ಪಂಜಾಬ್ನ ಭಾರತ-ಪಾಕ್ ಗಡಿಯಲ್ಲಿ ಶಸ್ತ್ರಾಸ್ತ್ರ, ಸ್ಫೋಟಕ ಪತ್ತೆ
ಚಂಡಿಗಡ, ಸೆ. 12: ಮೂರು ಎಕೆ 47 ಹಾಗೂ 2 ಎಂ-16 ರೈಫಲ್ಗಳು ಸೇರಿದಂತೆ ಶಸ್ತ್ರಾಸ್ತ್ರ ಹಾಗೂ ಸ್ಫೋಟಕದ ಸಂಗ್ರಹವನ್ನು ಗಡಿ ಭದ್ರತಾ ಪಡೆ ಪಂಜಾಬ್ನ ಫಿರೋಝ್ಪುರ ಜಿಲ್ಲೆಯ ಭಾರತ-ಪಾಕ್ ಗಡಿಯ ಹೊಲವೊಂದರಲ್ಲಿ ಶನಿವಾರ ಪತ್ತೆ ಮಾಡಿದೆ.
ಶೋಧ ಕಾರ್ಯಾಚರಣೆ ಸಂದರ್ಭ ಗಡಿ ಭದ್ರತಾ ಪಡೆಯ ತಂಡ ಗಡಿ ಸಮೀಪ ಇರುವ ಹೊಲದಲ್ಲಿ ಬೆಳಗ್ಗೆ 7 ಗಂಟೆಗೆ ಶಸ್ತ್ರಾಸ್ತ್ರ ಹಾಗೂ ಸ್ಫೋಟಕಗಳನ್ನು ಒಳಗೊಂಡಿರುವ ಚೀಲವನ್ನು ಪತ್ತೆ ಮಾಡಿತು.
ಇದರಲ್ಲಿ ಎಕೆ 47ನ 6 ಮ್ಯಾಗಝಿನ್ಗಳು, ಎಂ-16 ರೈಫಲ್ಸ್ನ 4 ಮ್ಯಾಗಝಿನ್ಗಳು, 4 ಮ್ಯಾಗಝಿನ್ಗಳೊಂದಿಗೆ ಎರಡು ಪಿಸ್ತೂಲ್ಗಳನ್ನು ಕೂಡ ಈ ಚೀಲದಲ್ಲಿ ಪತ್ತೆ ಮಾಡಿದೆ.
ದೇಶ ವಿರೋಧಿ ಶಕ್ತಿಗಳು ಪಂಜಾಬ್ನ ಫಿರೋಜ್ಪುರ ಜಿಲ್ಲೆಯ ಅಬೋಹಾರ್ನ ಅಂತಾರಾಷ್ಟ್ರೀಯ ಗಡಿಯ ಮೂಲಕ ಪಾಕಿಸ್ತಾನದಿಂದ ಭಾರತಕ್ಕೆ ಶಸ್ತ್ರಾಸ್ತ್ರ ಹಾಗೂ ಸ್ಫೋಟಕಗಳನ್ನು ರವಾನಿಸಿರುವ ಸಾಧ್ಯತೆ ಇದೆ ಎಂದು ಅಧಿಕಾರಿಗಳು ಶಂಕಿಸಿದ್ದಾರೆ.
Next Story