ಈ ವರ್ಷದ ಜನವರಿ ತಿಂಗಳಿನಿಂದ ದೇಶದಲ್ಲಿ 2.53 ಕೋಟಿ ಜನರಿಗೆ ಉದ್ಯೋಗ ನಷ್ಟ: ವರದಿ | Vartha Bharati- ವಾರ್ತಾ ಭಾರತಿ

--

ಈ ವರ್ಷದ ಜನವರಿ ತಿಂಗಳಿನಿಂದ ದೇಶದಲ್ಲಿ 2.53 ಕೋಟಿ ಜನರಿಗೆ ಉದ್ಯೋಗ ನಷ್ಟ: ವರದಿ

ಸಾಂದರ್ಭಿಕ ಚಿತ್ರ

ಹೊಸದಿಲ್ಲಿ, ಜೂ.19: ಈ ವರ್ಷದ ಜನವರಿಯಿಂದ ಭಾರತದಲ್ಲಿ 2.53 ಕೋ.ಜನರು ಉದ್ಯೋಗಗಳನ್ನು ಕಳೆದುಕೊಂಡಿದ್ದಾರೆ ಎಂದು ಸೆಂಟರ್ ಫಾರ್ ಮಾನಿಟರಿಂಗ್ ಇಂಡಿಯನ್ ಇಕಾನಮಿ (ಸಿಎಂಐಇ) ತನ್ನ ವರದಿಯಲ್ಲಿ ತಿಳಿಸಿದೆ. ಫೆಬ್ರವರಿ ವೇಳೆಗೆ ದೇಶದಲ್ಲಿ 25 ಲಕ್ಷ ಉದ್ಯೋಗಗಳು ನಷ್ಟವಾಗಿದ್ದರೆ, ಮಾರ್ಚ್ ನಲ್ಲಿ ಒಂದು ಲಕ್ಷ, ಎಪ್ರಿಲ್ ನಲ್ಲಿ 74 ಲಕ್ಷ ಮತ್ತು ಮೇ ತಿಂಗಳಿನಲ್ಲಿ 1.53 ಕೋ.ಉದ್ಯೋಗಗಳು ನಷ್ಟವಾಗಿವೆ ಎಂದು ಸಿಎಂಐಇ ಎಂ.ಡಿ ಮತ್ತು ಸಿಇಒ ಮಹೇಶ ವ್ಯಾಸ್ ವರದಿಯಲ್ಲಿ ವಿವರಿಸಿದ್ದಾರೆ.

2021 ಮೇ ತಿಂಗಳಿನಲ್ಲಿ ಶೇ.11.9ಕ್ಕೆ ತಲುಪಿದ್ದ ನಿರುದ್ಯೋಗ ದರ ಜೂನ್ ಆರಂಭದಲ್ಲಿಯೂ ಏರಿಕೆಯ ಹಾದಿಯಲ್ಲಿಯೇ ಇದ್ದು, ಜೂ.6ರ ವೇಳೆಗೆ 30 ದಿನಗಳ ಮೂವಿಂಗ್ ಆ್ಯವರೇಜ್ ಅಥವಾ ಚಲಿಸುವ ಸರಾಸರಿ ನಿರುದ್ಯೋಗ ದರವು ಶೇ.13ರಷ್ಟಿತ್ತು. ಶೇ.40ಕ್ಕೆ ಕುಸಿದಿದ್ದ ಕಾರ್ಮಿಕ ಭಾಗವಹಿಸುವಿಕೆ ದರವು ಇನ್ನಷ್ಟು ಕುಸಿದು ಶೇ.39.7ಕ್ಕೆ ತಲುಪಿತ್ತು. ಮೇ ತಿಂಗಳಿನಲ್ಲಿ ಶೇ.35.3ಕ್ಕೆ ಕುಸಿದಿದ್ದ ಪ್ರಮುಖ ಕಾರ್ಮಿಕ ಮಾರುಕಟ್ಟೆ ಸೂಚಕವಾಗಿರುವ ನಿರುದ್ಯೋಗ ದರವು ಜೂ.6ರ ವೇಳೆಗೆ ಶೇ.34.6ಕ್ಕೆ ಕುಸಿದಿತ್ತು.
 
