103 ಬಾರಿ ಸಂಚಾರ ನಿಯಮ ಉಲ್ಲಂಘನೆ: ಬೈಕ್ ಮಾಲಕನಿಗೆ 58 ಸಾವಿರ ರೂ. ದಂಡ !
ಸಾಂದರ್ಭಿಕ ಚಿತ್ರ
ಬೆಂಗಳೂರು, ಆ.27: ಸಂಚಾರ ನಿಯಮಗಳ ಉಲ್ಲಂಘನೆಯ ಹಿನ್ನೆಲೆಯಲ್ಲಿ ಬುಲೆಟ್ ಬೈಕ್ ಮಾಲಕನೊಬ್ಬ 58,200 ರೂ. ದಂಡ ಪಾವತಿಸಿರುವ ಪ್ರಕರಣ ಆಡುಗೋಡಿಯಲ್ಲಿ ನಡೆದಿದೆ.
ಖಾಸಗಿ ಕಂಪೆನಿಯ ಉದ್ಯೋಗಿ ರಾಜೇಶ್ನ ಬುಲೆಟ್ ಬೈಕ್ ಮೇಲೆ ಸುಮಾರು 103 ಪ್ರಕರಣಗಳಿರುವುದು ಬೆಳಕಿಗೆ ಬಂದಿದೆ.
ಸಿಗ್ನಲ್ ಜಂಪ್, ಹೆಲ್ಮೆಟ್ ಇಲ್ಲದೇ ಸಂಚಾರ, ಒನ್ ವೇಯಲ್ಲಿ ಸಂಚಾರ ಹೀಗೆ ಸುಮಾರು 103 ಬಾರಿ ಬೈಕ್ ಸವಾರ ರಾಜೇಶ್ ಸಂಚಾರಿ ನಿಯಮ ಉಲ್ಲಂಘನೆ ಮಾಡಿದ್ದಾರೆ. ಈ ಕಾರಣದಿಂದ ಸಂಚಾರ ಪೊಲೀಸರು ಅವರಿಗೆ ನೋಟಿಸ್ ನೀಡಿದ್ದು, ಆಡುಗೋಡಿ ಸಂಚಾರ ಪೊಲೀಸ್ ಠಾಣೆಗೆ ಬಂದ ರಾಜೇಶ್ 58 ಸಾವಿರದ 200 ರೂ. ದಂಡ ಪಾವತಿಸಿದ್ದಾರೆ.
Next Story