ಚುನಾವಣೆಗಳ ಮೇಲೆ ಪ್ರಭಾವ:ಫೇಸ್‌ಬುಕ್ ಪಾತ್ರದ ಬಗ್ಗೆ ಜೆಪಿಸಿ ತನಿಖೆಗೆ ಕಾಂಗ್ರೆಸ್ ಆಗ್ರಹ | Vartha Bharati- ವಾರ್ತಾ ಭಾರತಿ

--

ಚುನಾವಣೆಗಳ ಮೇಲೆ ಪ್ರಭಾವ:ಫೇಸ್‌ಬುಕ್ ಪಾತ್ರದ ಬಗ್ಗೆ ಜೆಪಿಸಿ ತನಿಖೆಗೆ ಕಾಂಗ್ರೆಸ್ ಆಗ್ರಹ

ಹೊಸದಿಲ್ಲಿ,ಅ.25: ಫೇಸ್‌ಬುಕ್ ಭಾರತದ ಚುನಾವಣೆಗಳ ಮೇಲೆ ಪ್ರಭಾವವನ್ನು ಬೀರುತ್ತಿದೆ ಮತ್ತು ಪ್ರಜಾಪ್ರಭುತ್ವವನ್ನು ದುರ್ಬಲಗೊಳಿಸುತ್ತಿದೆ ಎಂದು ಸೋಮವಾರ ಆರೋಪಿಸಿರುವ ಕಾಂಗ್ರೆಸ್,ಈ ಬಗ್ಗೆ ಜಂಟಿ ಸಂಸದೀಯ ಸಮಿತಿ (ಜೆಪಿಸಿ)ಯಿಂದ ತನಿಖೆಗೆ ಆಗ್ರಹಿಸಿದೆ.

ಇಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಸಂದರ್ಭ,ಭಾರತದಲ್ಲಿ ತನ್ನ ವೇದಿಕೆಯಲ್ಲಿ ದ್ವೇಷ ಭಾಷಣ ಪೋಸ್ಟ್‌ಗಳ ವಿರುದ್ಧ ಯಾವುದೇ ಕ್ರಮವನ್ನು ಫೇಸ್‌ಬುಕ್ ಕೈಗೊಳ್ಳುತ್ತಿಲ್ಲ ಎನ್ನುವುದಕ್ಕೆ ಸೋರಿಕೆಯಾಗಿರುವ ಕಂಪನಿಯ ಆಂತರಿಕ ವರದಿಗಳನ್ನು ಪ್ರಸ್ತಾಪಿಸಿದ ಕಾಂಗ್ರೆಸ್ ವಕ್ತಾರ ಪವನ ಖೇರಾ ಅವರು,ಫೇಸ್‌ಬುಕ್ ಈಗ ತನ್ನನ್ನು ‘ಫೇಕ್‌ಬುಕ್’ ಮಟ್ಟಕ್ಕೆ ಇಳಿಸಿಕೊಂಡಿದೆ ಎಂದರು.

ಈ ಆರೋಪಗಳಿಗೆ ಫೇಸ್‌ಬುಕ್ ಇಂಡಿಯಾ ತಕ್ಷಣಕ್ಕೆ ಪ್ರತಿಕ್ರಿಯಿಸಿಲ್ಲ.