2020 ಎಪ್ರಿಲ್ ಮತ್ತು ಮೇ ತಿಂಗಳಿನಲ್ಲಿ ದೇಶಾದ್ಯಂತ ಕೋವಿಡ್ ಲಾಕ್ಡೌನ್ ಹೇರಿದಾಗಿನಿಂದ ಭಾರತೀಯ ಕಾರ್ಮಿಕ ಮಾರುಕಟ್ಟೆಯು ತನ್ನ ಅತ್ಯಂತ ಹೀನ ಸ್ಥಿತಿಯಲ್ಲಿದೆ. ಮೇ 16ಕ್ಕೆ ಅಂತ್ಯಗೊಂಡ ವಾರದಿಂದ ಮೊದಲ್ಗೊಂಡು ಕಳೆದ ನಾಲ್ಕು ವಾರಗಳಲ್ಲಿ ಕಾರ್ಮಿಕ ಮಾರುಕಟ್ಟೆಯ ಸ್ಥಿತಿ ಇನ್ನಷ್ಟು ತೀವ್ರವಾಗಿ ಹದಗೆಟ್ಟಿದೆ. ಹಲವಾರು ವಾರಗಳವರೆಗೆ ಶೇ.8ರ ಆಸುಪಾಸಿನಲ್ಲಿ ಸ್ಥಿರವಾಗಿದ್ದ ನಿರುದ್ಯೋಗ ದರವು ಏಕಾಏಕಿ ಶೇ.14.5ಕ್ಕೆ ಏರಿದ್ದು,ಇದು ಮೇ 16ಕ್ಕೆ ಕೊನೆಗೊಂಡ ವಾರದಲ್ಲಿ ಹಲವಾರು ಜನರು ದಿಢೀರ್ ಉದ್ಯೋಗವನ್ನು ಕಳೆದುಕೊಂಡು ನಿರುದ್ಯೋಗಿಗಳಾಗಿದ್ದಾರೆ ಎನ್ನುವುದನ್ನು ಸೂಚಿಸುತ್ತದೆ. 

ಮೇ 23ಕ್ಕೆ ಅಂತ್ಯಗೊಂಡ ಮುಂದಿನ ವಾರದಲ್ಲಿ ನಿರುದ್ಯೋಗ ದರವು ಶೇ.14.7ಕ್ಕೆ ಜಿಗಿಯುವುದರೊಂದಿಗೆ ಸ್ಥಿತಿ ಇನ್ನಷ್ಟು ಹದಗೆಟ್ಟಿತ್ತು. ಮೇ 30ಕ್ಕೆ ಕೊನೆಗೊಂಡ ವಾರದಲ್ಲಿ ಈ ದರವು ಶೇ.12.2ಕ್ಕೆ ಇಳಿದಿತ್ತಾದರೂ ಈ ಎಲ್ಲ ವಾರಗಳಲ್ಲಿ ಕಾರ್ಮಿಕ ಭಾಗವಹಿಸುವಿಕೆ ಪ್ರಮಾಣ ಕುಸಿಯುತ್ತಲೇ ಇತ್ತು. ಕಳೆದ ವಾರ ಇದು ಶೇ.39ಕ್ಕೂ ಕೆಳಕ್ಕೆ ಕುಸಿದಿದ್ದು,ಇದು ನಿರುದ್ಯೋಗ ದರ ಕೊಂಚ ಇಳಿಕೆಯಾಗಿದ್ದರೂ ಕಾರ್ಮಿಕರು ತೀರ ಹತಾಶರಾಗಿದ್ದಾರೆ ಎನ್ನುವುದನ್ನು ಸೂಚಿಸುತ್ತಿದೆ. ಆದರೆ ಜೂ.6ಕ್ಕೆ ಅಂತ್ಯಗೊಂಡ ವಾರದಲ್ಲಿ ನಿರುದ್ಯೋಗ ದರವು ಮತ್ತೆ ಶೇ.13.6ಕ್ಕೆ ಏರಿತ್ತು ಮತ್ತು ಕಾರ್ಮಿಕ ಭಾಗವಹಿಸುವಿಕೆ ಪ್ರಮಾಣವೂ ಚೇತರಿಸಿಕೊಂಡಿರಲಿಲ್ಲ. ಕಾರ್ಮಿಕ ಭಾಗವಹಿಸುವಿಕೆ ಪ್ರಮಾಣ ನಿರಂತರವಾಗಿ ಕುಸಿಯುತ್ತಲೇ ಇರುವುದು ಕಳವಳದ ವಿಷಯವಾಗಿದೆ.

