ. ಆ್ಯಂಟಿಬಯಾಟಿಕ್‌ಗಳು ಬ್ಯಾಕ್ಟೀರಿಯಾ ಸಮತೋಲನಕ್ಕೆ ವ್ಯತ್ಯಯವನ್ನುಂಟು ಮಾಡಿದಾಗ ವಾಕರಿಕೆ ಮತ್ತು ಭೇದಿಯಂತಹ ಅಡ್ಡಪರಿಣಾಮಗಳು ವ್ಯಕ್ತಿಯಲ್ಲಿ ಉಂಟಾಗುತ್ತವೆ. ಕರುಳಿನಲ್ಲಿ ಬ್ಯಾಕ್ಟೀರಿಯಾಗಳ ಸಮತೋಲನವನ್ನು ಮರುಸ್ಥಾಪಿಸಲು ಪ್ರೊಬಯಾಟಿಕ್‌ಗಳು ಮತ್ತು ಪ್ರಿಬಯಾಟಿಕ್‌ಗಳ ಸೇವನೆಯನ್ನು ವೈದ್ಯರು ಸೂಚಿಸಬಹುದು.

* ಹೊಟ್ಟೆನೋವು

ಅನಗತ್ಯವಾಗಿ ಆ್ಯಂಟಿಬಯಾಟಿಕ್‌ಗಳ ಸೇವನೆಯು ಹಲವರಲ್ಲಿ ಹೊಟ್ಟೆನೋವನ್ನುಂಟು ಮಾಡುತ್ತದೆ ಮತ್ತು ಇದು ದೈನಂದಿನ ಚಟುವಟಿಕೆಗಳಿಗೆ ತೊಂದರೆಯನ್ನುಂಟು ಮಾಡಬಲ್ಲದು. ಆ್ಯಂಟಿ ಬಯಾಟಿಕ್‌ಗಳು ಕರುಳಿನಲ್ಲಿಯ ಬ್ಯಾಕ್ಟೀರಿಯಾಗಳೊಂದಿಗೆ ಸೇರುವುದು ಹೊಟ್ಟೆನೋವು ಮತ್ತು ವಾಯುವಿಗೆ ಕಾರಣವಾಗುತ್ತದೆ.

* ಉಬ್ಬರ

ಹೊಟ್ಟೆ ಉಬ್ಬರಿಸುವುದು ಬ್ಯಾಕ್ಟೀರಿಯಾ ಅಸಮತೋಲನದ ಅತ್ಯಂತ ಸಾಮಾನ್ಯ ಪರಿಣಾಮಗಳಲ್ಲೊಂದಾಗಿದೆ. ಆ್ಯಂಟಿ ಬಯಾಟಿಕ್‌ಗಳ ಸೇವನೆಯ ಬಳಿಕ ಪ್ರೊಬಯಾಟಿಕ್‌ಗಳನ್ನು ತೆಗೆದುಕೊಳ್ಳುವುದರಿಂದ ಈ ಅಡ್ಡಪರಿಣಾಮವನ್ನು ತಡೆಯಬಹುದಾಗಿದೆ. ಆದರೆ ಆ್ಯಂಟಿಬಯಾಟಿಕ್‌ಗಳ ಈ ಅಡ್ಡಪರಿಣಾಮದ ಬಗ್ಗೆ ನೀವು ನಿಮ್ಮ ವೈದ್ಯರ ಬಳಿ ಚರ್ಚಿಸಬೇಕಾಗುತ್ತದೆ. ಹೊಟ್ಟೆಯುಬ್ಬರದ ಜೊತೆಗೆ ಹಸಿವೂ ಸಹ ಕ್ಷೀಣಗೊಳ್ಳಬಹುದು. ಯಾವುದೇ ಕ್ಯಾಲೊರಿ ಸೇವಿಸದಿದ್ದರೂ ದೇಹದ ತೂಕ ಹೆಚ್ಚಾಗಿರುವಂತೆ ನಿಮಗೆ ಭಾಸವಾಗಬಹುದು.

* ಅಲರ್ಜಿ

ಯಾವುದೇ ಔಷಧಿಗಳು ಮತ್ತು ಆ್ಯಂಟಿಬಯಾಟಿಕ್‌ಗಳ ಬಳಿಕ ಅಲರ್ಜಿಯುಂಟಾಗುವ ಸಾಧ್ಯತೆಗಳಿರುತ್ತವೆ. ಕೆಲವು ಪ್ರತಿವರ್ತನೆಗಳು ಸೌಮ್ಯವಾಗಿದ್ದರೆ ಕೆಲವು ತೀವ್ರ ಸ್ವರೂಪದ್ದಾಗಿರುತ್ತವೆ ಮತ್ತು ತುರ್ತು ವೈದ್ಯಕೀಯ ನೆರವು ಅಗತ್ಯವಾಗುತ್ತದೆ. ನೀವು ನಿರ್ದಿಷ್ಟ ಆ್ಯಂಟಿಬಯಾಟಿಕ್‌ಗೆ ಅಲರ್ಜಿಯನ್ನು ಹೊಂದಿದ್ದರೆ ಅದನ್ನು ಸೇವಿಸಿದ ತಕ್ಷಣ ಅಲರ್ಜಿ ಲಕ್ಷಣಗಳು ಪ್ರಕಟಗೊಳ್ಳುತ್ತವೆ. ಉಸಿರಾಟಕ್ಕೆ ತೊಂದರೆ,ದದ್ದುಗಳು,ನಾಲಿಗೆ ಮತ್ತು ಗಂಟಲಿನಲ್ಲಿ ಊತ ಇವು ಇಂತಹ ಲಕ್ಷಣಗಳಲ್ಲಿ ಸೇರಿವೆ. ಇಂತಹ ಯಾವುದೇ ಅಲರ್ಜಿ ಪ್ರತಿವರ್ತನೆಯುಂಟಾದರೆ ತಕ್ಷಣ ವೈದ್ಯಕೀಯ ನೆರವನ್ನು ಪಡೆಯಬೇಕಾಗುತ್ತದೆ.

* ನವ್ಯಾ ಖರಬಂದಾ

* ಪೂರಕ ಮಾಹಿತಿ

ಡಾ.ಸೀಮಾ ಧೀರ್ ಕೃಪೆ:Onlymyhealth  

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top