-

ದ್ವೇಷ ಖಂಡಿಸಲ್ಪಟ್ಟಿದೆ: ‘ದಿ ಕಾಶ್ಮೀರ ಫೈಲ್ಸ್ ’ವಿವಾದದ ನಡುವೆ ಬಿಜೆಪಿಯನ್ನು ಕುಟುಕಿದ ಕಾಂಗ್ರೆಸ್

-

ಹೊಸದಿಲ್ಲಿ,ನ.29: ಭಾರತೀಯ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ (ಐಎಫ್ಎಫ್ಐ)ದಲ್ಲಿ ಇಸ್ರೇಲಿ ನಿರ್ಮಾಪಕ ನದಾವ್ ಲಪಿಡ್(Nadav Lapid) ಅವರು ‘ದಿ ಕಾಶ್ಮೀರ ಫೈಲ್ಸ್’ ('The Kashmir Files')ಚಿತ್ರವನ್ನು ಟೀಕಿಸಿರುವ ಹಿನ್ನೆಲೆಯಲ್ಲಿ ಮಂಗಳವಾರ ಬಿಜೆಪಿ ನೇತೃತ್ವದ ಕೇಂದ್ರ ಸರಕಾರದ ವಿರುದ್ಧ ದಾಳಿ ನಡೆಸಿದ ಕಾಂಗ್ರೆಸ್,ಇದು ಮುಜುಗರದ ವಿಷಯವಾಗಿದೆ ಮತ್ತು ದ್ವೇಷವು ಕೊನೆಗೂ ಖಂಡಿಸಲ್ಪಡುತ್ತದೆ ಎಂದು ಹೇಳಿದೆ.

ಗೋವಾದಲ್ಲಿ 53ನೇ ಐಎಫ್ಎಫ್ಐದಲ್ಲಿ ಸೋಮವಾರ ಲಪಿಡ್ ಅವರು,‘ದಿ ಕಾಶ್ಮೀರ ಫೈಲ್ಸ್’ ಚಿತ್ರವನ್ನು ‘ಅಪಪ್ರಚಾರದ ಸರಕು’ ('Commodity of propaganda')ಮತ್ತು ‘ಅಸಭ್ಯ’ ('rude')ಎಂದು ಬಣ್ಣಿಸಿದ್ದರು.

‘‘ಪ್ರಧಾನಿ ನರೇಂದ್ರ ಮೋದಿ(Narendra Modi),ಅವರ ಸರಕಾರ ಮತ್ತು ಬಲಪಂಥೀಯ ವ್ಯವಸ್ಥೆ ಮುತುವರ್ಜಿಯಿಂದ ಪ್ರೋತ್ಸಾಹಿಸಿದ್ದ ‘ದಿ ಕಾಶ್ಮೀರ ಫೈಲ್ಸ್ ’ ಚಿತ್ರ ಐಎಫ್ಎಫ್ಐನಿಂದ ತಿರಸ್ಕರಿಸಲ್ಪಟ್ಟಿದೆ. ಜ್ಯೂರಿಗಳ ಮುಖ್ಯಸ್ಥ ನಡಾವ್ ಲಪಿಡ್ ಅದನ್ನು ಅಪಪ್ರಚಾರದ ಸರಕು,ಅಸಭ್ಯ ಚಿತ್ರವಾಗಿದೆ ಮತ್ತು ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಕ್ಕೆ ಸೂಕ್ತ ಚಿತ್ರವಲ್ಲ ಎಂದು ಖಂಡಿಸಿದ್ದಾರೆ ’’ ಎಂದು ಟ್ವೀಟಿಸಿರುವ ಕಾಂಗ್ರೆಸ್ನ ಸಾಮಾಜಿಕ ಮಾಧ್ಯಮ ವಿಭಾಗದ ಮುಖ್ಯಸ್ಥೆ ಮತ್ತು ಪಕ್ಷದ ವಕ್ತಾರರಾಗಿರುವ ಸುಪ್ರಿಯಾ ಶ್ರೀನಾತೆ(Supriya Srinathe) ಅವರು,ಅಂತಿಮವಾಗಿ ದ್ವೇಷವು ಖಂಡಿಸಲ್ಪಡುತ್ತದೆ ಎಂದಿದ್ದಾರೆ.

