ಸರ್ವ ಧರ್ಮಗಳ ಸಾಮರಸ್ಯದ ಜಾತ್ರೆಯಾದ 'ಆಟಿದ ಕೂಟ'

ಬಂಟ್ವಾಳ ; ರಮಾನಾಥ ರೈ ನೇತೃತ್ವದಲ್ಲಿ 'ಆಟಿಡ್ ಕೆಸರ್ಡ್ ಒಂಜಿ ದಿನ'

-

ಬಂಟ್ವಾಳ, ಆ.14: ಆಟಿದ ಕೂಟ ಸಮಿತಿ ಬಂಟ್ವಾಳ ಇದರ ವತಿಯಿಂದ ಸ್ವಾತಂತ್ರ್ಯದ ಅಮೃತ ಮಹೋತ್ಸವದ ಪ್ರಯುಕ್ತ ತಾಲೂಕಿನ ಪಂಜಿಕಲ್ಲು ಬಾಲೇಶ್ವರ ಗರಡಿ ಗದ್ದೆಯಲ್ಲಿ ರವಿವಾರ ಹಮ್ಮಿಕೊಂಡ 'ಆಟಿಡ್ ಕೆಸರ್ಡ್ ಒಂಜಿ ದಿನ' ಕಾರ್ಯಕ್ರಮದಲ್ಲಿ ಬಂಟ್ವಾಳ ವಿಧಾನಸಭಾ ಕ್ಷೇತ್ರದ ಯುವ ಜನತೆ, ಮಹಿಳೆಯರು, ಮಕ್ಕಳು, ಪುರಿಷರು ಕೆಸರು ಗದ್ದೆಯಲ್ಲಿ ಮಿಂದೆದ್ದರು. 

ಎಳೆ ವಯಸ್ಸಿನ ಮಕ್ಕಳಿಂದ ಹಿಡಿದು ಯುವಕ, ಯುವತಿಯರು, ಪುರುಷರು, ಮಹಿಳೆಯರು ಕೆಸರು ಗದ್ದೆಯಲ್ಲಿ ನಡೆದ ವಿವಿಧ ರೀತಿಯ ಆಟೋಟದಲ್ಲಿ ಭಾಗವಹಿಸಿ ಸಖತ್​ ಎಂಜಾಯ್​ ಮಾಡಿದರು. ಆಟೋಟದ ಜೊತೆ ಮಕ್ಕಳು ನೀರು ತುಂಬಿದ ಕೆಸರು ಗದ್ದೆಯಲ್ಲಿ ಕುಣಿದು ಕುಪ್ಪಳಿಸಿ ಮೈ ಮೆರೆದರು. 

ಧರ್ಮದ ಹೆಸರಿನಲ್ಲಿ ಅಹಿತಕರ ಘಟನೆಗಳಿಂದ ಕೋಮು ಸೂಕ್ಷ್ಮ ತಾಲೂಕು ಎಂದೇ ಕುಖ್ಯಾತಿಗೆ ಒಳಗಾದ ಬಂಟ್ವಾಳದಲ್ಲಿ ಈ ಆಟಿದ ಕೂಟ ಸೌಹಾರ್ದತೆಯನ್ನು ಸಾರುವ ಕಾರ್ಯಕ್ರಮವಾಗಿ ಮಹತ್ವವನ್ನು ಪಡೆಯಿತು. 

ಎಲ್ಲಾ ಜಾತಿ, ಧರ್ಮ, ವರ್ಗದ ಜನರು ಒಂದೆಡೆ ಸೇರಿ ಒಂದೇ ಗದ್ದೆಯಲ್ಲಿ ವಿವಿಧ ಅಟೋಟದಲ್ಲಿ ಭಾಗಿಯಾಗಿದರು. ಎಲ್ಲರೂ ಒಂದೆಡೆ ಸೇರಿ ಊಟ ಉಪಹಾರ ಸೇವಿಸಿ ಆನಂದಿಸಿದ ಈ ಕಾರ್ಯಕ್ರಮ ಸರ್ವ ಧರ್ಮಗಳ ಸಾಮರಸ್ಯದ ಜಾತ್ರೆಯಾಗಿಯೇ ಮಾರ್ಪಟ್ಟಿತು. 

