ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

--

ಓ ಮೆಣಸೇ...

ಪಶ್ಚಿಮ ಬಂಗಾಳದ ಪ್ರತಿಯೊಬ್ಬ ವ್ಯಕ್ತಿಯ ಹಕ್ಕುಗಳಿಗಾಗಿ ಎದ್ದು ನಿಂತು ಹೋರಾಡುವ ಭರವಸೆ ನೀಡುತ್ತೇನೆ - ಮಿಥುನ್ ಚಕ್ರವರ್ತಿ, ನಟ
ಈ ಪ್ರಾಯದಲ್ಲಿ ನಿಮ್ಮನ್ನು ನಾಯಕನನ್ನಾಗಿಸಿ ಸಿನೆಮಾ ತೆಗೆಯಲು ಹೊರಟ ನಿರ್ಮಾಪಕರನ್ನು ಅಭಿನಂದಿಸಬೇಕು.


ಸಿದ್ದರಾಮಯ್ಯ ಮತ್ತು ಡಿಕೆಶಿ ಜೋಡೆತ್ತಲ್ಲ , ಅಧಿಕಾರಕ್ಕಾಗಿ ಕಾದಾಡುತ್ತಿರುವ ಹೋರಿಗಳು - ಶ್ರೀರಾಮುಲು, ಸಚಿವ
ಸಿಡಿಯೊಳಗಿರುವ ಬಿಜೆಪಿ ಹೋರಿಗಳಿಗಿಂತ ಇವರೇ ವಾಸಿ.


ಆಧುನಿಕ ಯುಗದ ಗ್ರಾಫಿಕ್‌ಗೆ ಬಲಿಪಶುವಾಗುವ ಭಯ ನನ್ನನ್ನು ಕಾಡುತ್ತಿದೆ - ಸಿ.ಪಿ.ಯೋಗೇಶ್ವರ್, ಸಚಿವ
ಯಾವ ಲಾಡ್ಜ್‌ನಲ್ಲಿ ಈ ಗ್ರಾಫಿಕ್ ನಡೆದಿರಬಹುದು ಎನ್ನುವುದನ್ನು ಹೇಳಬಹುದೇ?


ಗೋ ಹಂತಕರ ಪರ ನಿಂತ ಕಾಂಗ್ರೆಸ್‌ಗೆ ಗೋಹತ್ಯೆಯ ಶಾಪ ತಟ್ಟಿದೆ - ನಳಿನ್‌ಕುಮಾರ್ ಕಟೀಲು, ಸಂಸದ
ಬಿಜೆಪಿಗೆ ಗೋವುಗಳನ್ನು ಸಾಕುವ ರೈತರ ಶಾಪ ತಟ್ಟಿದೆ.


ಹಳೆ ಕಾರು ಗುಜರಿಗೆ ಹಾಕಿದರೆ ಹೊಸ ಕಾರು ಖರೀದಿಸುವ ಗ್ರಾಹಕರಿಗೆ ಶೇ.5ರಷ್ಟು ರಿಯಾಯಿತಿ ಸಿಗಲಿದೆ - ನಿತಿನ್ ಗಡ್ಕರಿ, ಕೇಂದ್ರ ಸಚಿವ
ಕಾರುಗಳನ್ನೇ ಯಾಕೆ, ಇಡೀ ದೇಶವನ್ನು ಗುಜರಿಗೆ ಕೊಡಲು ಒಬ್ಬರು ಸಿದ್ಧರಿದ್ದಾರೆ. ಅವರಿಗೆ ಎಷ್ಟು ಪರ್ಸೆಂಟ್ ರಿಯಾಯಿತಿ ಸಿಗಲಿದೆ ಹೇಳಿ.


ಈ ಬಾರಿ ಮಮತಾ ಬ್ಯಾನರ್ಜಿಯ ಟಿಎಂಸಿ ಗೆದ್ದರೆ ಪಶ್ಚಿಮ ಬಂಗಾಳ ಕಾಶ್ಮೀರವಾಗಲಿದೆ - ಸುವೇಂದು ಅಧಿಕಾರಿ, ಪಶ್ಚಿಮ ಬಂಗಾಳ ಬಿಜೆಪಿ ನಾಯಕ
ಅಂದರೆ ಪಶ್ಚಿಮ ಬಂಗಾಳಕ್ಕೂ ಸೇನೆ ನುಗ್ಗಿಸುತ್ತೀರಿ ಎಂದಾಯಿತು.


