ಕಟ್ಟಡದೊಳಗಿದ್ದವರು ಹೊರಗೋಡಿ ಅಪಾಯದಿಂದ ಪಾರು

ಉಡುಪಿ: 73 ವರ್ಷ ಹಳೆಯ ಬಹುಮಹಡಿ ಕಟ್ಟಡ ಭಾಗಶಃ ಕುಸಿತ

ಉಡುಪಿ, ಸೆ.18: ನಗರದ ಚಿತ್ತರಂಜನ್ ಸರ್ಕಲ್ ಬಳಿ ಇರುವ 73 ವರ್ಷ ಪೂರ್ವದ ಹಳೆಯ ಬಹು ಮಹಡಿ ಕಟ್ಟಡ ‘ರಾಯಲ್ ಮಹಲ್’ನ ಒಂದು ಪಾರ್ಶ್ವ ಇಂದು ಅಪರಾಹ್ನ 1:30ರ ಸುಮಾರಿಗೆ ಭಾಗಶ: ಕುಸಿದು ಬಿದ್ದಿದೆ. ಆದರೆ ಇದರಿಂದ ಯಾವುದೇ ಜೀವಹಾನಿ ಸಂಭವಿಸಲಿಲ್ಲ.
ಎರಡು ಮಹಡಿಗಳ ಈ ಹಳೆ ಕಟ್ಟಡದಲ್ಲಿ ಬೇಕರಿ, ಭಾರತೀಯ ಜನೌಷಧಿ ಕೇಂದ್ರ, ಹೊಟೇಲ್ ಸೇರಿದಂತೆ ಆರು ಅಂಗಡಿಗಳು ವ್ಯವಹಾರ ನಡೆಸುತಿದ್ದವು ಇದೀಗ ಕಟ್ಟಡದ ಉಳಿದ ಭಾಗಗಳೂ ಕುಸಿಯುವ ಹಂತದಲ್ಲಿವೆ. ಕೂಡಲೇ ಕಟ್ಟಡದ ಉಳಿದ ಭಾಗಗಳನ್ನೂ ಸಂಪೂರ್ಣವಾಗಿ ಕೆಡವುವಂತೆ ಕಟ್ಟಡದ ಮಾಲಕರಿಗೆ ಸ್ಪಷ್ಟ ಸೂಚನೆ ನೀಡಲಾಗಿದೆಯಲ್ಲದೇ, ನಗರಸಭೆಯ ವತಿಯಿಂದ ನೋಟೀಸನ್ನು ಸಹ ನೀಡಲಾಗಿದೆ ಎಂದು ನಗರಸಭಾ ಆಯುಕ್ತ ಆನಂದ ಕಲ್ಲೊಳೀಕರ್ ತಿಳಿಸಿದ್ದಾರೆ.

ಅಪರಾಹ್ನದ ವೇಳೆ ಹಠಾತ್ತನೆ ಕಟ್ಟಡದ ಒಂದು ಭಾಗ ಕುಸಿಯಲಾರಂಭಿಸಿ ಮಣ್ಣು ಬೀಳುತಿದ್ದಂತೆ ತಳಮಹಡಿಯಲ್ಲಿದ್ದ ಹೊಟೇಲ್, ಬೇಕರಿ, ಔಷಧ ಅಂಗಡಿಗಳ ಸಿಬ್ಬಂದಿ, ಕೆಲಸಗಾರರು ಹೊರಗೆ ಓಡಿ ಬಂದು ಅಪಾಯದಿಂದ ಪಾರಾಗಿದ್ದಾರೆ. ಕೆಲವೇ ಕ್ಷಣದಲ್ಲಿ ಕಟ್ಟಡದ ಒಂದು ಪಾರ್ಶ್ವ ಕುಸಿದು ಬಿತ್ತು. ಆದರೆ ಯಾವುದೇ ಪ್ರಾಣಹಾನಿ ಸಂಭವಿಸಲಿಲ್ಲ.

ಕಟ್ಟಡದಲ್ಲಿದ್ದ ಹೊಟೇಲ್ ನ್ಯೂ ದ್ವಾರಕದ ಮಹಿಳಾ ಸಿಬಂದಿಯೊಬ್ಬರು ಶಬ್ದ ಕೇಳಿ ಹೊರಗೆ ಓಡಿ ಬರುವಾಗ ಕಾಲು ಜಾರಿ ಬಿದ್ದು, ಗಾಯ ಮಾಡಿಕೊಂಡರು. ಚಿಕಿತ್ಸೆಗಾಗಿ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪಕ್ಕದಲ್ಲೇ ಇದ್ದ ವಿದ್ಯುತ್ ಪರಿವರ್ತಕಕ್ಕೆ ಹಾನಿಯಾಗಿದೆ. ಇದರಿಂದ ಪರಿಸರದಲ್ಲಿ ಕೆಲ ಹೊತ್ತು ವಿದ್ಯುತ್ ಹಾಗೂ ವಾಹನ ಸಂಚಾರದಲ್ಲಿ ವ್ಯತ್ಯಯ ಉಂಟಾಯಿತು.

