ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

--

ಓ ಮೆಣಸೇ...


ವರದಿ ನೆಗೆಟಿವ್ ಇರಲಿ, ಮನಸ್ಸು ಪಾಸಿಟಿವ್ ಇರಲಿ - ಮೋಹನ್ ಭಾಗವತ್, ಆರೆಸ್ಸೆಸ್ ಮುಖಂಡ
ನೆಗೆಟಿವ್‌ಗಳನ್ನು ಬಿತ್ತಿ ಪಾಸಿಟಿವ್‌ಗಳನ್ನು ಕೊಯ್ಯಲು ಹೊರಟರೆ ಹೇಗೆ?


ಪ್ರಾಯೋಜಕತ್ವ ಸಿಕ್ಕರೆ ಎಲ್ಲ ಜಿಲ್ಲೆಗಳಲ್ಲಿ ಆಕ್ಸಿಜನ್ ಬಸ್ ಸೇವೆ ನೀಡಲು ಸಿದ್ಧ - ಲಕ್ಷ್ಮಣ ಸವದಿ, ಉಪಮುಖ್ಯಮಂತ್ರಿ
ಮತ್ತೆ ಸರಕಾರ ಇರುವುದು ಯಾಕೆ?


 ಕೊರೋನ ಸೋಂಕಿತರ ಮರಣ ಪ್ರಮಾಣವನ್ನು ಕಡಿಮೆ ಮಾಡಿದರೆ ವೈದಾಧಿಕಾರಿಗಳ ಪಾದ ತೊಳೆಯುವೆ - ವಿ.ಸೋಮಣ್ಣ , ಸಚಿವ
ಮೊದಲು ನಿಮ್ಮ ಕಿವಿ ತೊಳೆದುಕೊಳ್ಳಿ. ವೈದ್ಯರಿಗೆ ಬೇಕಾಗಿರುವ ಸೌಕರ್ಯಗಳನ್ನು ಒದಗಿಸಿಕೊಡಿ.


ಪಿಎಂ ಕೇರ್ಸ್‌ನಿಂದ ಒದಗಿಸಲಾಗಿರುವ ವೆಂಟಿಲೇಟರ್‌ಗಳು ಕೆಲಸಕ್ಕೆ ಬಾರದ ಡಬ್ಬಗಳಂತಾಗಿವೆ - ಎಚ್.ಕೆ ಪಾಟೀಲ್, ಶಾಸಕ
ಖಾಲಿ ಡಬ್ಬ ಸದ್ದು ಮಾಡುತ್ತಿರುವುದು ಇದೇ ಕಾರಣಕ್ಕಿರಬೇಕು.


ಕೊರೋನ ಪರೀಕ್ಷೆ ಹಾಗೂ ಸೋಂಕಿತರ ಸಾವಿನ ವಿಚಾರದಲ್ಲಿ ರಾಜ್ಯ ಸರಕಾರ ಸುಳ್ಳು ಹೇಳುತ್ತಿದೆ - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
ಯಾವ ವಿಚಾರದಲ್ಲಿ ಸರಕಾರ ನಿಜ ಹೇಳಿದೆ ಎನ್ನುವುದನ್ನು ಮೊದಲು ಹೇಳಿ.


ಬೆಳಗಾವಿ ಲೋಕಸಭಾ ಚುನಾವಣೆಯನ್ನು ಹಿಂದಿನ ಚುನಾವಣೆಗಳಿಗೆ ಹೋಲಿಸಿದರೆ ನಾವು ಉತ್ತಮ ಯಶಸ್ಸು ಸಾಧಿಸಿದ್ದೇವೆ- ಸತೀಶ್ ಜಾರಕಿಹೊಳಿ, ಕೆಪಿಸಿಸಿ ಕಾರ್ಯಾಧ್ಯಕ್ಷ
ಹಿಂದಿನ ಸೋಲಿಗೆ ಹೋಲಿಸಿದರೆ ಈ ಬಾರಿಯ ಸೋಲು ತೃಪ್ತಿಕರವಾಗಿರಬೇಕು.