ಫೇಸ್‌ಬುಕ್ ಆಡಳಿತ ಬಿಜೆಪಿಯ ಮಿತ್ರಪಕ್ಷದಂತೆ ವರ್ತಿಸುತ್ತಿದೆ ಮತ್ತು ಅದರ ಅಜೆಂಡಾವನ್ನು ಮುಂದೊತ್ತುತ್ತಿದೆ ಎಂದೂ ಆರೋಪಿಸಿದ ಖೇರಾ,ಹಿಂದಿ ಮತ್ತು ಬಂಗಾಳಿ ಭಾಷೆಗಳಲ್ಲಿ ದ್ವೇಷ ಭಾಷಣ ಪೋಸ್ಟ್‌ಗಳನ್ನು ಮಾಡಿದವರ ವಿರುದ್ಧ ಫೇಸ್‌ಬುಕ್ ಯಾವುದೇ ನಿರ್ಣಾಯಕ ಕ್ರಮಗಳನ್ನು ಕೈಗೊಂಡಿಲ್ಲ ಎಂದು ಆರೋಪಿಸಿರುವ ಕಂಪನಿಯ ಮಾಜಿ ಉದ್ಯೋಗಿ ಫ್ರಾನ್ಸೆಸ್ ಹಾಗೆನ್ ಅವರ ಸಂಶೋಧನಾ ದಾಖಲೆಗಳನ್ನು ಉಲ್ಲೇಖಿಸಿದರು.

ಫೇಸ್‌ಬುಕ್‌ನ ಆಂತರಿಕ ವರದಿಗಳು 10 ಲಕ್ಷಕ್ಕೂ ಅಧಿಕ ದ್ವೇಷ ಭಾಷಣ ಪೋಸ್ಟ್‌ಗಳೊಂದಿಗೆ ನಕಲಿ ಖಾತೆಗಳನ್ನು ಪತ್ತೆ ಹಚ್ಚಿದ್ದರೂ ಕಂಪನಿಯು ಈವರೆಗೆ ಆ ಕುರಿತು ಯಾವುದೇ ಕ್ರಮಗಳನು ಕೈಗೊಂಡಿಲ್ಲ ಎಂದು ಆರೋಪಿಸಿದ ಅವರು,‘ಚುನಾವಣೆಗಳ ಮೇಲೆ ಪ್ರಭಾವ ಬೀರುವಲ್ಲಿ ಫೇಸ್‌ಬುಕ್‌ನ ಪಾತ್ರದ ಬಗ್ಗೆ ಜೆಪಿಸಿ ತನಿಖೆಗೆ ನಾವು ಆಗ್ರಹಿಸುತ್ತಿದ್ದೇವೆ ’ಎಂದರು.

ಬಿಜೆಪಿ ಮತ್ತು ಸಂಘಪರಿವಾರದ ಕಾರ್ಯಕರ್ತರು ಫೇಸ್‌ಬುಕ್‌ನ ಸಾಂಸ್ಥಿಕ ವ್ಯವಸ್ಥೆಯಲ್ಲಿ ಮತ್ತು ಅದರ ಕಾರ್ಯನಿರ್ವಹಣೆಯಲ್ಲಿ ನುಸುಳಿದ್ದಾರೆ ಎಂದು ಆರೋಪಿಸಿದ ಖೇರಾ,ನಕಲಿ ಪೋಸ್ಟ್‌ಗಳು,ಚಿತ್ರಗಳು ಮತ್ತು ನಿರೂಪಣೆಗಳ ಮೂಲಕ ನಿರ್ದಿಷ್ಟ ಸಿದ್ಧಾಂತವನ್ನು ಮುಂದಕ್ಕೊತ್ತಲು ಫೇಸ್‌ಬುಕ್‌ಗೆ ಯಾವ ಹಕ್ಕು ಇದೆ? ಫೇಸ್‌ಬುಕ್‌ನಿಂದ ಕೇವಲ ಶೇ.0.2ರಷ್ಟು ದ್ವೇಷ ಭಾಷಣ ಪೋಸ್ಟ್‌ಗಳನ್ನು ತೆಗೆಯಲಾಗಿದೆ ಎನ್ನುವುದು ಆಘಾತಕಾರಿಯಾಗಿದೆ.

