ಆಟಿಕೆ ತುತ್ತೂರಿಗಳನ್ನು ಊದಿ ಸಾರ್ವಜನಿಕರಿಗೆ ತೊಂದರೆ ನೀಡುತ್ತಿದ್ದವರಿಗೆ ಪೊಲೀಸರು ನೀಡಿದ ಶಿಕ್ಷೆ ಏನು ಗೊತ್ತೇ?
Screengrab(Twitter/@ANI)
ಜಬಲ್ಪುರ್: ಆಟಿಕೆ ತುತ್ತೂರಿಗಳನ್ನು ಜೋರಾಗಿ ಊದಿ ಸಾರ್ವಜನಿಕ ತೊಂದರೆಯುಂಟು ಮಾಡುತ್ತಿದ್ದ ಯುವಕರಿಗೆ ಮಧ್ಯಪ್ರದೇಶದ ಜಬಲ್ಪುರ ಪೊಲೀಸರು ಅವರಿಗೆ ನೀಡಿದ ಶಿಕ್ಷೆಯ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಈ ವೀಡಿಯೋದಲ್ಲಿ ಪೊಲೀಸರು ಮಿನಿ ಆಟಿಕೆ ತುತ್ತೂರಿಗಳನ್ನು ಆ ಯುವಕರ ಕಿವಿಗಳಿಗೆ ಹತ್ತಿರ ಊದಿ ಅದೆಷ್ಟು ಕಿರಿಕಿರಿಯುಂಟು ಮಾಡುತ್ತದೆ ಎಂದು ಅವರಿಗೆ ಮನವರಿಕೆ ಮಾಡಿದ್ದಾರೆ. ಅಷ್ಟೇ ಅಲ್ಲದೆ ಇಬ್ಬರು ಯುವಕರಿಗೆ ಪರಸ್ಪರರ ಕಿವಿಗಳಲ್ಲಿ ಈ ತುತ್ತೂರಿ ಊದುವಂತೆಯೂ ಪೊಲೀಸರು ಮಾಡಿದ್ದಾರೆ ಎಂದು ವರದಿಯಾಗಿದೆ.
ಇದರ ಹೊರತಾಗಿ ರಸ್ತೆ ಮಧ್ಯದಲ್ಲಿಯೇ ಈ ಯುವಕರಿಗೆ ಬಸ್ಕಿ ತೆಗೆಯುವ ಶಿಕ್ಷೆಯನ್ನೂ ನೀಡಿದ್ದಾರೆ.
ಈ ಯುವಕರ ಬಳಿಯಿರುವ ಆಟಿಕೆ ತುತ್ತೂರಿಗಳನ್ನು ವಶಪಡಿಸಿಕೊಂಡಿರುವ ಪೊಲೀಸರು ಅವರ ಹಾಗೆ ಸಾರ್ವಜನಿಕರಿಗೆ ತುತ್ತೂರಿ ಊದಿ ತೊಂದರೆಯುಂಟು ಮಾಡುವವರಿಗೆ ಶಿಕ್ಷೆ ಕಾದಿದೆ ಎಂಬ ಎಚ್ಚರಿಕೆಯನ್ನೂ ನೀಡಿದ್ದಾರೆ.
#WATCH| MP: Police uniquely deal with miscreants who allegedly blew trumpets into passersby's ears in Jabalpur(6.10)
— ANI MP/CG/Rajasthan (@ANI_MP_CG_RJ) October 6, 2022
Instructions are to take action against notorious elements&people who disturb others by blowing trumpets. Post exhortation,we seize their trumpets:Police official pic.twitter.com/LEYHs0oBOH