ಅಡುಗೆ ಎಂಬುದು ವಿಶಿಷ್ಟ ಕಲೆಯ ಜಾದೂ: ಡಾ.ನಬನೀತಾ ಸೇನ್

-

ಮಣಿಪಾಲ, ಫೆ.25: ಅಡುಗೆ ಮನೆ ಎಂಬುದು ರುಚಿ-ರಸವನ್ನು ಉತ್ಪಾದಿಸುವ ಒಂದು ಪ್ರಯೋಗಶಾಲೆ. ಇದು ಮಹಿಳೆಯೊಬ್ಬಳ ಸೃಷ್ಟಿಶೀಲತೆ, ಸೃಜನಶೀಲತೆಯನ್ನು ಬೆಳೆಸುವ ತಾಣ ಎಂದು ಬಂಗಾಳದ ಖ್ಯಾತನಾಮ ಸಾಹಿತಿ, ಕವಯಿತ್ರಿ ಡಾ.ನಬನೀತಾ ದೇವ್ ಸೇನ್ ಅಭಿಪ್ರಾಯ ಪಟ್ಟಿದ್ದಾರೆ.

ಮಣಿಪಾಲ ವಿವಿಯ ಡಾ.ಟಿಎಂಎ ಪೈ ಭಾರತೀಯ ಸಾಹಿತ್ಯ ಪೀಠದ ವತಿಯಿಂದ ಮಣಿಪಾಲ ಡಾಟಿಎಂಎ ಪೈ ಪ್ಲಾನೆಟೋರಿಯಂ ಆವರಣದ ಲ್ಲಿರುವ ಎಂಸಿಪಿಎಚ್‌ನ ಡಾ.ಗಂಗೂಬಾಯಿ ಹಾನಗಲ್ ಸಭಾಂಗಣದಲ್ಲಿ ಇಂದು ಪ್ರಾರಂಭಗೊಂಡ ಎರಡು ದಿನಗಳ ವಿಶಿಷ್ಟವಾದ 'ಅಡುಗೆಮನೆ ಜಗತ್ತು-ವಿಚಾರ ಸಂಕಿರಣ; ವನ್ನು ಉದ್ಘಾಟಿಸಿ ಅವರು ದಿಕ್ಸೂಚಿ ಭಾಷಣ ಮಾಡುತಿದ್ದರು.

ಅಡುಗೆ ಮನೆ ಎಂಬುದು ಮಹಿಳೆಯ ಪಾಲಿಗೆ ಒಂದರ್ಥದಲ್ಲಿ ಸೆರೆಮನೆ ಯಾಗಿದೆ. ಆದರೆ ನಾವದನ್ನು ಸುಂದರವಾದ, ಸೃಜನಶೀಲತೆ ವಿಕಸಿಸುವ ಜೈಲಾಗಿ ಪರಿವರ್ತಿಸುವಲ್ಲಿ ಯಶಸ್ವಿಯಾಗಿದ್ದೇವೆ ಎಂದವರು ವಿವರಿಸಿದರು.