ಕಾರ್ಯಕ್ರಮದಲ್ಲಿ ಸಂಗೀತ ಕುರ್ಚಿ, ಶೂಟಿಂಗ್ ದ ವಿಕೆಟ್, ಕೆಸರುಗದ್ದೆ ಓಟ, ಲಿಂಬೆ ಚಮಚ ಓಟ, ಪಾಡ್ದನ ಹೇಳುವ ಸ್ಪರ್ಧೆ, ಹಿಮ್ಮುಖ ಓಟ, ನೀರಿನ ಕೊಡ ಸೊಂಟದಲ್ಲಿಟ್ಟು ಓಟ, ಮಡಲು ಹೆಣೆಯುವುದು, ಮಡಿಕೆ ಹೊಡೆಯುವುದು, ಕಾರುಕಂಬ್ಳ ಓಟ, ಅಂತರ್ ಪಂಚಾಯತ್ ತಂಡಗಳ ನಡುವೆ ಹಗ್ಗ ಜಗ್ಗಾಟ, ಬಾಲ್ ಎಸೆತ, ಉರಾಳ್ ಹಾಕುವುದು, ಅಡಿಕೆ ಹಾಳೆಯಲ್ಲಿ ಎಳೆತ, ದಂಪತಿಗೆ ಕ್ರೇಝಿ ಗೇಮ್ಸ್, ತಪ್ಪಂಗಾಯಿ ಓಟ, ತೆಂಗಿನಕಾಯಿ ಉರುಳಿಸುವುದು ಮೊದಲಾದ ಆಟಗಳು ಗಮನ ಸೆಳೆಯಿತು.

ಪ್ರಾರಂಭದಲ್ಲಿ ಪಂಜಿಕಲ್ಲು ಬಸದಿ ಹಾಗೂ ಗರಡಿಯಲ್ಲಿ ಪ್ರಾರ್ಥನೆ ನೆರವೇರಿಸಲಾಯಿತು. ಕಂಬಳದ ಕೋಣಗಳು ಸಹಿತ ಮೆರವಣಿಗೆ ನಡೆಸಿ ಕೋಣೆಗಳನ್ನು ಕೆಸರುಗದ್ದೆಗೆ ಇಳಿಸಲಾಯಿತು. ಆಟಿದ ಕೂಟ ಸಮಿತಿಯ ಗೌರವಾಧ್ಯಕ್ಷ ಬಿ.ರಮಾನಾಥ ರಶಾತೃತ್ವದಲ್ಲಿ ನಡೆದ ಕಾರ್ಯಕ್ರಮದಲ್ಲಿ, ಸಮಿತಿ ಅಧ್ಯಕ್ಷ ಪಿಯೂಸ್ ಎಲ್.ರಾಡ್ರಿಗಸ್ ಪ್ರಾಸ್ತಾವಿಕವಾಗಿ ಮಾತನಾಡಿದರು. 

ಪಂಜಿಕಲ್ಲು ಗರಡಿ ಆಡಳಿತ ಪ್ರಮುಖ ಪ್ರಕಾಶ್‌ ಕುಮಾರ್ ಜೈನ್, ಸಮಿತಿಯ ಪ್ರಮುಖರಾದ ಬೇಬಿ ಕುಂದರ್, ಸುದೀಪ್‌ ಕುಮಾರ್ ಶೆಟ್ಟಿ, ಬಿ.ಪದ್ಮಶೇಖರ್ ಜೈನ್, ಎಂ.ಎಸ್.ಮುಹಮ್ಮದ್, ಚಂದ್ರಪ್ರಕಾಶ್ ಶೆಟ್ಟಿ, ಅಬ್ಬಾಸ್ ಅಲಿ ಮೊದಲಾದವರು ಉಪಸ್ಥಿತರಿದ್ದರು.  

ಪ್ರಧಾನ ಕಾರ್ಯದರ್ಶಿ ಸುದರ್ಶನ್ ಜೈನ್ ಸ್ವಾಗತಿಸಿದರು. ಕೋಶಾಧಿಕಾರಿ ದೇವಪ್ಪ ಕುಲಾಲ್ ವಂದಿಸಿದರು. ಮಾಣಿ ಗ್ರಾಪಂ ಅಧ್ಯಕ್ಷ ಬಾಲಕೃಷ್ಣ ಆಳ್ವ ಕಾರ್ಯಕ್ರಮ ನಿರ್ವಹಿಸಿದರು. 

