'ರತ್ನನ್ ಪ್ರಪಂಚ': ಇದು ಅವ್ವಂದಿರ ಪ್ರಪಂಚ..! | Vartha Bharati- ವಾರ್ತಾ ಭಾರತಿ

--

'ರತ್ನನ್ ಪ್ರಪಂಚ': ಇದು ಅವ್ವಂದಿರ ಪ್ರಪಂಚ..!

'ರತ್ನನ್ ಪ್ರಪಂಚ' ಎಂದೊಡನೆ ಕನ್ನಡಿಗರಿಗೆ ಇರುವುದರಲ್ಲೇ ತೃಪ್ತಿ ಪಡುವವರ ಬಗ್ಗೆ ನೆನಪಾಗುತ್ತದೆ. ಜೆ.ಪಿ.ರಾಜರತ್ನಂ ಕವನಗಳು ಮೂಡಿಸಿರುವ ಪ್ರಭಾವ ಅದು. ಆದರೆ ಈ ಚಿತ್ರದಲ್ಲಿ ರತ್ನಾಕರ ಎನ್ನುವ ಯುವಕ ತನ್ನ ಕೌಟುಂಬಿಕ ಪ್ರಪಂಚದ ಬಗ್ಗೆ ಇನ್ನಷ್ಟು ಅರಿತುಕೊಳ್ಳುವ ಕತೆ ಇದು.