ಯೋಗಿ ಆದಿತ್ಯನಾಥ್ ಪಂಜಾಬ್‌ನ ಕೊರೋನ ಪರಿಸ್ಥಿತಿ ಬಗ್ಗೆ ಮೂಗು ತೂರಿಸುವ ಬದಲು ಅವರ ರಾಜ್ಯದ ಪರಿಸ್ಥಿತಿಯತ್ತ ಗಮನ ಹರಿಸುವುದು ಒಳ್ಳೆಯದು - ಅಮರಿಂದರ್ ಸಿಂಗ್, ಪಂಜಾಬ್ ಮುಖ್ಯಮಂತ್ರಿ
ಉತ್ತರ ಪ್ರದೇಶದಲ್ಲಿ ಕೊರೋನ ದಮನವನ್ನು ಪೊಲೀಸರ ಲಾಠಿಗಳಿಗೆ ವಹಿಸಿ ಬಿಟ್ಟಿದ್ದಾರೆ. 


ಪ್ರತಿ ದಿನ ಗೋಮೂತ್ರ ಸೇವಿಸುತ್ತಿರುವುದರಿಂದ ನಾನು ಕೋವಿಡ್ ಸೋಂಕಿಗೆ ಒಳಗಾಗಿಲ್ಲ- ಪ್ರಜ್ಞಾಸಿಂಗ್ ಠಾಕೂರ್, ಸಂಸದೆ
ನಿಮ್ಮಳಗಿರುವ ಕೋಮು ವಿಷ ವೈರಸ್‌ನ ಮುಂದೆ ಕೊರೋನ ವೈರಸ್ ಏನೇನೂ ಅಲ್ಲ ಬಿಡಿ. 


ಅತ್ತೆಯ ಒಡವೆ ಅಳಿಯ ದಾನ ಮಾಡಿದಂತೆ ಪ್ರಧಾನಿ ಮೋದಿಯ ನಡೆ - ದಿನೇಶ್ ಗುಂಡೂರಾವ್, ಕಾಂಗ್ರೆಸ್ ಮುಖಂಡ
ದಾನ ಮಾಡಿರುವುದೋ, ಮಾರಿದ್ದೋ ಎನ್ನುವುದನ್ನೊಮ್ಮೆ ಪರಿಶೀಲಿಸಿ.


ಮನೆಗೆ ಮಗನೂ ಆಗಲಿಲ್ಲ ಸ್ಮಶಾನಕ್ಕೆ ಹೆಣವೂ ಆಗಲಿಲ್ಲ ಎಂಬ ಸ್ಥಿತಿಗೆ ಕಾಂಗ್ರೆಸ್ ತಲುಪಿದೆ - ಸಿ.ಟಿ.ರವಿ, ಶಾಸಕ
ಬಹುಶಃ ನಿಮ್ಮ ಸರಕಾರದಿಂದ ಜನರು ಸ್ಮಶಾನಗಳಿಗೆ ಹೆಣವಂತೂ ಆಗುತ್ತಿದ್ದಾರೆ.


ದೇಶದ ಘನತೆ ಹಾಳು ಮಾಡಲು ಕಾಂಗ್ರೆಸ್ ಯಾವ ಮಾರ್ಗವನ್ನೂ ಬಿಟ್ಟಿಲ್ಲ -ಸಂಬಿತ್ ಪಾತ್ರಾ, ಬಿಜೆಪಿ ವಕ್ತಾರ
ಅದಕ್ಕಾಗಿ ಪ್ರಧಾನಿಯವರೇ ಹಗಲಿರುಳು ದುಡಿಯುತ್ತಿರುವಾಗ ಕಾಂಗ್ರೆಸ್‌ನ ಅಗತ್ಯವಿದೆಯೇ?


ನನ್ನ ಪ್ರಕಾರ ಪಿಚ್‌ಗೆ ಇಳಿಯುವ ಎಷ್ಟೋ ಮೊದಲೇ ಆಟ ಶುರುವಾಗಿರುತ್ತದೆ- ಸಚಿನ್ ತೆಂಡುಲ್ಕರ್, ಮಾಜಿ ಕ್ರಿಕೆಟಿಗ
ಆಟ ಮುಗಿಯುವ ಮೊದಲು ಕೊರೋನ ಪಿಚ್‌ಗೆ ಇಳಿದು ಬ್ಯಾಟಿಂಗ್ ಶುರು ಮಾಡಬಾರದೇ?