ಕೆಲಹೊತ್ತಿನಲ್ಲಿ ಸ್ಥಳಕ್ಕೆ ಆಗಮಿಸಿದ ಅಗ್ನಿಶಾಮಕ ದಳ ಹಾಗೂ ಪೊಲೀಸ್ ಸಿಬ್ಬಂದಿಗಳು ರಕ್ಷಣೆ ಹಾಗೂ ಪರಿಹಾರ ಕಾರ್ಯದಲ್ಲಿ ತೊಡಗಿಸಿ ಕೊಂಡರು. ಕಟ್ಟಡ ಸದ್ಯ ಭಾಗಶಃ ಕುಸಿದಿದೆ. ಇದು ಸ್ವಾತಂತ್ರ ಪೂರ್ವ ಕಟ್ಟಡವಾಗಿದ್ದು, ಉಳಿದಿರುವ ಭಾಗವೂ ದುರ್ಬಲಗೊಂಡಿರುವುದರಿಂದ ಕೂಡಲೇ ಸಂಪೂರ್ಣ ತೆರವುಗೊಳಿಸುವಂತೆ ಮಾಲಕರಿಗೆ ಸೂಚಿಸಲಾಗಿದೆ.

ಸ್ವಾತಂತ್ರ ಪೂರ್ವ ಕಟ್ಟಡ

ಉಡುಪಿಯ ಕೇಂದ್ರಸ್ಥಾನದಲ್ಲಿ ಹಾಜಿ ಅಬ್ದುಲ್ಲಾ ಮಹಿಳಾ ಮತ್ತು ಮಕ್ಕಳ ಆಸ್ಪತ್ರೆಯ ಪಕ್ಕದಲ್ಲೇ 1947ರಲ್ಲಿ ನಿರ್ಮಾಣಗೊಂಡ ರಾಯಲ್ ಮಹಲ್ ವಸತಿಗೃಹ ನಗರದ ಅಪರೂಪದ ಬಹುಮಹಡಿ ಕಟ್ಟಡವಾಗಿದೆ. ಇದು ಇಂಗ್ಲಿಷ್ ‘ಯು’ ಆಕಾರದಲ್ಲಿ ಇದೆ. ಸಾಯಿರಾಜ್ ಹೆಗ್ಡೆ ಎಂಬವರು ಈ ಕಟ್ಟಡದ ಮಾಲಕರಾಗಿದ್ದಾರೆ. ಇದೀಗ ನಿರ್ಮಾಣಗೊಂಡು 73 ವರ್ಷ ಪೂರೈಸಿರುವ ಈ ಕಟ್ಟಡದ ಎಲ್ಲಾ ಮಳಿಗೆಗಳಲ್ಲೂ ವ್ಯವಹಾರಗಳು ನಡೆಯುತಿದ್ದವು.

ಉಡುಪಿಯ ಕೇಂದ್ರಸ್ಥಾನದಲ್ಲಿ ಹಾಜಿ ಅಬ್ದುಲ್ಲಾ ಮಹಿಳಾ ಮತ್ತು ಮಕ್ಕಳ ಆಸ್ಪತ್ರೆಯ ಪಕ್ಕದಲ್ಲೇ 1947ರಲ್ಲಿ ನಿರ್ಮಾಣಗೊಂಡ ರಾಯಲ್ ಮಹಲ್ ವಸತಿಗೃಹ ನಗರದ ಅಪರೂಪದ ಬಹುಮಹಡಿ ಕಟ್ಟಡವಾಗಿದೆ. ಇದು ಇಂಗ್ಲಿಷ್ ‘ಯು’ ಆಕಾರದಲ್ಲಿ ಇದೆ. ಸಾಯಿರಾಜ್ ಹೆಗ್ಡೆ ಎಂಬವರು ಈ ಕಟ್ಟಡದ ಮಾಲಕರಾಗಿದ್ದಾರೆ. ಇದೀಗ ನಿರ್ಮಾಣಗೊಂಡು 73 ವರ್ಷ ಪೂರೈಸಿರುವ ಈ ಕಟ್ಟಡದ ಎಲ್ಲಾ ಮಳಿಗೆಗಳಲ್ಲೂ ವ್ಯವಹಾರಗಳು ನಡೆಯುತಿದ್ದವು.

ನಗರಸಭೆಯಿಂದ ಮಾಲಕರಿಗೆ ನೋಟಿಸ್ 

ಇದು ನಗರದ ಹಳೆಯ ಕಟ್ಟಡಗಳಲ್ಲಿ ಒಂದಾಗಿದೆ. ಇದೀಗ ಕಟ್ಟಡದ ಒಂದು ಭಾಗ ಕುಸಿದಿದ್ದು, ಉಳಿದ ಭಾಗವೂ ಕುಸಿಯುವ ಸಂಭವವಿದೆ. ಹೀಗಾಗಿ ಕಟ್ಟಡವನ್ನು ಸಂಪೂರ್ಣವಾಗಿ ನೆಲಸಮ ಮಾಡುವಂತೆ ಕಟ್ಟಡದ ಮಾಲಕರಿಗೆ ಈಗಾಗಲೇ ವೌಖಿಕವಾಗಿ ತಿಳಿಸಿದ್ದು, ನಗರಸಭೆಯಿಂದ ನೋಟಿಸ್ ಸಹ ನೀಡಲಾಗುವುದು. ಕಟ್ಟಡವನ್ನು ಸಂಪೂರ್ಣ ತೆರವುಗೊಳಿಸುವ ಹೊಣೆ ಮಾಲಕರದ್ದಾಗಿದೆ.

- ಆನಂದ ಸಿ.ಕಲ್ಲೋಳಿಕರ್, ಪೌರಾಯುಕ್ತರು, ಉಡುಪಿ ನಗರಸಭೆ

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top