ಆತನ ತಾಯಿಯ ಹೆಸರು ಸರೋಜ. ರತ್ನಾಕರ ತನ್ನ ತಾಯಿಯನ್ನು ಹೆಸರಿನಿಂದಲೇ ಕರೆಯುತ್ತಿರುತ್ತಾನೆ. ತಾಯಿಯನ್ನು ಹೆಸರಲ್ಲೇ ಕರೆಯುವ ಸಾಕಷ್ಟು ಸಿನೆಮಾ ನೀವು ನೋಡಿರಬಹುದು. ಆದರೆ ಅಲ್ಲಿರುವಷ್ಟು ಪ್ರೀತಿಯ ನಾಟಕೀಯತೆ ಇಲ್ಲಿ ಕಾಣಿಸದು. ತಾಯಿ ಸ್ವಲ್ಪರಫ್ ಆ್ಯಂಡ್ ಟಫ್ ಎಂದೇ ಹೇಳಬೇಕು. ಆದರೆ ಅಂತಹದ್ದೊಂದು ಸಂಬಂಧದೊಳಗೆ ತಾನು ಆ ತಾಯಿಗೆ ದತ್ತು ಪುತ್ರ ಎಂದು ಅರಿವಾದಾಗ ಪುತ್ರನ ಮನಸ್ಸಿಗೆ ಏನಾಗಬಹುದು? ನಿರೀಕ್ಷೆಯಂತೆ ಆತನಿಗೆ ತನ್ನ ಹೆತ್ತ ತಾಯಿಯನ್ನು ನೋಡುವ ಹಂಬಲ ಹೆಚ್ಚುತ್ತದೆ. ಆದರೆ ಆನಂತರ ನಡೆಯುವುದೆಲ್ಲ ಸಾಮಾನ್ಯ ಪ್ರೇಕ್ಷಕನ ನಿರೀಕ್ಷೆಗಳನ್ನು ಮೀರಿದ ಘಟನೆಗಳು. ಹಾಗಾಗಿ ಕತೆ ಕೂಡ ಆಸಕ್ತಿದಾಯಕವಾಗಿ ಸಾಗುತ್ತದೆ.
ಚಿತ್ರದಲ್ಲಿ ರತ್ನಾಕರನಾಗಿ ಧನಂಜಯ್ ಜೀವಿಸಿದ್ದಾರೆ. ಅವರ ವೃತ್ತಿಬದುಕಿನ ಪಾತ್ರಗಳಲ್ಲಿ ವೈವಿಧ್ಯವನ್ನು ಕಾಪಾಡಿರುವುದಕ್ಕೆ ಇದೊಂದು ಉತ್ತಮ ಉದಾಹರಣೆ. ಆದರೂ ಒಟ್ಟು ಚಿತ್ರವನ್ನು ಗಮನಿಸಿದಾಗ ಮನದಲ್ಲಿ ಉಳಿಯುವುದು ಸರೋಜಳಾಗಿ ಉಮಾಶ್ರೀ ಮತ್ತು ಎಲ್ಲವ್ವಳಾಗಿ ಶ್ರುತಿ ನಿರ್ವಹಿಸಿರುವ ತಾಯಿಯ ಪಾತ್ರಗಳು ಮಾತ್ರ. ಹೇಳಿಕೇಳಿ ಇದು ತಾಯಿ ಮಕ್ಕಳ ಅನುಬಂಧದ ಕತೆ. ಹಾಗಾಗಿ ಒಂದೇ ದೃಶ್ಯದಲ್ಲಿ ಕಾಣಿಸುವ ಮತ್ತೋರ್ವ ತಾಯಿ ಪಾತ್ರಧಾರಿ ಶೋಭಾ ರಾಘವೇಂದ್ರ ಕೂಡ ಮನದಲ್ಲೇ ಉಳಿಯುತ್ತಾರೆ.
ಸಿನೆಮಾದ ಕತೆ ಮಾತ್ರವಲ್ಲ, ಒಂದು ಹಂತದವರೆಗೆ ಸಂಭಾಷಣೆ ಕೂಡ ನೈಜವಾಗಿ, ಆಕರ್ಷಕವಾಗಿದೆ. ಆದರೆ ಚಿತ್ರಕತೆಯ ವಿಚಾರಕ್ಕೆ ಬಂದರೆ ಆ ಮಾತು ಹೇಳುವಂತಿಲ್ಲ. ಯಾಕೆಂದರೆ ಮಧ್ಯದಲ್ಲಿ ಬರುವ ಅನುಪ್ರಭಾಕರ್ ಎಪಿಸೋಡ್ ಆರಂಭದ ಓಘಕ್ಕೆ ಹೋಲಿಸಿದರೆ ತೀರ ನೀರಸವಾಗಿದೆ.
ರವಿಶಂಕರ್ ಗೌಡ ಜೊತೆಗೆ ಅನು ಪ್ರಭಾಕರ್ ಅಂತಹ ನಟಿ ಇದ್ದರೂ ಆ ದೃಶ್ಯಗಳು ಹೆಚ್ಚೇನೂ ಪರಿಣಾಮ ಬೀರದಿರುವುದು ವಿಪರ್ಯಾಸ. ಆದರೆ ರತ್ನಾಕರನ ಹುಡುಕಾಟದ ಪಯಣದಲ್ಲಿ ಬಳಿಕ ಎದುರಾಗುವ ಉಡಾಳ್ ಬಾಬು ಒಂದಷ್ಟು ಹೊತ್ತು ನಾಯಕನನ್ನೇ ಮರೆಸುವಂತೆ ಅಬ್ಬರಿಸುತ್ತಾರೆ, ಆವರಿಸುತ್ತಾರೆ. ಆದರೆ ಅಲ್ಲಿ ಕೂಡ ಹಾಡೊಂದು ನುಸುಳಿಕೊಂಡು ಬಂದಾಗ ಇದು ಅಗತ್ಯ ಇರಲಿಲ್ಲ ಅನಿಸುವುದು ಸತ್ಯ.
ಇತರ ಪಾತ್ರಗಳ ಬಗ್ಗೆ ಹೇಳುವಾಗ ಪೋಷಕ ಪಾತ್ರಗಳನ್ನು ನಿರ್ವಹಿಸಿರುವ ಅಚ್ಯುತ್ ಕುಮಾರ್, ಜಹಾಂಗೀರ್ ಮೊದಲಾದವರ ಜೊತೆಗೆ ನಾಯಕಿ ಮಯೂರಿ ಪಾತ್ರಧಾರಿ ರೆಬಾ ಮೋನಿಕಾ ಜಾನ್ ಕೂಡ ನೆನಪಲ್ಲಿ ಉಳಿಯುತ್ತಾರೆ. ತಾಂತ್ರಿಕ ವಿಚಾರಕ್ಕೆ ಸಂಬಂಧಿಸಿದಂತೆ ಅಜನೀಶ್ ಲೋಕನಾಥ್ ಅವರ ಹಿನ್ನೆಲೆ ಸಂಗೀತ ಭಾವನಾತ್ಮಕ ಸನ್ನಿವೇಶಗಳಲ್ಲಿ ನೀಡಿದ ಕೊಡುಗೆಯನ್ನು ಸ್ಮರಿಸಲೇಬೇಕು.
ಒಟ್ಟಿನಲ್ಲಿ ಬೇರೆ ಬೇರೆಯಾದ ಕುಟುಂಬದ ಸದಸ್ಯರು ಒಂದಾಗಿ ಸೇರುವುದು ಹಳೆಯ ಕಾನ್ಸೆಪ್ಟ್. ಆದರೆ ಅದನ್ನು ತೀರ ಹೊಸದಾಗಿ ಹೃದಯಕ್ಕೆ ಹತ್ತಿರವಾಗುವಂತೆ ಹೇಳುವಲ್ಲಿ 'ರತ್ನನ್ ಪ್ರಪಂಚ'ದ ಮೂಲಕ ನಿರ್ದೇಶಕರು ಗೆದ್ದಿದ್ದಾರೆ.

ನಿರ್ದೇಶನ: ರೋಹಿತ್ ಪದಕಿ
ನಿರ್ಮಾಣ: ಕಾರ್ತಿಕ್ ಗೌಡ, ಯೋಗಿ ಜಿ. ರಾಜ್
ತಾರಾಗಣ: ಧನಂಜಯ, ರೆಬಾ ಮೋನಿಕಾ ಜಾನ್, ಉಮಾಶ್ರೀ, ಶ್ರುತಿ ಮೊದಲಾದವರು

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top