ಸೊಲೋಮನ್ ಐಲ್ಯಾಂಡ್ಸ್ ಜೊತೆ ಭದ್ರತಾ ಒಪ್ಪಂದಕ್ಕೆ ಚೀನಾ ಸಹಿ: ಅಮೆರಿಕ, ಪಾಶ್ಚಾತ್ಯ ರಾಷ್ಟ್ರಗಳಿಗೆ ಆತಂಕ | Vartha Bharati- ವಾರ್ತಾ ಭಾರತಿ

--

ಒಪ್ಪಂದದಿಂದಾಗಿ ದಕ್ಷಿಣ ಫೆಸಿಫಿಕ್ ಸಾಗರ ಪ್ರದೇಶದಲ್ಲಿ ಚೀನಾದ ಮಿಲಿಟರಿ ನೆಲೆ ಸ್ಥಾಪನೆಗೆ ಅವಕಾಶ

ಸೊಲೋಮನ್ ಐಲ್ಯಾಂಡ್ಸ್ ಜೊತೆ ಭದ್ರತಾ ಒಪ್ಪಂದಕ್ಕೆ ಚೀನಾ ಸಹಿ: ಅಮೆರಿಕ, ಪಾಶ್ಚಾತ್ಯ ರಾಷ್ಟ್ರಗಳಿಗೆ ಆತಂಕ

ಬೀಜಿಂಗ್, ಎ.19: ದಕ್ಷಿಣ ಫೆಸಿಫಿಕ್ ಪ್ರದೇಶದ ರಾಷ್ಟ್ರವಾದ ಸೊಲೋಮನ್ ಐಲ್ಯಾಂಡ್ಸ್  ಜೊತೆ ತಾನು ವಿಸ್ತೃತವಾದ ಭದ್ರತಾ ಒಪ್ಪಂದಕ್ಕೆ ಸಹಿಹಾಕಿರುವುದಾಗಿ ಚೀನಾ ಮಂಗಳವಾರ ಘೋಷಿಸಿದೆ. ಈ ಒಪ್ಪಂದದಿಂದಾಗಿ ದಕ್ಷಿಣ ಫೆಸಿಫಿಕ್ ಸಾಗರ ಪ್ರದೇಶದಲ್ಲಿ ಚೀನಾಕ್ಕೆ ತನ್ನ ಮಿಲಿಟರಿ ನೆಲೆಯನ್ನು ಸ್ಥಾಪಿಸಲು ಸಾಧ್ಯವಾಗಲಿದ್ದು, ಅಮೆರಿಕ ಹಾಗೂ ಅದರ ಪ್ರಾದೇಶಿಕ ಮಿತ್ರರಲ್ಲಿ ಆತಂಕಕ್ಕೆ ಕಾರಣವಾಗಿದೆ.

ಚೀನಾ ಹಾಗೂ ಸೊಲೋಮನ್ ಐಲ್ಯಾಂಡ್ಸ್ ನಡುವಿನ ಭದ್ರತಾ ಒಪ್ಪಂದಕ್ಕೆ ವಾಶಿಂಗ್ಟನ್‌ಗೆ ವಿರೋಧ ವ್ಯಕ್ತಪಡಿಸಿದ ಮರುದಿನವೇ ಚೀನಾವು ಈ ಒಡಂಬಡಿಕೆಗೆ ಸಹಿಹಾಕಿರುವುದನ್ನು ದೃಢಪಡಿಸಿದೆ. ಬೀಜಿಂಗ್ ದಕ್ಷಿಣ ಫೆಸಿಫಿಕ್ ಸಾಗರ ಪ್ರದೇಶದಲ್ಲಿ ತನ್ನ ಮಿಲಿಟರಿ ಹೆಜ್ಜೆಗಳನ್ನಿಡುತ್ತಿರುವುದನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ಅಮೆರಿಕದ ಅಧಿಕಾರಿಗಳು ಈ ವಾರ ಸೊಲೊಮನ್ ಐಲ್ಯಾಂಡ್ಸ್‌ಗೆ ತೆರಳಲಿದ್ದಾರೆಂದು ವಾಶಿಂಗ್ಟನ್ ಹೇಳಿಕೆ ನೀಡಿದ ಬೆನ್ನಲ್ಲೇ ಈ ಒಪ್ಪಂದವನ್ನು ಚೀನಾ ದೃಢಪಡಿಸಿದೆ.