ರಾಜ್ಯ ಸರಕಾರದ ನೇರ ಖರೀದಿ ಮೂಲಕ ಎರಡು ಲಕ್ಷ ಕೋವಿಶೀಲ್ಡ್ ಲಸಿಕೆಗಳು ಬರಲಿದ್ದು, ಅವುಗಳನ್ನು ಆನಂದ್ ರಾವ್ ವೃತ್ತದ ಬಳಿಯ ಉಗ್ರಾಣದಲ್ಲಿಡಲಾಗುವುದು - ಡಾ.ಕೆ.ಸುಧಾಕರ್, ಸಚಿವ
ಉಗ್ರಾಣದಲ್ಲಿ ಕೆಟ್ಟು ಹೋಗಿರುವ ಕೋವ್ಯಾಕ್ಸಿನ್‌ನ್ನು ಏನು ಮಾಡುತ್ತೀರಿ?


ಜಿಲ್ಲೆಗಳು ‘ಕೊರೋನ ಗೆದ್ದರೆ ದೇಶವೇ ಗೆದ್ದಂತೆ’- ನರೇಂದ್ರ ಮೋದಿ, ಪ್ರಧಾನಿ
ಒಟ್ಟು ಕೊರೋನ ಗೆಲ್ಲುವ ಹೊಣೆಯನ್ನು ಜಿಲ್ಲಾಡಳಿತದ ತಲೆಗೆ ಕಟ್ಟಿ ನೀವು ಬಚಾವಾಗುತ್ತಿದ್ದೀರಿ.


ಕೋಟ್ಯಧಿಪತಿಗಳಿಗೆ ಹೆಚ್ಚಿನ ತೆರಿಗೆ ವಿಧಿಸಿ, ಆ ಹಣವನ್ನು ಕೋವಿಡ್ ನಿರ್ವಹಣೆಗೆ ಬಳಸಬೇಕು - ಡಾ.ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮೀಜಿ, ತರಳಬಾಳು ಶಾಖಾಮಠ
ಲಾಕ್‌ಡೌನ್ ಘೋಷಿಸಿ ಜನರಿಂದ ದಂಡ ವಸೂಲಿ ಮಾಡಿ ಕೋಟ್ಯಧಿಪತಿಗಳಿಗೆ ಹಂಚಲಾಗುವುದು ಎಂದರಂತೆ ಪ್ರಧಾನಿ.


ಸದ್ಯ ಬೆಡ್ ಕೊರತೆ ನಿಯಂತ್ರಣಕ್ಕೆ ಬರುತ್ತಿದೆ- ಬಸವರಾಜ ಬೊಮ್ಮಾಯಿ, ಸಚಿವ
ಜನರ ಬ್ರೆಡ್ ಕೊರತೆಯ ಬಗ್ಗೆಯೂ ಒಂದಿಷ್ಟು ಯೋಚಿಸಿ.


ಕೋವಿಡ್ ನಿಯಂತ್ರಣಕ್ಕೆ ಮುಂದಿನ ವಾರ ಇನ್ನಷ್ಟು ಕಠಿಣ ನಿಯಮ ಜಾರಿ ಮಾಡಲು ಉದ್ದೇಶಿಸಲಾಗಿದೆ- ಆರ್.ಅಶೋಕ್, ಸಚಿವ
ಕಠಿಣ ಕ್ರಮ ಕೊರೋನ ವಿರುದ್ಧವೋ, ಜನರ ವಿರುದ್ಧವೋ?


ಹಳ್ಳಿ ಹಳ್ಳಿಗೂ ಕೊರೋನ ಹಬ್ಬಿರುವುದರಿಂದ ಬಿಗಿಯಾದ ಲಾಕ್‌ಡೌನ್ ಅಗತ್ಯವಿದೆ - ಗೋವಿಂದ ಕಾರಜೋಳ, ಉಪ ಮುಖ್ಯಮಂತ್ರಿ
ಹಳ್ಳಿಯನ್ನೂ ನೆಮ್ಮದಿಯಲ್ಲಿರಲು ಬಿಡುವುದಿಲ್ಲವೇ?