ಬಿಜೆಪಿಗೆ 5 ವರ್ಷ ಅಧಿಕಾರ ನಡೆಸಲು ಅವಕಾಶ ಮಾಡಿಕೊಟ್ಟರೆ ಕೇರಳವನ್ನು ನಂ.1 ಮಾಡುತ್ತೇವೆ - ಅಮಿತ್ ಶಾ, ಕೇಂದ್ರ ಸಚಿವ
ಶಿಕ್ಷಣ, ಆರೋಗ್ಯ ಸೇರಿದಂತೆ ಹಲವು ಕ್ಷೇತ್ರಗಳಲ್ಲಿ ಕೇರಳ ಈಗಾಗಲೇ ನಂ. 1 ಆಗಿದೆ. ನಿಮ್ಮ ಕೈಗೆ ಅಧಿಕಾರ ಕೊಟ್ಟರೆ ಏನು ಮಾಡುತ್ತೀರಿ ಎನ್ನುವುದು ಜನರಿಗೆ ಸ್ಪಷ್ಟವಾಗಿ ಗೊತ್ತಿದೆ.


ಚೀನಾ ಮತ್ತು ಭಾರತ ಪರಸ್ಪರರನ್ನು ಸಂಶಯದಿಂದ ನೋಡಬಾರದು - ವಾಂಗ್ ಯಿ, ಚೀನಾ ವಿದೇಶಾಂಗ ಸಚಿವ
ನೀವು ಬೆನ್ನಿಗೆ ಇರಿದ ಚಾಕುವನ್ನು ಭಾರತ ಗೌರವಪೂರ್ವಕವಾಗಿ ಸ್ವೀಕರಿಸಬೇಕೇ?


ಭಾರತದ ಸಂಪ್ರದಾಯಗಳು ಜಾಗತಿಕ ಮಾನ್ಯತೆ ಪಡೆಯಲು ಜಾತ್ಯತೀತವಾದವು ಬಹುದೊಡ್ಡ ಅಡ್ಡಿಯಾಗಿದೆ - ಯೋಗಿ ಆದಿತ್ಯನಾಥ್, ಉ.ಪ್ರ.ಮುಖ್ಯಮಂತ್ರಿ
ಜಾತೀಯತೆ, ಅಸ್ಪಶ್ಯತೆ ಮೊದಲಾದ ಸಂಪ್ರದಾಯಗಳಿಗೆ ಜಾಗತಿಕ ಮಾನ್ಯತೆ ದೊರಕಿಸುವ ಪ್ರಯತ್ನದಲ್ಲಿದ್ದಾರೆ.


ಪ.ಬಂಗಾಳದ ಚುನಾವಣಾ ರ್ಯಾಲಿಯಲ್ಲಿ ಪಾಲ್ಗೊಳ್ಳುವ ಪ್ರಧಾನಿ ಮೋದಿಗೆ ದಿಲ್ಲಿಯ ರೈತರನ್ನು ಭೇಟಿಯಾಗಲು ಸಮಯವಿಲ್ಲ -ಶರದ್ ಪವಾರ್, ಎನ್‌ಸಿಪಿ ವರಿಷ್ಠ
ರೈತರೇ ತನ್ನ ಚುನಾವಣಾ ರ್ಯಾಲಿಯಲ್ಲಿ ಭಾಗವಹಿಸಬಹುದಲ್ಲ ಎಂದು ಮೋದಿ ಕೇಳುತ್ತಿದ್ದಾರೆ.


ಈ ದೇಶದ ಹೆಸರನ್ನು ನರೇಂದ್ರ ಮೋದಿ ಎಂದು ಬದಲಾಯಿಸುವ ದಿನಗಳು ದೂರವಿಲ್ಲ - ಮಮತಾ ಬ್ಯಾನರ್ಜಿ, ಪ.ಬಂ.ಮುಖ್ಯಮಂತ್ರಿ
ಹಾಗೆ ಬದಲಾಯಿಸುವುದಕ್ಕೆ ಅಷ್ಟರಲ್ಲಿ ದೇಶವೆನ್ನುವುದು ಉಳಿದಿರಬೇಕಲ್ಲ?


ಯಡಿಯೂರಪ್ಪ ಸರಕಾರ ಬಜೆಟ್‌ನಲ್ಲಿ ಬಿಚ್ಚಿಟ್ಟ್ಟದ್ದಕ್ಕಿಂತ ಮುಚ್ಚಿಟ್ಟಿದ್ದೆ ಹೆಚ್ಚು -ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
ಮುಚ್ಚಿಟ್ಟದ್ದೆಲ್ಲ ಸಿಡಿಯ ಮೂಲಕ ಬಿಚ್ಚಿಡಲಾಗಿದೆ.


75ನೇ ಸ್ವಾತಂತ್ರೋತ್ಸವವು ಸನಾತನ ಭಾರತದ ಹೆಮ್ಮೆಯಾಗಿದೆ - ನರೇಂದ್ರ ಮೋದಿ, ಪ್ರಧಾನಿ
ಸನಾತನ ಭಾರತದಲ್ಲಿ ಎಮ್ಮೆ ಎಲ್ಲಿ ಬಂತು, ಗೋವು ಎಂದಿದ್ದರೆ ಸರಿಯಾಗುತ್ತಿತ್ತು.


