ಜೋರ್ಡಾನ್ ನಲ್ಲಿ ಬಂಡಾಯದ ಸಂಚು ವಿಫಲ? | Vartha Bharati- ವಾರ್ತಾ ಭಾರತಿ

--

ಗೃಹಬಂಧನದಲ್ಲಿರಿಸಲಾಗಿದೆಯೆಂದು ಮಾಜಿ ಯುವರಾಜನ ಆರೋಪ

ಜೋರ್ಡಾನ್ ನಲ್ಲಿ ಬಂಡಾಯದ ಸಂಚು ವಿಫಲ?

Photo Credit: AFP
 

ಅಮ್ಮಾನ್,ಎ.4: ಜೋರ್ಡಾನ್ ನಲ್ಲಿ ಕ್ಷಿಪ್ರ ಕ್ರಾಂತಿಯ ಸಂಚು ನಡೆದಿದೆಯೆಂಬ ವರದಿಗಳ ನಡುವೆಯೇ ತನ್ನನ್ನು ಗೃಹ ಬಂಧನದಲ್ಲಿರಿಸಲಾಗಿದೆಯೆಂದು ದೊರೆ ಎರಡನೇ ಅಬ್ದುಲ್ಲಾ ಅವರ ಮಲಸಹೋದರ ಮಾಜಿ ಯುವರಾಜ ಹಂಝಾ ಹೇಳಿದ್ದಾರೆ. ಇದರ ಬೆನ್ನಲ್ಲೇ ದೇಶದ ಭದ್ರತೆ ಹಾಗೂ ಸ್ಥಿರತೆ ಅಪಾಯದ ರೇಖೆಯಲ್ಲಿದೆ ಎಂದು ಜೋರ್ಡಾನ್ ನ ಅಧಿಕೃತ ಸುದ್ದಿಮಾಧ್ಯಮ ಸಂಸ್ಥೆ ಪೇತ್ರಾ ವರದಿ ಮಾಡಿದೆ.

ಕ್ಷಿಪ್ರ ಕ್ರಾಂತಿಯ ಸಂಚಿನ ಕುರಿತ ವದಂತಿಗಳು ಹರಡುತ್ತಿದ್ದಂತೆಯೇ ಅಮೆರಿಕ ಹಾಗೂ ಗಲ್ಫ್‌ ನ ಮಿತ್ರ ರಾಷ್ಟ್ರಗಳು, ಜೋರ್ಡಾನ್ ಹಾಲಿ ಸರಕಾರಕ್ಕೆ ತಮ್ಮ ಬೆಂಬಲವನ್ನು ದೃಢಪಡಿಸಿವೆ.
 
ಜೋರ್ಡಾನ್ ನ ಮಾಜಿ ಯುವರಾಜ 41 ವರ್ಷ ವಯಸ್ಸಿನ ಹಂಝಾ ಬಿನ್ ಹುಸೈನ್ ಅವರ ವಿಡಿಯೋ ಸಂದೇಶವೊಂದು ಬಿಬಿಸಿ ಸುದ್ಧಿಸಂಸ್ಥೆಗೆ ಶನಿವಾರ ಲಭಿಸಿದ್ದು, ಅದರಲ್ಲಿ ಅವರು, ತನ್ನನ್ನು ಗೃಹಬಂಧನದಲ್ಲಿರಿಸಲಾಗಿದೆಯೆಂದು ತಿಳಿಸಿದ್ದಾರೆ. ಹಂಝಾ ಅವರ ಯುವರಾಜ ಸ್ಥಾನಮಾನವನ್ನು 2004ರಲ್ಲಿ ರದ್ದುಪಡಿಸಲಾಗಿತ್ತು.
 
ವಿಡಿಯೋ ಸಂದೇಶದಲ್ಲಿ ಹಂಝಾ ಅವರು ಜೋರ್ಡಾನ್ ನ ಹಾಲಿ ಆಡಳಿತಾರೂಢ ವ್ಯವಸ್ಥೆಯ ಬಗ್ಗೆ ವಾಗ್ದಾಳಿ ನಡೆಸಿದ್ದು, ತನ್ನ ಹಲವಾರು ಸ್ನೇಹಿತರನ್ನು ಬಂಧಿಸಲಾಗಿದೆ, ತನ್ನ ಭದ್ರತಾ ವ್ಯವಸ್ಥೆಯನ್ನು ರದ್ದುಪಡಿಸಲಾಗಿದೆ ಹಾಗೂ ಅಂತರ್ಜಾಲ ಮತ್ತು ದೂರವಾಣಿ ಸಂಪರ್ಕಗಳನ್ನು ಕಡಿದುಹಾಕಲಾಗಿದೆ ಎಂದವರು ಹೇಳಿದ್ದಾರೆ.