ಪ್ರಧಾನಿ ಮೋದಿ ಒಕ್ಕೂಟ ತತ್ವವನ್ನು ಗಾಳಿಗೆ ತೂರಿ ಮುಖ್ಯಮಂತ್ರಿಗಳನ್ನು ಅವಮಾನಿಸುತ್ತಿದ್ದಾರೆ- ಮಮತಾ ಬ್ಯಾನರ್ಜಿ, ಪ.ಬಂ.ಮುಖ್ಯಮಂತ್ರಿ
ಕ್ಕೂಟಗಳನ್ನು ಒಡೆಯುವುದೇ ಅವರ ತತ್ವವಿರಬೇಕು.


ಕೊರೋನ ಲಸಿಕೆ ಒಂದು ಡೋಸ್ ವ್ಯರ್ಥಗೊಳಿಸಿದರೂ ಒಬ್ಬ ವ್ಯಕ್ತಿಯ ಜೀವನ ಸುರಕ್ಷತೆಯನ್ನು ವಂಚಿಸಿದಂತೆ - ನರೇಂದ್ರ ಮೋದಿ, ಪ್ರಧಾನಿ
ಕೊರೋನ ಹೋರಾಟದಲ್ಲಿ ನೀವು ಒಂದು ವರ್ಷವನ್ನು ವ್ಯರ್ಥಗೊಳಿಸಿರುವುದು?


ಒಪ್ಪಂದ ಮಾಡಿಕೊಂಡರೂ ಚೀನಾ ಕುತಂತ್ರ ಮಾಡುತ್ತಿರುವುದರಿಂದ ಭಾರತ- ಚೀನಾ ಸಂಬಂಧ ಇನ್ನೂ ಸರಿಯಾಗಿಲ್ಲ - ಜೈ ಶಂಕರ್, ಕೇಂದ್ರ ಸಚಿವ
ಹೆಚ್ಚಿರುವ ಕೊರೋನದ ಹಿಂದೆಯೂ ಚೀನಾ ಕುತಂತ್ರವಿರಬಹುದೇ?


ನಾವೀಗ ಕೊರೋನ 3ನೇ ಅಲೆ ಎದುರಿಸಲು ಸಜ್ಜಾಗಿದ್ದೇವೆ- ಡಾ.ಅಶ್ವತ್ಥ ನಾರಾಯಣ, ಉಪಮುಖ್ಯಮಂತ್ರಿ
ಹಾಗಾದರೆ ಎರಡನೇ ಅಲೆಯನ್ನು ಯಾರು ಎದುರಿಸಬೇಕು?


ಕೊರೋನ 2ನೇ ಅಲೆಯಲ್ಲಿ ಸಂಭವಿಸುತ್ತಿರುವ ಪ್ರಾಣ ಹಾನಿಗೆ ಕಾಂಗ್ರೆಸ್ ಪಕ್ಷವೇ ನೇರ ಕಾರಣ - ನಳಿನ್ ಕುಮಾರ್ ಕಟೀಲು, ಸಂಸದ
ಕಾಂಗ್ರೆಸ್ ರಾಜೀನಾಮೆ ನೀಡಿ, ಸರಕಾರವನ್ನು ವಿಸರ್ಜಿಸಬೇಕು.


ಬಿಎಸ್‌ವೈ ಪ್ಯಾಕೇಜ್ ಊಟಕ್ಕಿಲ್ಲದ ಉಪ್ಪಿನಕಾಯಿ- ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
ಉಪ್ಪಿನಕಾಯಿಯನ್ನು ಮೂರನೇ ಅಲೆಗೆ ತೆಗೆದಿಟ್ಟಿದ್ದಾರಂತೆ.


ಪಕ್ಕದ ಮನೆಗೆ ಬೆಂಕಿ ಬಿದ್ದಾಗ ಆರಿಸುವ ಬದಲು ಕಾಂಗ್ರೆಸ್‌ನವರು ಚಳಿ ಕಾಯಿಸಿಕೊಳ್ಳ್ಳುವ ಕೆಲಸ ಮಾಡುತ್ತಿದ್ದಾರೆ - ಶ್ರೀರಾಮುಲು, ಸಚಿವ
ಸ್ವಂತ ಮನೆಗೆ ಬೆಂಕಿ ಹಾಕಿ ಚಳಿ ಕಾಯಿಸುವ ಬಿಜೆಪಿಗಿಂತ ವಾಸಿ 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top