ಅಮೆರಿಕಾ: ಹೆಚ್ಚಿನ ಮೊತ್ತಕ್ಕೆ ಖರೀದಿಸಿ ಕಡಿಮೆ ಬೆಲೆಗೆ ಇಂಧನ ಮಾರುತ್ತಿರುವ ಸಿಖ್ ವ್ಯಕ್ತಿ
ನೆಟ್ಟಿಗರಿಂದ ಶ್ಲಾಘನೆ
ವಾಷಿಂಗ್ಟನ್ : ಜಗತ್ತಿನಾದ್ಯಂತ ಇಂಧನ ಬೆಲೆಗಳು ಗಗನಕ್ಕೇರಿರುವ ನಡುವೆಯೇ ಅಮೇರಿಕಾದಲ್ಲಿ ಸಿಖ್ ವ್ಯಕ್ತಿಯೊಬ್ಬರು ತನ್ನ ಗ್ರಾಹಕರಿಗೆ ತಾನು ಖರೀದಿಸಿದಕ್ಕಿಂತ ಕಡಿಮೆ ಬೆಲೆಗೆ ಇಂಧನ ಅನಿಲವನ್ನು ಮಾರಾಟ ಮಾಡಿ ಸಾಮಾಜಿಕ ಮಾಧ್ಯಮದಲ್ಲಿ ಹೀರೋ ಆಗಿದ್ದಾರೆ.
ಫೀನಿಕ್ಸ್ನಲ್ಲಿರುವ ಗ್ಯಾಸ್ ಸ್ಟೇಶನ್ ಮಾಲೀಕ ಜಸ್ವೀಂದ್ರ ಸಿಂಗ್ ಅವರು ತಾವು ಖರೀದಿಸಿದ ಬೆಲೆಗಿಂತ ಕಡಿಮೆ ದರದಲ್ಲಿ ಇಂಧನವನ್ನು ಮಾರಾಟ ಮಾಡುವ ಮೂಲಕ ಪ್ರತಿ ದಿನ ಸುಮಾರು 500 ಡಾಲರ್ ಕಳೆದುಕೊಳ್ಳುತ್ತಿದ್ದಾರೆ.
ಪ್ರತಿ ಗ್ಯಾಲನ್ಗೆ $5.19 ರಂತೆ ಜಸ್ವೀಂದ್ರ ಸಿಂಗ್ ಮಾರಾಟ ಮಾಡುತ್ತಿದ್ದು, ಅವರು ಅದಕ್ಕಿಂತ 47 ಸೆಂಟ್ಸ್ ಹೆಚ್ಚು ಹಣ ಪಾವತಿಸಿ ಅನಿಲವನ್ನು ಕೊಳ್ಳುತ್ತಿದ್ದಾರೆ, ಮತ್ತು ಪ್ರತಿದಿನ ಸುಮಾರು 3,785 ಲೀಟರ್ ಗ್ಯಾಸ್ ಮಾರಾಟ ಮಾಡುತ್ತಾರೆ ಎಂದು indiatimes ವರದಿ ಮಾಡಿದೆ.
ಯಾಕೆ ಹೀಗೆ ಮಾಡುತ್ತಿದ್ದೀರಿ ಎಂದು ಸಿಂಗ್ ಅವರನ್ನು ಕೇಳಿದಾಗ, “ಸದ್ಯಕ್ಕೆ ಜನರ ಬಳಿ ಹಣವಿಲ್ಲ. ನಮ್ಮ ಬಳಿ ಏನಾದರೂ ಇದ್ದರೆ ಸಹಾಯ ಮಾಡಲು ನನ್ನ ತಾಯಿ ಮತ್ತು ನನ್ನ ತಂದೆ ನಮಗೆ ಕಲಿಸಿದರು. ಹಾಗಾಗಿ ಕಡಿಮೆ ಬೆಲೆಗೆ ಗ್ಯಾಸ್ ಮಾರಾಟ ಮಾಡುವುದಾಗಿ ತಿಳಿಸಿದ್ದಾರೆ” ಎಂದು ನ್ಯೂಸ್ 18 ವರದಿ ಮಾಡಿದೆ.
ಆದರೆ, ಈ ಕಡಿಮೆ ಬೆಲೆಗೆ ಮಾರಾಟ ಮಾಡುವ ಕ್ರಮದಿಂದಾಗಿ ಉಂಟಾಗುವ ನಷ್ಟವನ್ನು ಸರಿದೂಗಿಸಲು ಸಿಂಗ್ ಮತ್ತು ಅವರ ಪತ್ನಿ ಅಧಿಕಾವಧಿ ಕೆಲಸ ಮಾಡಬೇಕಾಗಿ ಬಂದಿದೆ. ಮಾರ್ಚ್ ತಿಂಗಳಲ್ಲಿ, ಅವರ ಮಾರಾಟದ ಬೆಲೆಯು ಖರೀದಿಯ ವೆಚ್ಚಕ್ಕಿಂತ 10 ಸೆಂಟ್ಸ್ ಮಾತ್ರ ಕಡಿಮೆಯಿತ್ತು. ಅದೀಗ 47 ಸೆಂಟ್ಸ್ ವರೆಗೆ ತಲುಪಿದೆ ಎಂದು ವರದಿಯಾಗಿದೆ.
ಆದರೆ, ಅದು ಪರವಾಗಿಲ್ಲ "ದೇವರು ಸಹಾಯ ಮಾಡುತ್ತಿದ್ದಾನೆ" ಎಂದು ಹೇಳುವ ಅವರು, ಹಣ ಸಂಪಾದನೆಗಿಂತ ಹೆಚ್ಚು ಜನರಿಗೆ ಸಹಾಯ ಮಾಡಲು ಬಯಸುತ್ತಿದ್ದು, ಹಾಗೆ ಮಾಡುವುದರಿಂದ ನನಗೆ ತುಂಬಾ ಸಂತೋಷವಾಗುತ್ತಿದೆ ಎಂದು ಹೇಳಿದ್ದಾರೆ.
Jaswiendre Singh is willing to lose $500 daily from gas sales at his convenience store by selling it at lower prices just to give his customers a break. This guy is what community is all about. https://t.co/462EiEMY1m
— GunSafetyNow Patriot Freedom Eagle (@PatFreedomEagle) June 11, 2022
A truly good person. I don't live in Arizona but #thankyou #JaswiendreSingh
— loose leaf (@looselief) June 10, 2022
Phoenix gas station owner sells gas 50 cents a gallon cheaper than what he buys it for to help customers https://t.co/gKTaj5oWV4
Feeling happy to see this kind of humanity nowadays.
— Sahil Munjal (@sahilmunjal85) June 12, 2022
Huge Respect #Humanity #JaswiendreSingh pic.twitter.com/pHS6ex6WaN