'ತಿಂಡಿ ತಿನಿಸುಗಳು, ಕಷಾಯದ ರುಚಿ ಸವಿದು ಆನಂದಿಸಿದ ಜನತೆ' 

ಕಾರ್ಯಕ್ರಮದಲ್ಲಿ ತುಳುನಾಡಿದ ಸಾಂಪ್ರದಾಯಿಕ ತಿಂಡಿ ತಿನಿಸುಗಳು, ಕಷಾಯ ಗಮನ ಸೆಳೆಯಿತು. ಬೆಳಗ್ಗೆ ನಾಚಿಗೆ ಮುಳ್ಳು ಕಷಾಯ, ಬೇಂಗದ ಕೆತ್ತೆ ಕಷಾಯ, ಪತ್ರೊಡೆ, ಪದೆಂಜಿ ಉಪ್ಪುಕರಿ, ಪೆಲಕಾಯಿ ಗಟ್ಟಿ. ಮಧ್ಯಾಹ್ನದ ಊಟಕ್ಕೆ ಕಣಿಲೆ ಉಪ್ಪಡ್, ಚೇವು ಸೋನೆ ಸೊಪ್ಪು ಚಟ್ನಿ, ಉಪ್ಪಡ್ ಪಚ್ಚಿಲ್ ಪಲ್ಯ, ಕುಡುತ ಸಾರ್, ಕರಿಚೇವು ಅಂಬಡೆ ಗಸಿ, ಪೂಂಬೆ ಚಟ್ನಿ, ತಜಂಕ್ ಪೆಲತರಿ ಸುಕ್ಕ, ಕಂಚಲ್ ಪೀರೆ ಪೋಡಿ, ಕಜೆ ಅರಿ ನುಪ್ಪು, ಪೆಲಕಾಯಿ ಪಾಯಸ. ಸಂಜೆಗೆ ಪೆಲಕಾಯಿ ಗಾರಿ, ಪತ್ರೊಡೆ ಉಪ್ಪುಕರಿ, ರಾಗಿ ಮಣ್ಣಿ, ಕಡುಬು ಮಂಜಲ್ ಇರೆತ ಗಟ್ಟಿ, ತಜಂಕ್ ಅಂಬಡೆ, ಈಂದ್ ಹುಡಿ ಕಷಾಯದ ರುಚಿ ಸವಿದು ಆನಂದಿಸಿದರು.

"ಎಲ್ಲಾ ಸಮುದಾಯದ ಜನರು ಸೇರಿ ನಡೆಸುತ್ತಿದ್ದ ಕೃಷಿ ಪದ್ಧತಿ ಇಂದು ಬದಲಾವಣೆ ಕಂಡಿದೆ. ಹಿಂದಿನ ಕಾಲದ ಕಷ್ಟದ ದಿನಗಳು ಕೂಡ ಇಂದು ಇಲ್ಲವಾಗಿದೆ. ಆದರೆ ನಮ್ಮ ತುಳುನಾಡಿನ ಪರಂಪರೆಯನ್ನು ಮುಂದಿನ ಜನಾಂಗಕ್ಕೆ ಪರಿಚಯಿಸುವ ಕಾರ್ಯ ಅಗತ್ಯವಾಗಿ ನಡೆಯಬೇಕು". 

- ಬಿ.ರಮಾನಾಥ ರೈ, ಮಾಜಿ ಸಚಿವ 

ಗಮನ ಸೆಳೆದ 'ಕೆನೆ ಕಲ್ಪನೆ' ಸ್ವರ್ಧೆ 

ಕೋಲು ಒಂದಕ್ಕೆ ಅಡಿಕೆ ಹಾಳೆಯನ್ನು ಹಗ್ಗದಿಂದ ಕಟ್ಟಿ, ಹಾಳೆಯಲ್ಲಿ ಒಬ್ಬ ಕುಳಿತುಕೊಂಡು ಇಬ್ಬರು ಕೋಲನ್ನು ನೊಗದ ಮಾದರಿಯಲ್ಲಿ ಹೆಗಲಲ್ಲಿ ಇಟ್ಟು ಎಳೆಯುತ್ತಾ ಓಡುವ ಕಂಬಳದ ಕೆನೆ ಹಲಗೆ ಮಾದರಿಯ ವಿನೂತನ ಆಟ ಜನಮನ ಸೆಳೆಯಿತು. ಗದ್ದೆಯಲ್ಲಿ ನಿರ್ಮಿಸಿದ್ದ ಕೋಟಿ ಚೆನ್ನಯ ಕರೆಯಲ್ಲಿ ಈ ಆಟ ನಡೆಯುವ ಮೂಲಕ ಕಂಬಳದ ಅನುಭವ ನೀಡಿತು. ಈ ವಿನೂತನ ಆಟವನ್ನು ಆಟಿದ ಕೂಟ ಸಮಿತಿಯ ಅಧ್ಯಕ್ಷ ಪಿಯೂಸ್ ಎಲ್. ರೋಡ್ರಿಗಸ್ ಪರಿಚಯಿಸಿದರು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top