30 ಲಕ್ಷ ದಾಟಿದ ಕೊರೋನ ಸಾವಿನ ಸಂಖ್ಯೆ
ಪ್ಯಾರಿಸ್ (ಫ್ರಾನ್ಸ್), ಎ. 17: ಕೊರೋನ ವೈರಸ್ಗೆ ಜಗತ್ತಿನಾದ್ಯಂತ ಬಲಿಯಾದವರ ಸಂಖ್ಯೆ ಶನಿವಾರ 30 ಲಕ್ಷವನ್ನು ದಾಟಿದೆ ಎಂದು ಎಎಫ್ಪಿ ಸುದ್ದಿ ಸಂಸ್ಥೆಯ ಅಂಕಿಅಂಶಗಳು ತಿಳಿಸಿವೆ.
ಲಸಿಕೆ ನೀಡುವ ಅಭಿಯಾನಗಳ ಹೊರತಾಗಿಯೂ ಸಾವಿನ ಸಂಖ್ಯೆಯಲ್ಲಿ ಹೆಚ್ಚಳವಾಗಿರುವುದು ಆತಂಕಕ್ಕೆ ಕಾರಣವಾಗಿದೆ.
ಕಳೆದ ತಿಂಗಳು ಸಾವಿನ ಸಂಖ್ಯೆಯಲ್ಲಿ ಕೊಂಚ ಇಳಿಕೆಯಾದ ಬಳಿಕ, ದೈನಂದಿನ ಸಾವಿನ ಸಂಖ್ಯೆಯಲ್ಲಿ ಈಗ ಏರಿಕೆಯಾಗುತ್ತಿದೆ. ಕಳೆದ ವಾರ ಪ್ರತಿ ದಿನದ ಸಾವಿನ ಸಂಖ್ಯೆ ಸರಾಸರಿ 12,000ವಾಗಿತ್ತು.
ಸಾಮೂಹಿಕ ಲಸಿಕೆ ಕಾರ್ಯಕ್ರಮದಿಂದ ಇಸ್ರೇಲ್ ಮುಂತಾದ ಕೆಲವು ದೇಶಗಳು ಪ್ರಯೋಜನ ಪಡೆದಿವೆಯಾದರೂ, ಭಾರತ ಸೇರಿದಂತೆ ಹಲವು ದೇಶಗಳಲ್ಲಿ ಸಾವಿನ ಸಂಖ್ಯೆ ದಿನದಿಂದ ದಿನಕ್ಕೆ ಏರುತ್ತಿದೆ.
Next Story