ಕೋವಿಡ್ ಲಸಿಕೆಯಿಂದ ತಂದೆಯ ಹೃದಯ ಸ್ಥಂಭನವಾಗಿದೆ ಎಂದ ಬ್ರಿಟಿಷ್ ಹೃದ್ರೋಗ ತಜ್ಞ
Photo: Twitter/DrAseemMalhotra
ಲಂಡನ್: ಕೋವಿಡ್ ಲಸಿಕೆಗಳ ದುಷ್ಪರಿಣಾಮ ಬಗ್ಗೆ ಹಲವು ಊಹಾಪೋಹಗಳು ಇರುವಂತೆ, ಭಾರತೀಯ ಮೂಲದ ಬ್ರಿಟಿಷ್ ಹೃದ್ರೋಗ ತಜ್ಞ ಡಾ ಅಸೀಮ್ ಮಲ್ಹೋತ್ರಾ ಅವರು COVID ಲಸಿಕೆಗಳ ಬಗ್ಗೆ ಸಂಶೋಧನೆ ನಡೆಸಿದ್ದಾರೆ. ರಾಷ್ಟ್ರೀಯ ಆರೋಗ್ಯ ಸೇವೆ (NHS) ತರಬೇತಿ ಪಡೆದಿರುವ ಹೃದ್ರೋಗ ತಜ್ಞ ಡಾ ಮಲ್ಹೋತ್ರಾ ಅವರ ಇತ್ತೀಚಿನ ಸಂಶೋಧನಾ ಪ್ರಬಂಧದಲ್ಲಿ, ಮೆಸೆಂಜರ್ ರೈಬೋನ್ಯೂಕ್ಲಿಕ್ ಆಸಿಡ್ (mRNA) ಕೊರೊನಾವೈರಸ್ ಕಾಯಿಲೆ (COVID) ಲಸಿಕೆಗಳ ನಿಜವಾದ ಪ್ರಯೋಜನಗಳು ಮತ್ತು ಸಂಭಾವ್ಯ ಹಾನಿಗಳನ್ನು 'ವಿಮರ್ಶಾತ್ಮಕವಾಗಿ ಮೌಲ್ಯಮಾಪನ' ಮಾಡಿದ್ದಾರೆ. ತಮ್ಮ ತಂದೆಯ ಹಠಾತ್ ನಿಧನದ ಹಿನ್ನೆಲೆಯಲ್ಲಿ ಅವರು ಈ ಸಂಶೋಧನೆ ನಡೆಸಿರುವುದಾಗಿ ಮಾಧ್ಯಮಗಳು ವರದಿ ಮಾಡಿವೆ.
ತಮ್ಮ ತಂದೆಯ ಪ್ರಗತಿಶೀಲ ಪರಿಧಮನಿಯ ಕಾಯಿಲೆ ಮತ್ತು ಹಠಾತ್ ಹೃದಯ ಸ್ತಂಭನಕ್ಕೆ mRNA ಲಸಿಕೆಯ ಕಾರಣವಿರಬಹುದು ಎಂದು ಡಾ ಮಲ್ಹೋತ್ರಾ ಅವರು ಹೇಳಿದ್ದಾರೆ.
"ಕಳೆದ ವರ್ಷ ಜುಲೈನಲ್ಲಿ ನನ್ನ ತಂದೆಯ ಹಠಾತ್ ಸಾವಿನೊಂದಿಗೆ ನಾನು ಸಾಕಷ್ಟು ವೈಯಕ್ತಿಕ ದುರಂತವನ್ನು ಅನುಭವಿಸಿದೆ. ಅವರು ತುಂಬಾ ಫಿಟ್ ಮತ್ತು ಆರೋಗ್ಯವಂತರಾಗಿದ್ದರು. ಅವರಿಗೆ 73 ವರ್ಷ ವಯಸ್ಸಾಗಿತ್ತು. ಇಡೀ ಲಾಕ್ಡೌನ್ ಸಮಯದಲ್ಲಿ ಅವರು ದಿನಕ್ಕೆ 10 ರಿಂದ 15 ಸಾವಿರ ಹೆಜ್ಜೆಗಳನ್ನು ನಡೆಯುತ್ತಿದ್ದರು. ಅವರ ಆಹಾರದ ಬಗ್ಗೆ ಬಹಳ ಎಚ್ಚರಿಕೆಯಿತ್ತು, ”ಎಂದು ಡಾ. ಮಲ್ಹೋತ್ರಾ ಮಾಧ್ಯಮಕ್ಕೆ ತಿಳಿಸಿದ್ದಾರೆ.
"ನಾನು ಕೆಲವು ವರ್ಷಗಳ ಹಿಂದೆ ಅವರ ಹೃದಯವನ್ನು ಮೌಲ್ಯಮಾಪನ ಮಾಡಿದ್ದೇನೆ, ಅವರು ಅಂದಿನಿಂದ ಅವರ ಜೀವನಶೈಲಿಯನ್ನು ಸುಧಾರಿಸಿದ್ದಾರೆ" ಎಂದು ಮಲ್ಹೋತ್ರಾ ಹೇಳುತ್ತಾರೆ.
mRNA ಲಸಿಕೆಯಲ್ಲಿ, ದೇಹದಲ್ಲಿ ಪ್ರತಿರಕ್ಷಣಾ ಪ್ರತಿಕ್ರಿಯೆಯನ್ನು ಪ್ರಚೋದಿಸಲು ಪ್ರಯೋಗಾಲಯ ನಿರ್ಮಿತ mRNA ಗಳನ್ನು ಬಳಸಲಾಗುತ್ತದೆ. ಈ ಪ್ರತಿರಕ್ಷಣಾ ಪ್ರತಿಕ್ರಿಯೆಗಳು ದೇಹದಲ್ಲಿ ಪ್ರತಿಕಾಯಗಳ ರಚನೆಗೆ ಕಾರಣವಾಗುತ್ತವೆ ಎಂದು ಅವರು ಹೇಳಿದ್ದಾರೆ.
