ಹೊಲಸು ಬೈಗಳು ಬಳಸಬೇಡಿ: ವರ್ತಕರ ಮನವಿ | Vartha Bharati- ವಾರ್ತಾ ಭಾರತಿ

--

ಹೊಲಸು ಬೈಗಳು ಬಳಸಬೇಡಿ: ವರ್ತಕರ ಮನವಿ

ಉಪ್ಪಿನಂಗಡಿ: ದಯವಿಟ್ಟು 'ಲೋಪರ್, ಏಕವಚನ' ಪದ ಬಳಸಬೇಡಿ,  ಹೊಲಸು ಪದಗಳ ಬೈಗಳು ಕೇಳುವುದಕ್ಕಿಂತ ವ್ಯಾಪಾರ ಮಾಡದಿರುವುದೇ ಉತ್ತಮ ಎಂದೆನಿಸುತ್ತಿದೆ. ಅಗತ್ಯ ವಸ್ತುಗಳ ಖರೀದಿಗೆ ಅವಕಾಶ ಕಲ್ಪಿಸಿ ನಿಗದಿ ಸಮಯದೊಳಗೆ ಎಲ್ಲಾ ಗ್ರ್ರಾಹಕರಿಗೆ ಸೇವೆ ಸಲ್ಲಿಸಲಾಗದಿರುವುದಕ್ಕೆ ಮಾರಾಟಗಾರ ಅಪರಾಧಿಯಾಗುತ್ತಾನೆ ಎನ್ನುವುದಾದರೆ ಲಾಕ್ ಡೌನ್ ಪ್ರಕ್ರಿಯೆ ಮುಗಿಯುವ ವರೆಗೆ ಅಗತ್ಯ ವಸ್ತುಗಳ ಮಾರಾಟಕ್ಕೂ ಅವಕಾಶ ನೀಡಬೇಡಿ ಎಂಬ ಅಭಿಪ್ರಾಯ ಉಪ್ಪಿನಂಗಡಿ ವಲಯದ ದಿನಸಿ ವ್ಯಾಪಾರಿಗಳಿಂದ ವ್ಯಕ್ತವಾಗಿದೆ. 

ಕೊರೋನ ವಿಶ್ವವನ್ನು ಕಾಡಿದ ಸಮಸ್ಯೆ. ಅದನ್ನು ನಿವಾರಿಸಲು ಸರಕಾರ ತಂದಿರುವ ಎಲ್ಲಾ ಕಾನೂನುಗಳನ್ನು ನಾವು ಗೌರವಿಸಲೇ ಬೇಕು. ಪಾಲಿಸಲೇ ಬೇಕು. ಅಂತೆಯೇ 8 ಗಂಟೆಗೆ ಬಂದ ಗ್ರಾಹಕ ಆತನ ಚೀಟಿ ಸರತಿ ಸಾಲಿನಲ್ಲಿ  8.50 ಕ್ಕೆ ನಮ್ಮ ಕೈ ತಲುಪಿದರೆ ಆತನಿಗೆ ಅಗತ್ಯ ವಸ್ತುಗಳನ್ನು ಕೊಡದೆ ಹಿಂದಕ್ಕೆ ಕಳುಹಿಸಿವುದು ಸರಿಯೆನಿಸುವುದೇ ? ಮಾನವೀಯ ನೆಲೆಯಲ್ಲಿ ಆತನಿಗೆ ಸೇವೆ ನೀಡಲು  ಪ್ರಯತ್ನಿಸಿದಾಗ " ಹೇ ಲೋಪರ್ ಬಾಗಿಲು ಹಾಕೋ' ಎಂಬ ಪದ ಕೇಳಿಸಿಕೊಂಡರೆ ಈ ವ್ಯಾಪಾರ ನಮಗೆ ಬೇಕಾ ಎಂಬ ಪ್ರಶ್ನೆ ನಮ್ಮನ್ನು ಕಾಡುತ್ತಿದೆ ಎಂದು ವ್ಯಾಪಾರಿಯೊಬ್ಬರು ವರ್ತಕ ಸಂಘದ ಪದಾಧಿಕಾರಿಗಳಲ್ಲಿ  ನೊಂದು ನುಡಿದಿದ್ದಾರೆ.