ನಮ್ಮ ಕೃಷಿ ಪ್ರಧಾನ ಸಮಾಜದಲ್ಲಿ ಅಡುಗೆಮನೆಗೆ ಗೌರವಯುತವಾದ ಸ್ಥಾನವಿದೆ. ಇಲ್ಲಿ ಇಡೀ ಕುಟುಂಬಕ್ಕೆ ಬೇಕಾದ ರುಚಿ ಹಾಗೂ ಪೌಷ್ಠಿಕತೆಗಳು ಉತ್ಪಾದನೆಯಾಗುತ್ತವೆ. ಅಡುಗೆಮನೆ ಆ ಕುಟುಂಬದ ಆರ್ಥಿಕ ಸ್ಥಿತಿ-ಗತಿ ಹಾಗೂ ಹಿನ್ನೋಟವನ್ನೂ ಸಹ ಪ್ರತಿಬಿಂಬಿಸುತ್ತದೆ ಎಂದರು.
ಅಡುಗೆ ಎಂಬುದು ವಿಶಿಷ್ಟ ಕಲೆಯ ಜಾದೂ ಆಗಿದೆ. ಇದನ್ನು ಸುಲಭದಲ್ಲಿ ವಿವರಿಸಲಾಗದು. ಅಡುಗೆ ಮನೆಯಲ್ಲಿ ಎಲ್ಲವೂ ಇವೆ. ಮಹಿಳೆಯೊಬ್ಬಳು ಇಲ್ಲಿ ತನ್ನ ಅನುಭವ, ಆಲೋಚನೆಗಳನ್ನು ಒರೆಗೆ ಹಚ್ಚಿ ರುಚಿಕರ ಆಹಾರ ತಯಾರಿಸುತ್ತಾಳೆ. ಅಡುಗೆ ಮನೆ ಒಂದು ಪ್ರಯೋಗಶಾಲೆಯೂ ಹೌದು. ತನಗೆ ಲಭ್ಯವಿರುವ ತರಕಾರಿ, ಸಾಂಬಾರ ಪದಾರ್ಥಗಳನ್ನು ಬಳಸಿ ಆಕೆ ಬಗೆ ಬಗೆಯ ಆಹಾರ ತಯಾರಿಸುತ್ತಾಳೆ ಎಂದರು.
ಈ ಅಡುಗೆಮನೆಯಲ್ಲೇ ಕ್ರಿಯಾಶೀಲ ಆಲೋಚನೆಗಳಿಂದ ನವನವೀನ ಹೊಸ ರುಚಿಗಳು ಜನ್ಮತಾಳುತ್ತವೆ. ಗ್ರಾಮೀಣ ಮಹಿಳೆಯರಿಗಂತೂ ಅಡುಗೆ ಮನೆ ಅವರದೇ ಆದ ಪ್ರಪಂಚವಾಗಿರುತ್ತದೆ. ಗುಟ್ಟಾಗಿಯಾದರೂ ಇಲ್ಲಿ ಆಕೆಯ ಪ್ರತಿಭೆಗಳು ಇಲ್ಲಿ ಪ್ರದರ್ಶನಗೊಳ್ಳುತ್ತವೆ ಎಂದು ಡಾ.ಸೇನ್ ನುಡಿದರು.
ಅಷ್ಟೇ ಅಲ್ಲ ಅಡುಗೆಮನೆ ಮಹಿಳೆಗೆ ಖಿನ್ನತೆಯ ತಾಣವೂ ಆಗುವುದಿದೆ. ಇಲ್ಲಿ ಆಘಾತಕಾರಿ ಅವಘಡಗಳು, ಆತ್ಮಹತ್ಯೆಗಳೂ ಘಟಿಸುತ್ತವೆ. ಇದು ಮಹಿಳೆಯ ಶಕ್ತಿ-ಸಾಮರ್ಥ್ಯಗಳನ್ನೆಲ್ಲಾ ಹೀರುವ, ಆಕೆ ಬಸವಳಿಯುವಂತೆ ಮಾಡುವ ಸ್ಥಳವೂ ಆಗಿರುತ್ತದೆ. ಆದರೆ ಕುಟುಂಬಕ್ಕಾಗಿ ಆಕೆ ಇವನ್ನೆಲ್ಲಾ ಸಹಿಸಿಕೊಳ್ಳಬೇಕಾಗುತ್ತದೆ ಎಂದರು.

ಆದರೆ ಆಧುನಿಕ ಅಡುಗೆಮನೆಗಳು ತನ್ನ ಮೂಲರೂಪವನ್ನು ಬದಲಿಸಿಕೊಳ್ಳುತ್ತಿವೆ. ಇಲ್ಲಿ ಅತ್ಯಾಧುನಿಕ ಉಪಕರಣಗಳು ಸ್ಥಾನ ಪಡೆದಿರುವಂತೆ, ಇಂದು ಗಂಡು-ಹೆಣ್ಣು ಇಬ್ಬರೂ ಅಡುಗೆಮನೆಯನ್ನು ಹಂಚಿಕೊಳ್ಳುತಿದ್ದಾರೆ. ಅಡುಗೆ ಕಲೆ ಎಂಬುದು ಇಂದು ಪ್ರತಿಷ್ಠೆಯ ವಿಷಯ.ವೆನಿಸಿಕೊಳ್ಳುತ್ತಿದೆ ಎಂದು ಡಾ.ಸೇನ್ ನುಡಿದರು.

ಮುಖ್ಯ ಅತಿಥಿಯಾಗಿ ಭಾಗವಹಿಸಿದ ಕನ್ನಡದ ಖ್ಯಾತ ರಂಗಕರ್ಮಿ, ಬಹುಭಾಷಾ ನಟಿ, ರಂಗಶಂಕರದ ಅರುಂಧತಿ ನಾಗ್ ಮಾತನಾಡಿ, ತನ್ನ ಬದುಕಿನ ಅತ್ಯಂತ ದು:ಖದ ಘಳಿಗೆಯಲ್ಲಿ ಅಡುಗೆಮನೆಯೇ ನನಗೆ ಶಾಂತಿಯನ್ನು ಅರಸುವ ತಾಣವಾಗಿತ್ತು. ಅಂಥ ಕ್ಷಣದಲ್ಲಿ ಜೀವನವನ್ನು ಎದುರಿಸಲು ನಾನು ಕಲಿತಿದ್ದೇ ಅಡುಗೆ ಮನೆಯ ಮೂಲಕ ಎಂದರು.

ಮಣಿಪಾಲ ವಿವಿಯ ಪ್ರೊ ಚಾನ್ಸಲರ್ ಡಾ.ಎಚ್.ಎಸ್.ಬಲ್ಲಾಳ್ ಅಧ್ಯಕ್ಷತೆ ವಹಿಸಿದ್ದರು. ಪ್ರೊ.ವರದೇಶ ಹಿರೆಗಂಗೆ ಅತಿಥಿಗಳನ್ನು ಸ್ವಾಗತಿಸಿದರೆ, ಸಾಹಿತ್ಯ ಪೀಠದ ಅಧ್ಯಕ್ಷೆ ಸಾಹಿತಿ ವೈದೇಹಿ ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ಅನಿತಾ ಕಾರ್ಯಕ್ರಮ ನಿರ್ವಹಿಸಿ ವಂದಿಸಿದರು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top