‘‘ಚೀನಾ ಹಾಗೂ ಸೊಲೊಮನ್ ದ್ವೀಪಗಳ ವಿದೇಶಾಂಗ ಸಚಿವರುಗಳು ಇತ್ತೀಚೆಗೆ ಭದ್ರತಾ ಸಹಕಾರ ಕುರಿತಾದ ಕಾರ್ಯಚೌಕಟ್ಟಿನ ಒಪ್ಪಂದಕ್ಕೆ ಅಧಿಕೃತವಾಗಿ ಸಹಿಹಾಕಿದ್ದಾರೆ’’ ಎಂದು ಚೀನಾದ ವಿದೇಶಾಂಗ ಸಚಿವಾಲಯ ವಕ್ತಾರ ವಾಂಗ್‌ವೆನ್‌ಬಿನ್ ಮಂಗಳವಾರ ಹೇಳಿಕೆಯೊಂದರಲ್ಲಿ ತಿಳಿಸಿದ್ದಾರೆ. ಆದರೆ ಯಾವಾಗ ಈ ಒಡಂಬಡಿಕೆಗೆ ಸಹಿಹಾಕಲಾಗಿದೆಯೆಂಬುದನ್ನು ಅದು ಇನ್ನೂ ಬಹಿರಂಗಪಡಿಸಿಲ್ಲ.

ರಾಜಕೀಯ ಬಿಕ್ಕಟ್ಟಿನಿಂದ ತತ್ತರಿಸಿರುವ ರಾಷ್ಟ್ರವಾದ ಸೊಲೊಮನ್ ದ್ವೀಪದಲ್ಲಿ ಸಾಮಾಜಿಕ ಸುವ್ಯವಸ್ಥೆಯನ್ನು ಕಾಪಾಡಿಕೊಳ್ಳುವ ಉದ್ದೇಶದಿಂದ ಸಶಸ್ತ್ರ ಚೀನಿ ಪೊಲೀಸರನ್ನು ನಿಯೋಜಿಸಲು ಈ ಒಪ್ಪಂದವು ಅವಕಾಶ ನೀಡುತ್ತದೆ.

ಒಪ್ಪಂದದ ಕರಡುಪ್ರತಿಯು ಕಳೆದ ತಿಂಗಳು ಸೋರಿಕೆಯಾಗಿತ್ತು. ಸೊಲೊಮನ್ ದ್ವೀಪದಲ್ಲಿ ಚೀನಾವು ನೌಕಾಪಡೆ ಹಾಗೂ ಭದ್ರತಾ ನಿಯೋಜನೆಗಳನ್ನು ನಡೆಸಲು ಈ ಒಪ್ಪಂದವು ಅನುಮತಿ ನೀಡಿರುವುದು ಅಮೆರಿಕ ಸೇರಿದಂತೆ ಪಾಶ್ಚಾತ್ಯ ದೇಶಗಳಿಗೆ ಆತಂಕವನ್ನು ಸೃಷ್ಟಿಸಿದೆ.

ಆಸ್ಟ್ರೇಲಿಯದಿಂದ 1200 ಮೈಲು ದೂರದಲ್ಲಿರುವ ಸೊಲೊಮನ್ ದ್ವೀಪದಲ್ಲಿ ಚೀನಾವು ತನ್ನ ಮಿಲಿಟರಿ ಉಪಸ್ಥಿತಿಯನ್ನು ಸ್ಥಾಪಿಸಲಿರುವುದು ಆಸ್ಟ್ರೇಲಿಯಕ್ಕೆ ಆತಂಕವನ್ನುಂಟು ಮಾಡಿದೆ.

ಈ ಮಧ್ಯೆ ಚೀನಾ-ಸೊಲೋಮನ್ ಐಲ್ಯಾಂಡ್ಸ್ ನಡುವಿನ ಒಪ್ಪಂದದ ಬಗ್ಗೆ ಪಾಶ್ಚಾತ್ಯ ರಾಷ್ಟ್ರಗಳು ಉದ್ದೇಶಪೂರ್ವಕವಾಗಿ ಉದ್ವಿಗ್ನತೆಯನ್ನು ಸೃಷ್ಟಿಸುತ್ತಿವೆಯೆಂದು ವಾಂಗ್ ವೆನ್‌ಬಿನ್ ಆರೋಪಿಸಿದ್ದಾರೆ ಹಾಗೂ ಅಮೆರಿಕ ಅಧಿಕಾರಿಳ ಸೊಲೋಮನ್ ಭೇಟಿಯ ಹಿಂದಿರುವ ಉದ್ದೇಶವನ್ನು ಕೂಡಾ ಅವರು ಪ್ರಶ್ನಿಸಿದ್ದಾರೆ.

ಈ ಭದ್ರತಾ ಒಪ್ಪಂದವು ಎರಡು ಸಾರ್ವಬೌಮ ಹಾಗೂ ಸ್ವತಂತ್ರ ದೇಶಳ ನಡುವೆ ಏರ್ಪಟ್ಟ ಸಹಜವಾದ ಸಹಕಾರ ಒಪ್ಪಂದವಾಗಿದೆ. ದ್ವೀಪ ರಾಷ್ಟ್ರಗಳ ಜೊತೆಗಿನ ಸಹಕಾರದಲ್ಲಿ ಹಸ್ತಕ್ಷೇಪ ನಡೆಸುವ ಹಾಗೂ ಅಡ್ಡಿಪಡಿಸುವ ಪ್ರಯತ್ನಗಳು ವಿಫಲವಾಗಲಿವೆ ಎಂದವರು ತಿಳಿಸಿದ್ದಾರೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top