ಸಿಡಿ ಪ್ರಕರಣದಲ್ಲಿ ನನ್ನ ಮನೋಬಲ ಹೆಚ್ಚಿಸಿದ ಎಚ್.ಡಿ.ಕುಮಾರಸ್ವಾಮಿಗೆ ಕೃತಜ್ಞತೆಗಳು - ರಮೇಶ್ ಜಾರಕಿಹೊಳಿ, ಮಾಜಿ ಸಚಿವ
ಆ ಯುವತಿಗೆ ಕೃತಜ್ಞತೆಯಿಲ್ಲವೇ?


ಬುದ್ಧಿ ಕೈಯಲ್ಲಿದ್ದಿದ್ದರೆ ಆರು ಮಂತ್ರಿಗಳು ತಮ್ಮ ಬಗ್ಗೆ ಸುದ್ದಿ ಪ್ರಸಾರ ಮಾಡದಂತೆ ನಿರ್ಬಂಧ ತೆಗೆದುಕೊಳ್ಳುವ ಅಗತ್ಯ ಇರಲಿಲ್ಲ. - ಎಚ್.ಡಿ.ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ
ಬುದ್ಧಿ ಕೈಯಲ್ಲಿದ್ದಿದ್ದರೆ ಅವರೇಕೆ ಸಿಡಿಯೊಳಗೆ ಸಿಕ್ಕಿ ಹಾಕಿಕೊಳ್ಳುತ್ತಿದ್ದರು?


ಹಣಕಾಸು ಇಲಾಖೆಯನ್ನು ಮುಖ್ಯಮಂತ್ರಿಯಾದವರು ತಮ್ಮಲ್ಲೇ ಇಟ್ಟುಕೊಳ್ಳಬಾರದು - ಎಚ್.ವಿಶ್ವನಾಥ್, ವಿ.ಪ.ಸದಸ್ಯ
ಹಣಕಾಸನ್ನು ನಿಮಗೆ ಹಂಚಿ, ಇಲಾಖೆಯನ್ನು ಮಾತ್ರ ಅವರೇ ಇಟ್ಟುಕೊಂಡರೆ ಆಗಬಹುದೇ?


ಸಿಡಿ ಮಾಡುವುದು, ಅದನ್ನು ಮುಂದಿಟ್ಟು ಬ್ಲಾಕ್ ಮೇಲ್ ಮಾಡುವುದು ಒಳ್ಳೆಯದಲ್ಲ -ಬಸನಗೌಡ ಪಾಟೀಲ್ ಯತ್ನಾಳ್, ಶಾಸಕ
ತೋರ್ಸು, ತೋರ್ಸು, ತೋರ್ಸು ಎಂಬ ಮನವಿಗೆ ಓಗೊಟ್ಟು ಸಿಡಿ ಬಿಡುಗಡೆ ಮಾಡಿರಬೇಕು.


ಸಣ್ಣ ಹಳ್ಳಿಯಿಂದ ಬಂದ ಪಕ್ಷದ ಸಾಮಾನ್ಯ ಕಾರ್ಯಕರ್ತನಾದ ನಾನು ಉತ್ತರಾಖಂಡದ ಸಿಎಂ ಆಗುವೆನೆಂದು ಎಂದೂ ಕನಸು ಕಂಡಿರಲಿಲ್ಲ - ತೀರಥ್ ಸಿಂಗ್ ರಾವತ್, ಉತ್ತರಾಖಂಡದ ನೂತನ ಸಿಎಂ
ಈಗಾಗಲೇ ತತ್ತರಗೊಂಡಿರುವ ಉತ್ತರಾಖಂಡಕ್ಕೆ ಅದೇನು ಕಾದಿದೆಯೋ?


 ಪ್ಯಾಂಟು ಜಾರಿದರೆ ಅವರ ಪ್ಯಾಂಟನ್ನು ಅವರೇ ಹಾಕಿಕೊಳ್ಳಬೇಕು, ಮತ್ತೊಬ್ಬರು ಹಾಕುವುದಕ್ಕೆ ಆಗುವುದಿಲ್ಲ
 - ಡಿ.ಕೆ.ಶಿವಕುಮಾರ್, ಕೆಪಿಸಿಸಿ ಅಧ್ಯಕ್ಷ
ಆದರೆ ಇದು ಜಾರಿದ್ದಲ್ಲವಂತೆ, ತಾವು ಜಾರಿಸಿದ್ದಂತೆ.