ಅದು ಭಾರತದಿಂದ ಹೇರಳ ದುಡ್ಡು ಗಳಿಸುತ್ತಿದ್ದರೂ ಹಿಂದಿ ಅಥವಾ ಬಂಗಾಳಿಯಲ್ಲಿಯ ಪೋಸ್ಟ್‌ಗಳನ್ನು ಜಾಲಾಡುವ ವ್ಯವಸ್ಥೆಯನ್ನು ಹೊಂದಿಲ್ಲ.ಭಾರತದಲ್ಲಿಯ ಕೇವಲ ಶೇ.9ರಷ್ಟು ಬಳಕೆದಾರರು ಇಂಗ್ಲಿಷ್ ಭಾಷೆಯನ್ನು ಬಳಸುತ್ತಿದ್ದಾರೆ,ಆದರೂ ಪ್ರಾದೇಶಿಕ ಭಾಷೆಗಳಲ್ಲಿಯ ಪೋಸ್ಟ್‌ಗಳ ಮೇಲೆ ನಿಗಾಯಿರಿಸುವ ವ್ಯವಸ್ಥೆಗಳನ್ನು ಅದು ರೂಪಿಸಿಲ್ಲ ಎಂದರು.

ದಿಲ್ಲಿ ದಂಗೆಗಳಲ್ಲಿ ಮತ್ತು ಪ.ಬಂಗಾಳ ಚುನಾವಣೆಗಳಲ್ಲಿ ಫೇಸ್‌ಬುಕ್‌ನ ಪಾತ್ರವು ಶಂಕಾಸ್ಪದವಾಗಿದೆ ಎಂದು ಆರೋಪಿಸಿದ ಅವರು,‘ಅದು ಆಡಳಿತ ಪಕ್ಷದ ಅಜೆಂಡಾ ಮತ್ತು ಅದರ ದ್ವೇಷಭರಿತ, ಮತಾಂಧ ಮತ್ತು ಸಮಾಜ ವಿಭಜನಕಾರಿ ಸಿದ್ಧಾಂತವನ್ನು ಗೊತ್ತಿದ್ದೇ ಉತ್ತೇಜಿಸುತ್ತಿರುವುದರಿಂದ ಫೇಸ್‌ಬುಕ್‌ನ ಪಾತ್ರವನ್ನು ಕಣ್ತಪ್ಪಿನಿಂದ ಆಗಿರುವ ಲೋಪ ಎಂದು ತಳ್ಳಿಹಾಕಲು ಸಾಧ್ಯವಿಲ್ಲ.

ಅದು ತನ್ನ ಬಳಕೆದಾರರ ಮತದಾನ ಪ್ರವೃತ್ತಿಯ ಮೇಲೆ ಪ್ರಭಾವ ಬೀರುವ ಮೂಲಕ ನಮ್ಮ ಚುನಾವಣೆಗಳಲ್ಲಿ ಹಸ್ತಕ್ಷೇಪ ಮಾಡುತ್ತಿದೆ ಎಂದು ನಾವೇಕೆ ಆರೋಪಿಸಬಾರದು? ಇದು ಗಂಭೀರ ಚುನಾವಣಾ ಮೋಸವಾಗಿದೆ ಮತ್ತು ವಿದೇಶಿ ಕಂಪನಿಯಿಂದ ನಮ್ಮ ಚುನಾವಣೆಗಳಲ್ಲಿ ಗಂಭಿರ ಹಸ್ತಕ್ಷೇಪವಾಗಿದೆ.

ತನ್ನವರಿಂದಲೇ ವ್ಯಕ್ತವಾಗಿರುವ ಆರೋಪಗಳಿಗೆ ಫೇಸ್‌ಬುಕ್ ಏಕೆ ವೌನವಾಗಿದೆ? ಸರಕಾರವೇಕೆ ವೌನವಾಗಿದೆ? ಏಕೆಂದರೆ ಫೇಸ್‌ಬುಕ್ ಅದರ ಅಜೆಂಡಾಕ್ಕೆ ಸೂಕ್ತವಾಗಿದೆ ಮತ್ತು ಅದು ಬಿಜೆಪಿ ಹಾಗೂ ಅದರ ಸಹವರ್ತಿಗಳ ಕೈಯಲ್ಲಿ ಸಾಧನವಾಗಿದೆ ಎಂದರು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top