ಜೋರ್ಡಾನ್ ನ ಪ್ರಭುತ್ವದ ವಿರುದ್ಧ ಬಂಡಾಯವೇಳಲು ಯಾವುದೇ ಪಾತಕಿ ಸಂಘಟನೆಯ ಜೊತೆ ಕೈಜೋಡಿಸಿದ್ದೇನೆಂಬ ಆರೋಪವನ್ನು ಹಂಝಾ ಅವರು ಬಿಬಿಸಿಯ ಲಭ್ಯವಾದ ವಿಡಿಯೋ ಸಂದೇಶದಲ್ಲಿ ನಿರಾಕರಿಸಿದ್ದಾರೆ. 

ಜೋರ್ಡಾನ್ ದೇಶವೀಗ ಭ್ರಷ್ಟಾಚಾರ, ಸ್ವಜನಪಕ್ಷಪಾತ ಹಾಗೂ ದುರಾಡಳಿತದಿಂದ ಬಾಧಿತವಾಗಿದ್ದು, ಆಡಳಿತದಲ್ಲಿರುವವರನ್ನು ಟೀಕಿಸಲು ಯಾರಿಗೂ ಅವಕಾಶ ನೀಡಲಾಗುತ್ತಿಲ್ಲವೆಂದು ಅವರು ಆಪಾದಿಸಿದ್ದಾರೆ.
 
‘ಭದ್ರತಾ ಕಾರಣಗಳಿಗಾಗಿ’ ಕೆಲವು ಶಂಕಿತರನ್ನು ಬಂಧಿಸಲಾಗಿದೆಯೆಂದು ಪೇತ್ರಾ ಹೇಳಿದೆ. 2007-2008ರಲ್ಲಿ ರಾಜನ್ಯಾಯಾಲಯದ ವರಿಷ್ಠರಾದ ಬಾಸೀಮ್ ಅವಾದಲ್ಲಾ ಅವರ ರಾಜಕುಟುಂಬದ ಮಾಜಿ ನಿಕಟವರ್ತಿಗಳು ಕೂಡಾ ಬಂಧಿತರಲ್ಲಿ ಸೇರಿದ್ದಾರೆಂದು ಶರೀಫ್ ಹಸ್ಸನ್ ಬಿನ್ ಝೈದ್ ತಿಳಿಸಿದ್ದಾರೆ. ಹಂಝಾ  ಗೃಹಬಂಧನದ ಬಳಿಕ ಅವರ ತಾಯಿ ರಾಣಿ ನೂರ್ ರವಿವಾರ ಟ್ವೀಟ್ ಮಾಡಿದ್ದು, ಈ ದುಷ್ಟ ನಿಂದನೆಗೆ ತುತ್ತಾಗಿರುವ ಅಮಾಯಕ ಸಂತ್ರಸ್ತರಿಗೆ ಸತ್ಯ ಹಾಗೂ ನ್ಯಾಯ ದೊರೆಯಲಿ ಎಂದು ನಾನು ಪ್ರಾರ್ಥಿಸುತ್ತೇನೆ. ದೇವರು ಅವರನ್ನು ಆಶೀರ್ವದಿಸಲಿ ಹಾಗೂ ಸುರಕ್ಷಿತವಾಗಿಡಲಿ ಎಂದು ಹಾರೈಸಿದ್ದಾರೆ.

ಜೋರ್ಡಾನ್ ಪ್ರಭುತ್ವವನ್ನು ಟೀಕಿಸಿದ್ದ ಹಂಝಾ

 ಹಂಝಾ ಅವರು ಜೋರ್ಡಾನ್ ನ ದಿವಂಗತ ದೊರೆ ಹುಸೇನ್ ಹಾಗೂ ಅಮೆರಿಕದಲ್ಲಿ ಜನಿಸಿದ್ದ ರಾಣಿ ನೂರ್ ಅವರ ಹಿರಿಯ ಪುತ್ರ. ಅವರು ತನ್ನ ಮಲಸಹೋದರ , ದೊರೆ ಅಬ್ದುಲ್ಲಾ ಜೊತೆಗೆ ಈವರೆಗೆ ಅಧಿಕೃತವಾಗಿ ಉತ್ತಮ ಬಾಂಧವ್ಯಗಳನ್ನು ಹೊಂದಿದ್ದರು. ಹಂಝಾ ಅವರು ಜೋರ್ಡಾನ್ ನ ಬುಡಕಟ್ಟು ನಾಯಕರಿಗೆ ಅತ್ಯಂತ ನಿಕಟರಾಗಿದ್ದರು.
 ಹುಸೇನ್ ಅವರ ಅಂತಿಮ ಇಚ್ಚೆಯಂತೆ ದೊರೆ ಅಬ್ದುಲ್ಲಾ ಅವರು 1999ರಲ್ಲಿ ಹಂಝಾ ಅವರನ್ನು ಯುವರಾಜನಾಗಿ ನೇಮಿಸಿದ್ದರು. 2004ರಲ್ಲಿ ಅವರಿಂದ ಯುವರಾಜ ಪಟ್ಟವನ್ನು ಕಿತ್ತುಕೊಂಡು, ಅದನ್ನು ತನ್ನ ಹಿರಿಯ ಸಹೋದರ ಹುಸೇನ್ ಗೆ ನೀಡಿದ್ದರು.