‘‘ಐಎಫ್ಎಫ್ಐ ಜ್ಯೂರಿಗಳ ಮುಖ್ಯಸ್ಥ ನಡಾವ್ ಲಪಿಡ್ ಅವರು ‘ದಿ ಕಾಶ್ಮೀರ ಫೈಲ್ಸ್’ನ್ನು ಅಸಭ್ಯ,ಅಪಪ್ರಚಾರದ ಸರಕು ಎಂದು ಕರೆದಿದ್ದಾರೆ. ದೇಶದ ಜನರನ್ನು ಧ್ರುವೀಕರಿಸುವ ಪ್ರಯತ್ನದಲ್ಲಿ ಬಿಜೆಪಿ ಸರಕಾರವು ಚಿತ್ರಕ್ಕೆ ಹೆಚ್ಚಿನ ಉತ್ತೇಜನ ನೀಡಿತ್ತು, ಫಲಿತಾಂಶವಾಗಿ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಭಾರತಕ್ಕೆ ಭಾರೀ ಮುಖಭಂಗವುಂಟಾಗಿದೆ ’’ಎಂದು ಕಾಂಗ್ರೆಸ್ ನ ಇನ್ನೋರ್ವ ವಕ್ತಾರರಾದ ಶಮಾ ಮುಹಮ್ಮದ್(Shama Muhammad) ಟ್ವೀಟಿಸಿದ್ದಾರೆ.

ಐಎಫ್ಎಫ್ಐ 2022ರ ಸಮಾರೋಪ ಸಮಾರಂಭದಲ್ಲಿ ತನ್ನ ಭಾಷಣದಲ್ಲಿ ಲಪಿಡ್,‘‘ಚಲನಚಿತ್ರೋತ್ಸವದಲ್ಲಿ ‘ದಿ ಕಾಶ್ಮೀರ ಫೈಲ್ಸ್ ’ ಚಿತ್ರವು ಪ್ರದರ್ಶನಗೊಂಡಿದ್ದು ನಮ್ಮನ್ನು ವಿಚಲಿತರನ್ನಾಗಿಸಿದೆ,ನಮಗೆ ಆಘಾತವನ್ನುಂಟು ಮಾಡಿದೆ. ಅದು ಅಪಪ್ರಚಾರದ ಸರಕು ಮತ್ತು ಅಸಭ್ಯ ಚಿತ್ರವಾಗಿ ನಮಗೆ ಭಾಸವಾಗಿದ್ದು,ಇಂತಹ ಪ್ರತಿಷ್ಠಿತ ಚಲನಚಿತ್ರೋತ್ಸವದ ಕಲಾತ್ಮಕ ಮತ್ತು ಸ್ಪರ್ಧಾತ್ಮಕ ವಿಭಾಗಕ್ಕೆ ಸೂಕ್ತ ಚಿತ್ರವಾಗಿರಲಿಲ್ಲ’’ ಎಂದು ಹೇಳಿದ್ದರು.

‘ ಈ ಅಭಿಪ್ರಾಯವನ್ನು ಬಹಿರಂಗವಾಗಿ ನಿಮ್ಮೊಂದಿಗೆ ಹಂಚಿಕೊಳ್ಳಲು ನನಗೆ ಹಿಂಜರಿಕೆಯಿಲ್ಲ,ಏಕೆಂದರೆ ಕಲೆ ಮತ್ತು ಜೀವನಕ್ಕೆ ಅಗತ್ಯವಾದ ವಿಮರ್ಶಾತ್ಮಕ ಚರ್ಚೆಯನ್ನು ಈ ವೇದಿಕೆಯು ಖಂಡಿತವಾಗಿಯೂ ಸ್ವೀಕರಿಸುತ್ತದೆ ’ಎಂದೂ ಲಪಿಡ್(lipid) ಹೇಳಿದ್ದರು.

ಲಪಿಡ್ ಹೇಳಿಕೆಗಾಗಿ ಅವರನ್ನು ಟೀಕಿಸಿರುವ ಭಾರತದಲ್ಲಿ ಇಸ್ರೇಲ್ ರಾಯಭಾರಿ ನವೋರ್ ಗಿಲೊನಿ,ಚಲನಚಿತ್ರೋತ್ಸವದಲ್ಲಿ ಜ್ಯೂರಿಗಳ ಮುಖ್ಯಸ್ಥರಾಗಿ ಭಾರತದ ಆಹ್ವಾನವನ್ನು ಕೆಟ್ಟ ರೀತಿಯಲ್ಲಿ ದುರುಪಯೋಗಿಸಿಕೊಂಡಿದ್ದಕ್ಕಾಗಿ ಲಪಿಡ್ ಅವರಿಗೆ ನಾಚಿಕೆಯಾಗಬೇಕು ಎಂದು ಹೇಳಿದ್ದಾರೆ. ಮಾ.11ರಂದು ಬಿಡುಗಡೆಗೊಂಡಿದ್ದ ‘ದಿ ಕಾಶ್ಮೀರ ಫೈಲ್ಸ್ ’ಐಎಫ್ಎಫ್ಐನ ಭಾರತೀಯ ಪನೋರಮಾ ವಿಭಾಗದಲ್ಲಿದ್ದು,ನ.22ರಂದು ಪ್ರದರ್ಶನಗೊಂಡಿತ್ತು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top