ವೃದ್ಧ ತಂದೆಯ ಮೇಲೆ ಮಗನಿಂದ ಅಮಾನುಷ ಹಲ್ಲೆ: ವೀಡಿಯೊ ವೈರಲ್
ಜೈಪುರ: ವೃದ್ಧ ತಂದೆಯನ್ನು ವ್ಯಕ್ತಿಯೊಬ್ಬ ದೊಣ್ಣೆಯಿಂದ ಥಳಿಸುತ್ತಿರುವ ವೀಡಿಯೊ ಸಾಮಾಜಿಕ ಜಾಲತಾಣ ಗಳಲ್ಲಿ ವೈರಲ್ ಆಗಿದೆ. ಜೋಧಪುರ ನಗರದ ನಡು ಬೀದಿಯಲ್ಲೇ ಈ ಘಟನೆ ನಡೆದಿದೆ.
ಎಎನ್ಐ ಸುದ್ದಿಸಂಸ್ಥೆ ಹಂಚಿಕೊಂಡಿರುವ ಸಿಸಿಟಿವಿ ದೃಶ್ಯಾವಳಿಯಲ್ಲಿ ತಂದೆ ಮತ್ತು ಮಗ ವಾಗ್ವಾದ ನಡೆಸುತ್ತಿರುವ ದೃಶ್ಯ ಸೆರೆಯಾಗಿದೆ. ಬಿಳಿ ಟಿ-ಷರ್ಟ್ ಧರಿಸಿದ್ದ ಮಗ ದಿಢೀರನೇ ರಸ್ತೆಯಲ್ಲಿ ಬಿದ್ದಿದ್ದ ದೊಣ್ಣೆ ಎತ್ತಿಕೊಂಡು ತಂದೆಯ ಮೇಲೆ ಅಮಾನುಷವಾಗಿ ಹಲ್ಲೆ ನಡೆಸಿದ್ದಾನೆ. ಬಳಿಕ ಹತಾಶೆಯಿಂದ ದೊಣ್ಣೆ ಬಿಸಾಕಿದ್ದಾನೆ. ಬಹುಶಃ ನೆರೆಯವರು ಮಗನನ್ನು ಸಮಾಧಾನಪಡಿಸಲು ಮುಂದಾದಾಗ ಇದಕ್ಕೆ ಒಪ್ಪದ ವ್ಯಕ್ತಿ ಮತ್ತೆ ತಂದೆಯ ಮೇಲೆ ಹಲ್ಲೆ ಮಾಡಿದ್ದಾನೆ. ವಾಗ್ವಾದ ಮುಂದುವರಿದು ತಂದೆಗೆ ಹೊಡೆಯುತ್ತಿರುವ ಮತ್ತು ಗುದ್ದುತ್ತಿರುವ ದೃಶ್ಯ ಸೆರೆಯಾಗಿದೆ.
ಜೋಧಪುರದ ರತನಾಡ ಪೊಲೀಸರು ಈ ಘಟನೆ ಬಗ್ಗೆ ವಿವರ ನೀಡಿ, ಮಗ ತಂದೆಯನ್ನು ಹೊಡೆಯುತ್ತಿರುವ ಘಟನೆ ಇದೇ ಮೊದಲಲ್ಲ. ಇದಕ್ಕೆ ಮುನ್ನವೂ ತಂದೆಯ ಜತೆ ದುರ್ನಡತೆ ಪ್ರದರ್ಶಿಸಿದ್ದಾನೆ. ಅಪರಾಧ ದಂಡಸಂಹಿತೆ ಸೆಕ್ಷನ್ 151ರ ಅನ್ವಯ ಆರೋಪಿಯನ್ನು ಬಂಧಿಸಲಾಗಿದೆ ಎಂದು ಹೇಳಿದ್ದಾರೆ.
#WATCH | A video of a son beating his father in Rajasthan's Jodhpur went viral
— ANI MP/CG/Rajasthan (@ANI_MP_CG_RJ) September 19, 2022
The son often quarrels with the father regarding matters of the household. He misbehaved with his father yesterday also. He has been arrested under CrPC 151: SHO Ratnada PS
(CCTV Visuals) pic.twitter.com/3RScDVlOi4