ಉಗ್ರ ಪ್ರಾಬಲ್ಯದ ಸಮುದ್ರದಲ್ಲಿ ಫಿಲಿಪ್ಪೀನ್ಸ್, ಅಮೆರಿಕದ ಜಂಟಿ ಗಸ್ತು
ಮನಿಲಾ (ಫಿಲಿಪ್ಪೀನ್ಸ್), ಜು. 2: ಸ್ಥಳೀಯ ಬಂಡುಕೋರರ ಪಾರಮ್ಯದ ಪ್ರದೇಶವೆಂದೇ ಹೇಳಲಾಗುವ ಫಿಲಿಪ್ಪೀನ್ಸ್ನ ದಕ್ಷಿಣದ ಸಮುದ್ರದಲ್ಲಿ ಫಿಲಿಪ್ಪೀನ್ಸ್ ಮತ್ತು ಅಮೆರಿಕಗಳು ಶನಿವಾರ ಜಂಟಿ ಗಸ್ತು ನಡೆಸಿದವು.
ಈ ವಲಯದಲ್ಲಿ ಹೆಚ್ಚುತ್ತಿರುವ ಭಯೋತ್ಪಾದಕರು ಮತ್ತು ಕಡಲ್ಗಳ್ಳರ ಉಪಸ್ಥಿತಿಯ ಹಿನ್ನೆಲೆಯಲ್ಲಿ ಹೆಚ್ಚಿದ ಕಳವಳದ ನಡುವೆಯೇ ಈ ಜಂಟಿ ಕಾರ್ಯಾಚರಣೆ ನಡೆದಿದೆ.
ಅಮೆರಿಕ ನೌಕಾಪಡೆಯ ಯುಎಸ್ಎಸ್ ಕೊರೊನಾಡೊ ನೌಕೆ ಮತ್ತು ಫಿಲಿಪ್ಪೀನ್ಸ್ನ ಬಿಆರ್ಪಿ ರಾಮನ್ ಅಲ್ಕಾರ್ಝ್ ನೌಕೆಗಳು ಸುಲು ಸಮುದ್ರದಲ್ಲಿ ಗಸ್ತು ತಿರುಗಿದವು ಎಂದು ಅಮೆರಿಕ ರಾಯಭಾರ ಕಚೇರಿಯ ಹೇಳಿಕೆಯೊಂದು ತಿಳಿಸಿದೆ.
ಇತ್ತೀಚಿನ ದಿನಗಳಲ್ಲಿ ಸಮುದ್ರದ ಈ ಭಾಗದಲ್ಲಿ ಭಯೋತ್ಪಾದಕ ಗುಂಪುಗಳು ಹಲವಾರು ಅಪಹರಣಗಳನ್ನು ನಡೆಸಿವೆ.
Next Story