ಹಂಝಾ ಅವರು ಇತ್ತೀಚಿನ ದಿನಗಳಲ್ಲಿ ಪ್ರಭುತ್ವದ ವಿರುದ್ಧ ಟೀಕೆಯನ್ನು ತೀವ್ರಗೊಳಿಸಿದ್ದು, ಸರಕಾರದಲ್ಲಿ ಭ್ರಷ್ಟಾಚಾರ ತಾಂಡವವಾಡುತ್ತಿರುವುದಾಗಿ ತನ್ನ ಗೆಳೆಯರ ವೃಂದದ ಬಳಿ ಹೇಳಿದ್ದೆರಂದು ಹೆಸರು ಬಹಿರಂಗಪಡಿಸದ ರಾಜಕೀಯ ವಿಶ್ಲೇಷಕರೊಬ್ಬರು ತಿಳಿಸಿದ್ದಾರೆ.

ಬಂಧನ ವರದಿ ನಿರಾಕರಿಸಿದ ಜೋರ್ಡಾನ್ ಸೇನೆ
  
ಹಂಝಾ ಅವರನ್ನು ಬಂಧಿಸಲಾಗಿದೆಯೆಂಬ ಆರೋಪವನ್ನು ಜೋರ್ಡಾನ್ ಸೇನೆ ಶನಿವಾರ ನಿರಾಕರಿಸಿದೆ. ರಾಜಕುಮಾರ ಹಂಝಾ ಅವರ ಬಂಧನವಾಗಿದೆಯೆಂಬ ವರದಿಗಳು ನಿಜವಲ್ಲವೆಂದು ಜೋರ್ಡಾನ್ ಸೇನಾಪಡೆಗಳ ಜಂಟಿ ವರಿಷ್ಠ ಮೇಜರ್ ಜನರಲ್ ಯೂಸುಫ್ ಹುನೈತಿ ತಿಳಿಸಿದ್ದಾರೆ.
   ಆದರೆ ವಾಷಿಂಗ್ಟನ್ ಪೋಸ್ಟ್ ತನ್ನ ವರದಿಯಲ್ಲಿ ದೊರೆಯ ಪದಚ್ಯುತಿ ಸಂಚಿನ ಆರೋಪದ ಬಗ್ಗೆ ತನಿಖೆಯ ಭಾಗವಾಗಿ ಮಾಜಿ ಯುವರಾಜನನ್ನು ಗೃಹಬಂಧನದಲ್ಲಿರಿಸಲಾಗಿದೆ ಎಂದು ಹೇಳಿದೆ.
 ಈ ಸಂಚಿನಲ್ಲಿ ಜೋರ್ಡಾನ್ ರಾಜಕೀಯ ಕುಟುಂಬದ ಕನಿಷ್ಠ ಓರ್ವ, ಬುಡಕಟ್ಟು ನಾಯಕರು ಹಾಗೂ ದೇಶದ ಭದ್ರತಾ ವ್ಯವಸ್ಥೆಯ ಕೆಲವು ಸದಸ್ಯರು ಒಳಗೊಂಡಿದ್ದಾರೆಂದು ವಾಶಿಂಗ್ಟನ್ ಪೋಸ್ಟ್ ವರದಿಯಲ್ಲಿ ತಿಳಿಸಿದೆ.

ದೊರೆ ಅಬ್ದುಲ್ಲಾಗೆ ಅಮೆರಿಕ ಬೆಂಬಲ

ತನ್ನ ನಿಕಟ ಪ್ರಾದೇಶಿಕ ಮಿತ್ರನಾಗಿರುವ ಜೋರ್ಡಾನ್ ನಲ್ಲಿನ ಬೆಳವಣಿಗೆಗಳನ್ನು ತಾನು ನಿಕಟವಾಗಿ ಗಮನಿಸುತ್ತಿರುವುದಾಗಿ ಅಮೆರಿಕ ಹೇಳಿದೆ. ‘‘ದೊರೆ ಅಬ್ದುಲ್ಲಾ ಅವರು ಅಮೆರಿಕದ ಮುಖ್ಯ ಪಾಲುದಾರನಾಗಿದ್ದಾರೆ. ಅವರಿಗೆ ನಮ್ಮ ಪೂರ್ಣ ಬೆಂಬಲವಿದೆ’ ಎಂದು ಅಮೆರಿಕದ ವಿದೇಶಾಂಗ ಇಲಾಖೆಯ ವಕ್ತಾರ ನೆಡ್ ಪ್ರೈಸ್ ತಿಳಿಸಿದ್ದಾರೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top