ಉಪ್ಪಿನಂಗಡಿಯಲ್ಲಿ ಪ್ರೊಬೆಷನರಿ ನೆಲೆಯಲ್ಲಿ ಕರ್ತವ್ಯದಲ್ಲಿರುವ ಯುವ ಎಸೈಯೊಬ್ಬರು ದ.ಕ ಜಿಲ್ಲೆಯ ಜನತೆಗೆ ಹಿತವೆನಿಸದ  ಪದಗಳನ್ನೇ ಹೆಚ್ಚಾಗಿ ಬಳಸುತ್ತಿರುವ ಬಗ್ಗೆ ವರ್ತಕ ಸಮುದಾಯದಿಂದ ಬಹಳಷ್ಟು ಅಸಮಾಧಾನ- ಆಕ್ರೋಶಗಳು ಕೇಳಿ ಬರುತ್ತಿದೆ. ಬಹಳಷ್ಟು ಸಂದರ್ಭದಲ್ಲಿ ಪೊಲೀಸ್ ಅಧಿಕಾರಿಯ ಈ ಅಹಿತ ನಡೆ ಅಗತ್ಯ ವಸ್ತುಗಳಿಗಾಗಿ ಬರುವ ಗ್ರಾಹಕರ ಮೇಲೆ ದುಷ್ಪರಿಣಾಮ ಬೀರುತ್ತಿದ್ದು, ಅಂಗಡಿ ಮಾಲಕರು ಗ್ರಾಹಕರ ವಿರುದ್ಧ ರೇಗುವಂತಹ ಪರಿಸ್ಥಿತಿಯನ್ನು ತಂದೊಡ್ಡಿದೆ ಎಂದು ಸ್ಥಳೀಯರು ತಿಳಿಸಿದ್ದಾರೆ.

ಸಮಾಜದಲ್ಲಿ ಸಭ್ಯರು - ಅಸಭ್ಯರು ಯಾರೆನ್ನುವುದನ್ನು ಅರ್ಥೈಸಿಕೊಂಡು ಪೊಲೀಸರು ತಮ್ಮಲ್ಲಿನ ಭಾಷಾ ಪ್ರಹಾರವನ್ನು ಬಳಸುವಂತೆ ಗಮನಹರಿಸಬೇಕಾಗಿದೆ. ಇಲ್ಲವಾದರೆ ಕೊರೋನ ಭೀತಿಯ ನಡುವೆಯೂ  ಜನರಿಗೆ ಅವಶ್ಯ ವಸ್ತುಗಳ ಸೇವೆ ಒದಗಿಸುತ್ತಿರುವ ವ್ಯಾಪಾರಿಗಳು ತಮ್ಮ ಕರ್ತವ್ಯದಿಂದ ವಿಮುಖವಾದರೆ ಇನ್ನಷ್ಟು ಗೊಂದಲಗಳು ನಿರ್ಮಾಣವಾಗಲಿದೆ.

ಇಲ್ಲಿ ಕೆಲವು ಹಂಚಿನ ಛಾವಣಿಯ, ಹಳೆಯ ಕಟ್ಟಡದಲ್ಲಿರುವ ಅಂಗಡಿಗಳಿದ್ದು, ಈ ಮಧ್ಯೆ ಕಳೆದ ಕೆಲ ದಿನಗಳಿಂದ ಲಾಕ್ ಡೌನ್ ಕಾರಣಕ್ಕೆ ಬಾಗಿಲನ್ನೇ ತೆರೆಯದ  ಹಲವು ಅಂಗಡಿಗಳಲ್ಲಿನ ವಸ್ತುಗಳು ಇಲಿ  ಹೆಗ್ಗಣಗಳಂತಹ ಪ್ರಾಣಿಗಳಿಂದ ಹಾನಿಗೀಡಾಗುವ ಭೀತಿ ಇದ್ದರೆ,  ಇನ್ನೊಂದೆಡೆ ಸತತವಾಗಿ ಸುರಿಯುವ ಮಳೆಯಿಂದಾಗಿ  ನೀರು ಸೋರಿಕೆಯಾಗಿ  ವಸ್ತುಗಳ ಹಾನಿಗೀಡಾಗುವ  ಸಾಧ್ಯತೆ ಇದೆ. ಈ ಕಾರಣಕ್ಕೆ ಸಮಸ್ಯೆಯ ಸಾಧ್ಯತೆ ಇರುವ ಅಂಗಡಿಗಳ ಮಾಲಕರಿಗೆ ತಮ್ಮತಮ್ಮ  ಅಂಗಡಿಯೊಳಗಿನ ಸ್ಥಿತಿಗತಿಯನ್ನು ಪರಿಶೀಲಿಸಲು ಮತ್ತು  ಅಗತ್ಯ  ದುರಸ್ತಿ ಕಾರ್ಯವನ್ನು ಮಾಡಲು ಲಾಕ್ ಡೌನ್ ಅವಧಿಯಲ್ಲಿ ಅವಕಾಶ ನೀಡಬೇಕೆಂದು ವರ್ತಕ ಸಂಘದ ನಿಕಟಪೂರ್ವಾಧ್ಯಕ್ಷ ಹಾರೂನ್ ರಶೀದ್ ಅಗ್ನಾಡಿ ಪುತ್ತೂರು ಶಾಸಕ ಸಂಜೀವ ಮಟಂದೂರು ಅವರಲ್ಲಿ ವಿನಂತಿಸಿದ್ದಾರೆ. 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top