"ತಂದೆಯ ಮರಣೋತ್ತರ ಪರೀಕ್ಷೆಯ ಫಲಿತಾಂಶಗಳು ನಿಜವಾಗಿಯೂ ನನಗೆ ಆಘಾತವನ್ನುಂಟು ಮಾಡಿದವು. ಅವರ ಪರಿಧಮನಿಯ ಅಪಧಮನಿಗಳಲ್ಲಿ (coronary arteries) ಎರಡು ತೀವ್ರ ಅಡಚಣೆಗಳಿದ್ದವು. ಹೃದ್ರೋಗ ತಜ್ಞನಾಗಿ ಮತ್ತು ನನ್ನ ತಂದೆಯ ಜೀವನಶೈಲಿ ಮತ್ತು ಆರೋಗ್ಯವನ್ನು ನಿಕಟವಾಗಿ ತಿಳಿದಿದ್ದರಿಂದ ನನಗೆ ಇದನ್ನು ನಂಬಲು ಸಾಧ್ಯವಾಗಲಿಲ್ಲ," ಅವರು ಹೇಳಿದ್ದಾರೆ.
ಸ್ವಲ್ಪ ಸಮಯದ ನಂತರ, ಎಮ್ಆರ್ಎನ್ಎ ಲಸಿಕೆ ಮತ್ತು ಹೃದಯಾಘಾತದ ಅಪಾಯದ ನಡುವಿನ ಸಂಭವನೀಯ ಸಂಪರ್ಕದ ಕುರಿತು ದತ್ತಾಂಶಗಳು ಹೊರಹೊಮ್ಮಲು ಪ್ರಾರಂಭಿಸಿತು.
"ಮೆಸೆಂಜರ್ ರೈಬೋನ್ಯೂಕ್ಲಿಕ್ ಆಸಿಡ್ (mRNA) ತಂತ್ರಜ್ಞಾನವನ್ನು ಬಳಸಿಕೊಂಡು ಯಾದೃಚ್ಛಿಕ ನಿಯಂತ್ರಿತ ಪ್ರಯೋಗಗಳ ಮರು-ವಿಶ್ಲೇಷಣೆಯು ಕೋವಿಡ್ -19 ನಿಂದ ಆಸ್ಪತ್ರೆಗೆ ದಾಖಲಾಗುವುದಕ್ಕಿಂತ ಲಸಿಕೆಗಳಿಂದ ಗಂಭೀರ ಪ್ರತಿಕೂಲ ಘಟನೆಗಳ ಹೆಚ್ಚಿನ ಅಪಾಯವನ್ನು ಸೂಚಿಸುತ್ತದೆ" ಎಂದು ಮಲ್ಹೋತ್ರಾ ಪೀರ್-ರಿವ್ಯೂಡ್ ಜರ್ನಲ್ ಆಫ್ ಇನ್ಸುಲಿನ್ ರೆಸಿಸ್ಟೆನ್ಸ್ನಲ್ಲಿ ಬರೆದಿದ್ದಾರೆ.
" ಫೈಝರ್ ಲಸಿಕೆ (Pfizer) ಮೂರನೆ ಹಂತದ ಬಳಿಕ 2021 ರಲ್ಲಿ ಇಂಗ್ಲೆಂಡ್ನಲ್ಲಿ ಹೃದಯ ಸ್ತಂಭನವಾಗಿ ಆಂಬ್ಯುಲೆನ್ಸ್ಗಳಿಗೆ ಬಂದ ಕರೆಗಳ ಸಂಖ್ಯೆಯಲ್ಲಿ ಹೆಚ್ಚಳ ಕಂಡುಬಂದಿದೆ. ಇಸ್ರೇಳ್ ನಲ್ಲಿಯೂ 16-39 ವರ್ಷ ವಯಸ್ಸಿನವರಲ್ಲಿ ಇಂತಹದ್ದೇ ದತ್ತಾಂಶಗಳು ಹೊರಬಂದಿದ್ದವು ಎಂದು ಅವರು ತಮ್ಮ ಲೇಖನದಲ್ಲಿ ಗಮನ ಸೆಳೆದಿದ್ದಾರೆ.
The most important announcement of my life and career so far. Please watch, listen and share with family and friends. I reached these sobering conclusions reluctantly. To read the free full open access peer reviewed medical journal articles visit https://t.co/9IMbUlAAQ9 pic.twitter.com/sYxJJjeh9S
— Dr Aseem Malhotra (@DrAseemMalhotra) September 28, 2022
Miss him more than words can describe and the pain is deep, but his death will not be in vain. I will do all in my power to make sure of that. pic.twitter.com/cGtlA10sjd
— Dr Aseem Malhotra (@DrAseemMalhotra) March 13, 2022
Honoured to be named @GBNEWS Greatest Briton last night based upon my publication in @JInsulinResist @mrmarkdolan is absolutely right
— Dr Aseem Malhotra (@DrAseemMalhotra) September 30, 2022
‘we need to have a grown up conversation about vaccine mandates, vaccine safety and injuries from the vaccine’
Thank you @Dominiquetaegon pic.twitter.com/4LTpha39ks