ಯಾರಿಗೂ ಅನ್ಯಾಯವಾಗದಂತೆ ಮೀಸಲಾತಿ ಇರಬೇಕು ಎಂಬುದು ಸರಕಾರದ ನಿರ್ಧಾರ - ಬಸವರಾಜ ಬೊಮ್ಮಾಯಿ, ಸಚಿವ
ಬಹುಶಃ ಅದಕ್ಕೇ ಮೇಲ್ಜಾತಿಗೆ 10 ಶೇಕಡ ಮೀಸಲಾತಿ ನೀಡಿರಬೇಕು.


ಜೈ ಶ್ರೀರಾಮ್, ಭಾರತ್ ಮಾತಾಕಿ ಜೈ ಎಂದು ಕೂಗುವುದು ತಪ್ಪಾ? - ಕೆ.ಎಸ್.ಈಶ್ವರಪ್ಪ, ಸಚಿವ
ಕೈಯಲ್ಲಿ ಚೂರಿ ಹಿಡಿದುಕೊಂಡು, ನಾಲಗೆಯಲ್ಲಿ ಹೊಲಸು ಇಟ್ಟುಕೊಂಡು ಕೂಗುವುದು ತಪ್ಪು.


ಮುಖ್ಯಮಂತ್ರಿ ಯಡಿಯೂರಪ್ಪರ ಒಂದು ಸಿಡಿ ಇದೆ ಎಂದು ಅವರ ಮಂತ್ರಿಗಳೇ ಹೇಳುತ್ತಿದ್ದಾರೆ - ವಾಟಾಳ್ ನಾಗರಾಜ್, ವಾಟಾಳ್ ಪಕ್ಷದ ಅಧ್ಯಕ್ಷ
ಅದರಲ್ಲಿ ಬಿಜೆಪಿ ಸರಕಾರದ ಕ್ಲೈಮಾಕ್ಸ್ ದೃಶ್ಯಗಳಿರಬೇಕು.


ಅಶ್ಲೀಲ ವೀಡಿಯೊ ಬಗ್ಗೆ ಅನುಮಾನ ವ್ಯಕ್ತಪಡಿಸುವ ಸ್ವಾತಂತ್ರ ಎಲ್ಲರಿಗೂ ಇದೆ. ಆಕಾರಣಕ್ಕೆ ನಾನೂ ಅನುಮಾನ ವ್ಯಕ್ತಪಡಿಸಿದ್ದೇನೆ - ಶ್ರೀರಾಮುಲು, ಸಚಿವ
ನಿಮಗೆ ಅದರಲ್ಲಿ ಯಾವ ದೃಶ್ಯದ ಕುರಿತಂತೆ ಅನುಮಾನ ಇದೆ ಎನ್ನುವುದನ್ನು ಹೇಳಿ ಮಾನ ಉಳಿಸಿಕೊಳ್ಳಿ.


ಕಾಂಗ್ರೆಸ್‌ನ ತಪ್ಪು ಹಾಗೂ ಜನವಿರೋಧಿ ನೀತಿಗಳಿಂದಾಗಿ ಬಿಜೆಪಿ ಅಧಿಕಾರಕ್ಕೇರುವಷ್ಟು ಪ್ರವರ್ಧಮಾನಕ್ಕೆ ಬಂತು- ಮಾಯಾವತಿ, ಬಿಎಸ್‌ಪಿ ನಾಯಕಿ
ನಿಮ್ಮ ಬಹುಜನ ವಿರೋಧಿ ನೀತಿಯಿಂದ ಆದಿತ್ಯನಾಥ್ ಉತ್ತರ ಪ್ರದೇಶದ ಮುಖ್ಯಮಂತ್ರಿಯಾಗುವಂತಾಯಿತು.


ಆತ್ಮ ನಿರ್ಭರ ಭಾರತವು ಜಗತ್ತಿಗೇ ಒಳ್ಳೆಯದು - ನರೇಂದ್ರ ಮೋದಿ, ಪ್ರಧಾನಿ
ಜಗತ್ತಿಗೆ ಒಳ್ಳೆಯದು ಮಾಡುವುದಕ್ಕಾಗಿ ಭಾರತವನ್ನು ಬಲಿ ಕೊಡುವುದೇ?


ಬಾಹುಬಲಿ ಕಾವ್ಯ ಬರೆಯುತ್ತ ನಾನೇ ಬದಲಾದೆ - ವೀರಪ್ಪ ಮೊಯ್ಲಿ, ಮಾಜಿ ಮುಖ್ಯಮಂತ್ರಿ
ಬಾಹುಬಲಿ ಯುದ್ಧ ಗೆದ್ದು ವಿರಾಗಿಯಾದ. ನೀವೋ ಚುನಾವಣೆ ಸೋತು ವಿರಾಗಿಯಾದಿರಿ. ಇಷ್ಟೇ ವ್ಯತ್ಯಾಸ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top