ಇನ್ನು ಉದ್ಯೋಗ ದರದ ವಿಷಯಕ್ಕೆ ಬರುವುದಾದರೆ 2021 ಎಪ್ರಿಲ್ನಲ್ಲಿ ಶೇ.36.8ರಷ್ಟಿದ್ದ ಅದು ಮೇ ತಿಂಗಳಿನಲ್ಲಿ ಶೇ.35.3ಕ್ಕೆ ಕುಸಿದಿತ್ತು, ಅಂದರೆ 1.53 ಕೋ.ಉದ್ಯೋಗಗಳು ನಷ್ಟವಾಗಿದ್ದವು. ಜೂ.6ಕ್ಕೆ ಅಂತ್ಯಗೊಂಡ ವಾರಕ್ಕೆ ಇದು ಶೇ.33.9ಕ್ಕೆ ಇಳಿದಿತ್ತು.
2021 ಜನವರಿಯಲ್ಲಿ ಇತ್ತೀಚಿನ ಉತ್ತುಂಗ 40.07 ಕೋ.ಗೆ ತಲುಪಿದ್ದ ಉದ್ಯೋಗಗಳ ಸಂಖ್ಯೆ ನಂತರದ ನಾಲ್ಕು ತಿಂಗಳಲ್ಲಿ ನಿರಂತರವಾಗಿ ಕುಸಿಯುತ್ತಲೇ ಇದೆ. ಜನವರಿಯಿಂದ ದೇಶದಲ್ಲಿ ಒಟ್ಟು 2.53 ಕೋ.ಉದ್ಯೋಗಗಳು ನಷ್ಟವಾಗಿವೆ. ಅಂದರೆ ನಾಲ್ಕು ತಿಂಗಳುಗಳ ಅವಧಿಯಲ್ಲಿ ಶೇ.6.3ರಷ್ಟು ಕುಸಿದಿದೆ.
 
ಕೋವಿಡ್ ಲಾಕ್ಡೌನ್ ಜಾರಿಯಲ್ಲಿರುವ ದೇಶದ ಹಲವಾರು ರಾಜ್ಯಗಳು ನಿರ್ಬಂಧಗಳನ್ನು ಸಡಿಲಿಸಲು ಆರಂಭಿಸಿರುವುದರಿಂದ ಯಾವುದೇ ನಿಯಂತ್ರಣವಿಲ್ಲದೆ ಕುಸಿಯುತ್ತಲೇ ಇದ್ದ ಉದ್ಯೋಗ ದರವು ಮುಂದಿನ ವಾರಗಳಲ್ಲಿ ಚೇತರಿಸಿಕೊಳ್ಳುವ ನಿರೀಕ್ಷೆಯಿದೆ. ಈ ಸಡಿಲಿಕೆಗಳು ಈ ವರ್ಷದ ಮೇ ತಿಂಗಳಿನಲ್ಲಿ ಲಾಕ್ಡೌನ್ ಹೇರಿದಾಗಿನಿಂದಲೂ ಸಂಕಷ್ಟದಲ್ಲಿರುವ ದಿನಗೂಲಿ ಕಾರ್ಮಿಕರಿಗೆ ಕೊಂಚ ನೆಮ್ಮದಿಯನ್ನು ಒದಗಿಸಬಹುದು. ಈ ಅವಧಿಯಲ್ಲಿ ಸುಮಾರು 1.7 ಕೋ.ದಿನಗೂಲಿ ಕಾರ್ಮಿಕರು ಮತ್ತು ಬೀದಿಬದಿ ಮಾರಾಟಗಾರರಂತಹ ಸಣ್ಣ ವ್ಯಾಪಾರಿಗಳು ಜೀವನೋಪಾಯಗಳನ್ನು ಕಳೆದುಕೊಂಡಿದ್ದಾರೆ.

ಸ್ಥಳೀಯ ಲಾಕ್ಡೌನ್ ಗಳಿಂದಾಗಿ ಅಸಂಘಟಿತ ಕ್ಷೇತ್ರಗಳಲ್ಲಿ ನಷ್ಟವಾಗಿದ್ದ ಅನೌಪಚಾರಿಕ ಉದ್ಯೋಗಗಳಲ್ಲಿ ಚುರುಕಿನ ಚೇತರಿಕೆಯನ್ನು ನಿರೀಕ್ಷಿಸಬಹುದಾಗಿದೆ. ಆದರೆ ಉದ್ಯೋಗ ದರವನ್ನು 2019-20ರಲ್ಲಿದ್ದ ಮಟ್ಟಕ್ಕೆ ಹೆಚ್ಚಿಸಲು ದೇಶದ ಆರ್ಥಿಕತೆಯಲ್ಲಿ ಬಲವಾದ ಚೇತರಿಕೆ ಅಗತ್ಯವಾಗಿದೆ ಎಂದು ವ್ಯಾಸ್ ವರದಿಯಲ್ಲಿ ಹೇಳಿದ್ದಾರೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top